NEHEMIAH 6:1 - PATHIAN LEKHABU THIANGTHO (BSI)

¹ Sanballat, Tobiah leh Arab mi Geshem leh ka mêlmateu zosia’n, (a kotkhakte chu siam zo nai lo ma leng unle) kulbângte chu ka siam zo tau hi ti leh, a kâl ah a awnna um talo ah zo ka hitau ti a het phat un;

NEHEMIAH 6:1 ပူးပေါင်းရင်းမြစ်များ

NEHEMIAH 13:4

Tu’ma lam ah khan, I Pathian In ua pindante ah mawpua thiampu Eliashib, Tobiah tawh kithoina nei chun,

NEHEMIAH 2:10

Horon mi Sanballat leh milian Ammon mi Tobiah in zia thu chu a la het phat un, Israelte phatna ding ngaitua mi hung a hiu ti a het ziak un, a la lungna ma ma ziang tau a.

NEHEMIAH 2:19

Himaleh, Horon mi Sanballat, Ammon mi vaihawmpa Tobiah tawh Arab mi Geshem in a hun het phat un, ei nuisan in ei engho tau a, “Bang bawl la hiu em? Lengpa do ding ah kisa la hiu maw?” a hung tiu a.

NEHEMIAH 3:1

Ziaphatchun, thiampu lianpen Eliashib chu a seppi thiampute tawh a hung kipan ua, Belam Kotpi chu a hun siam tau ah. A thiansua zaw phat un a kotkhakte chu a siamtup tau hi; tichun, Mi za khatte Insâng leh Hananel Insâng tiang in a thiansua tau hi.

NEHEMIAH 3:3

Hassenah Inkuante’n Sanga Kotpi a siam ua; a jawlpite zam zo in, a kotkhakte leh a kamnate le a bawl tau hi.

NEHEMIAH 3:6

Chuleh, Kotpi Lui chu Paseah chapa Joiada tawh Besodeiah chapa Meshullam in a siamphau ah; a jawlte zam zo in, a kotkhakte, a thikjawlte leh a kamnate le a bawl ui.

NEHEMIAH 4:1

Sanballat in kulbâng ka siam ui ti a hun het phat in, lungna ma ma in, a hachang a thak tun tun ta mai ah; tichun, Judate chu a êng êng in ei ho tai.

NEHEMIAH 7:1

Tu’hin, kulbâng leh a kotkhakte siam zaw ahi’phat in, kul kotkhak ngâk dingte, La sa dingte leh Levite chule ka guat chiat tai.

DANIAL 9:25

Chutichun, Jerusalem tundin kit ah, sak thak kitna ding ah thupiak a pawt daw ah kipat sathaunu’ ah um, lal hung um tiang chu hapta sagi hi’ntin; chuleh, hapta sawmguk leh ni sung chu a kotzingte leh a kulbângte chu, hun buai um tak sung in sak kit hita’n a.