NEHEMIAH 6:9 - PATHIAN LEKHABU THIANGTHO (BSI)

⁹ Amau in, “A khutteu in a nasep uh cholsan in, a nau chu zawdâ leu,” a ti ziak ua ei sulau ah ei hi’lungthuai gaw zing ahi zawu a. Himaleh, tu’hin, aw Pathian, ka khutteu hi hi’hat zing in.

NEHEMIAH 6:9 ပူးပေါင်းရင်းမြစ်များ

2 KHANGTHU 15:7

Himaleh, nang vang kihihat in! La khut nasep zosia lamzang ding a hiziak in, la khut chu thâtdasak kin!” ti in.

2 KHANGTHU 32:18

A khawpiu chu a lâkpiak theina ding un, Jerusalem khua leh a kulpi chung ah umte suklauna dingin, Judate pau in ngai tak tak in a kiko khum tau hi.

EZRA 1:6

A Invêngteu chiat in dangka ûm leh bêlte, sanate, thil chi chuam chuam, ganchate leh thil go takte chu, amau kiphalna dungzui ah a piakkhawmteu bân in panpi’na a pechiat tau a.

NEHEMIAH 6:14

Aw ka Pathian, Tobiah leh Sanballat te hin a thilbawl dan zosiau hi hezing inla; chuleh, jawlneinu Noadiah leh jawlnei dangte, ei suklau gua kipei zosia hi hezing in.

SAM 138:3

Ka hun ko ni ma ma in, nang in lei dawnhu ta hen; ka thagau hatna lei hipun piak tai.

SAM 56:3

Aw Chungnung Penpa, ka lau phat si’n leh hun ging ing ka.

SAM 68:35

Pathian, a umna munthiang ah umpa chu a tizat um in, Israel Pathian ngei chun, a mipite thilhitheina leh hâtna a piai. Pathian chu pâk in um ta hen!

SAM 71:1

Aw Lalpa, nangma ka hun bêl hi; ei mualphosak kin.

ISAI 40:29

Tha chaute chu hâtna a pia’n, mi hâtlote a suhat hi.

ISAI 41:10

lau him him kin, ka hun umpi zing hi; lung lau kin, la Pathian ka hi’ngâl a. Hun hi’hat ing ka tin, hun panpi ding ka hi; ka zaw’na khut changlam in, hun domsâng ding ka hi.

JEREMIAH 38:4

Ziaphatchun, a milian leh lalte chun, lengpa kiang in, “Zia khawpi sung ah sepaite leh mipite zosia hilungthuai ding ah zia gual thu chu a gen ziakin, zia mipa hi thalup ding ahi. Zia mipa hin, mipite â ding ah thilpha hawl lo in, a siatna ding bep uh a hawl zaw ngâl a,” a ti tau a.

EZEKIEL 30:24

Babulon Lengpa khutbânte chu suhât ing ka tin, a khut ah ka chemjam koi ing ka; himaleh, Aigupta khutbânte chu hi’bong ding ka hi; thi ding khop ah liamna tuakte thûm gual in thavai tak in thûmsak ing ka.

ZEKARIAH 10:12

Lalpa ah chun hi’hat ing ka tin; tichun, ama min ziak ah chun chia tawl tawl ta’n au, Lalpa‘n a tii.

2 KORINTH 12:9

himaleh, ama’n ka kiang in, “Ka hepina nang â di’n a hun hi, ka thilhitheina hi hâtlona sukbukim ah um sek ahi,” a ti’n. Ziaziakchun, Khrista thilhitheina chu ka chung ah a um theina dingin, kipak tak in ka hatlonate hi suang zaw ta’ng ka.

EPHESA 3:16

a lopina hau dungzui in a Thagau jal in, la sunggil lam ua chun thilhitheina’ suk-hat ah la umtheina ding un, ka pauchap in;

EPHESA 6:10

A tawp pen in ka suapite haw, Lalpa leh a hâtna thilhitheina ah chun hat tak in um unla.

PHILIPPI 4:13

Ei hi’hatpa Khrista jal ah chun bangkim bawlthei ka hi.

HEBRAITE 12:12

Ziaziakchun, khut kikhâithate leh khup zawite chu jezang unla,

1 PETER 5:10

Chun, hepina zosia Pathian, a kumtuang lopina chang ding ah Khrista ah hun kopa ngei chun, sawt lo la thok zaw phat ua leh hun tungding in, hun hi’det in, hun hi’hat ding ahi.

1 SAMUEL 30:6

Mipite chu a ji leh chateu ziak ah a lungthim uh a nat ma ma ziakin, David chu suang ah se’lup a guat ziang phat un, David â dingin lauthawn um tak ahi tai. Himaleh, David chu Lalpa a Pathian ah chun ama leh ama a hung kisuhat tai.