NEHEMIAH 6:16 - PATHIAN LEKHABU THIANGTHO (BSI)

¹⁶ Ka mêlmateu zosia’n zia thu chu a het phat un, ka kîmvêl ua namdangte zosia chu a lau ta ma mau ah; ka Pathian un ei panpi’na jal ah zia chu mualsua ka hiu ti ei het ziak un, a mai uh a mual chiat tai.

NEHEMIAH 6:16 ပူးပေါင်းရင်းမြစ်များ

NEHEMIAH 2:10

Horon mi Sanballat leh milian Ammon mi Tobiah in zia thu chu a la het phat un, Israelte phatna ding ngaitua mi hung a hiu ti a het ziak un, a la lungna ma ma ziang tau a.

NEHEMIAH 4:1

Sanballat in kulbâng ka siam ui ti a hun het phat in, lungna ma ma in, a hachang a thak tun tun ta mai ah; tichun, Judate chu a êng êng in ei ho tai.

NEHEMIAH 4:7

Himaleh, Sanballat, Tobiah leh Arabte, Ammonte leh Ashdod mite chun, Jerusalem kulbâng chu ka siampha jel ui ti leh, a siatnate chu bawlpha zo ding ka hitau hi ti a hun het phat un, a lung na ma ma ziang tau a;

NEHEMIAH 6:17

Zia bep chule hilo in, zia hun lai ah Judai gam ah milian leh lalte chun, Tobiah kiang in lekha tam tak a la thot tau a; Tobiah inle lekha a thotthukte chule a la mu tau a.

SAM 109:27

Zia chu la khut ahi ti a het ua, nangma Lalpa chun la bawl ahi ti, a hiattheina ding un.

SAM 126:2

Zia lai ah khan I kam uh nuina’n a dim in, I lei uh le limna’n a dim a: “Amau â dingin Lalpa‘n thil lopi takte a bawl piak hi,” ti’n namtin in a gen a tiu hi.

SAM 129:5

Zion mudate zosia chu sukmualpho ah um in, jamsiatsak in um tau hen.

SAM 147:2

Lalpa‘n Jerusalem a tungding a; Israel nawdaw ah umte chu a pui khawm kit hi.

PAWTDAWNA THU 14:25

A sakol kângtalai kengteu chu a puaidaw piak ah; tichun, a naw hat thei ta puau a. Ziaphatchun, Aiguptate chun, “Israelte ah kipat hin tai mang mai hitiu, Lalpa amau lam in a pang ah, Aiguptate hi a do piak ahi,” a tiu a.

JEREMIAH 33:9

Chun, zia khawpi chêngte â ding ah thilpha ka hi’piak zosia hun he dingte ma-âng ah chun, zia khawpi hi kei â ding ah kipakna leh choihoina leh lopina hung hita’n a; zia khawpi â ding ah thilpha leh vangphatna ka piak ziakin, lau in kithing ta’n au.

KISIMNA LEKHABU 23:23

Jakob siatna ding ah bumna a um pua’n, Israel chung inle dawi thu sapna a um him him puai; tu’hin, Israel tawh Jakob chung thu, ‘En tiam in, Pathian in bang bawl piak ahi tam!’

NASEPTE 5:38

Tu’hun thil thu ah hinle, ka hun hil la hiu, zia mite ah kipat hin kikoi kâng unla, a um um un umsak un; a ziak chu, zia a thil guanggal uh leh patdawu hi mihing ah kipat ahi chun, lawsam ding ahi;

JOSHUA 2:11

Zia thute chu ka la het phat un, ka ngaituanateu chu a timaw gawp ngâl ta’n; nang uh ziakin hânsanna nei ka um ta puau ah. Lalpa la Pathian uh hi chung lam van leh nuai lam lei ah Pathian tak tak chu ahi ngâl a.

JOSHUA 2:9

a kiang un: “Zia gam hi Lalpa‘n a hun piaksa ahi tai, nang uh kicha’n launa’n ka dim tau in, zia gam ah chêng zosia hi nang uh lau ah timaw gawp ka hitau hi ti ka hia’i;

JOSHUA 5:1

Chuleh, Jordan lui gâl tumlam ah Amorte leng zosia tawh, tuisuagiat gei jul ah Kanaan mite leng zosia chun, Lalpa‘n Israel mite zosia’n Jordan lui a gâl kâi masang siau, Jordan lui tuite chu Israelte â dingin a kangtansak hi, ti a het phat un, Israelte a lau ziak un a lungthim uh timaw zo in, a tha leh zung le a nei puau hi.