NEHEMIAH 4:6 - PATHIAN LEKHABU THIANGTHO (BSI)

⁶ Tichun, kulbâng chu ka sa pan tau a; mipite chun nasep thatnopna gil tak a nei ziak un, kulbâng sândan kimkhat tiang chu ka zawpmat suak tau hi.

NEHEMIAH 4:6 ပူးပေါင်းရင်းမြစ်များ

1 KHANGTHU 29:14

Himaleh, kei hi kua ka hia, ka mipite hile bang a hiu ah, zia gual tuk ah kiphalna tawh thilpiak hun pia ziang thei ka hiu em? Bangkim hi nangma ah kipat hung pawt ngen ahi’n, nang â ma ma chu ka hun piak kit uh a hizawi.

1 KHANGTHU 29:3

Zia bep chule hilo in, zia In thiangtho sakna ding ah ka la bawl cheng bân ah hin, ka Pathian In sak ding ka lung lut ma ma ziak in, keima nei leh lamte lak ah a pha cha cha, sana leh dangka thikte zosia chule ka Pathian Insakna ding ah hin ka pedok sik sek ta ahi;

2 KHANGTHU 29:36

Tichun, Pathian in mipite â ding ah zia gual ah chu thakhat ah thil a hun bawl ziang phatin, Hezekiah tawh mipite zosia chu a lim ta ma ma ziang ui.

NEHEMIAH 4:5

A bawlkhialnau khû mang kin la, la mit mu in a gitlonau chu thaimang piak him him kin; kulbâng sate a maichang un a sumualpho tau in, ti’n ka pauchap tai.

NEHEMIAH 4:7

Himaleh, Sanballat, Tobiah leh Arabte, Ammonte leh Ashdod mite chun, Jerusalem kulbâng chu ka siampha jel ui ti leh, a siatnate chu bawlpha zo ding ka hitau hi ti a hun het phat un, a lung na ma ma ziang tau a;

NEHEMIAH 6:15

Tichun, kulbâng chu ni sawmnga leh ni tin ni, Elul tha, ni sawmni leh nga ni chun zaw thian ahi tai.

SAM 110:3

La tâng thiangtho ah la sepaite ma la hun pui phat leh, la mipite chu nang â ding ah, thanuam tak in hung kipia’n tiu in; jingkal matak ah daichîm gual in, la khanglaite chu la kiang in hung in au.

SAM 122:3

Jerusalem khawpi chu detdo tak ah lepkhawm ahi.

HAGGAI 1:14

Chuleh, Lalpa chun Shealtiel chapa, Judai gam awppa Zerubbabel lungthim leh, Jehozadak chapa thiampu lianpen Joshua lungthim leh, mipi a um nalaite lungthim chu a chok tho ta’n; chutichun, a hung ua, sepai honte Lalpa a Pathian In uh chu a sa pan tau a;

PHILIPPI 2:13

A lung lam sêm ding ah sepnopna hun pepa chu Pathian ahi ngal a.

HEBRAITE 13:21

a mit mu ah a kipakna gual ah Jesu Khrista jal ah nangmau ah sêm in, ama lung lam sêmdok dingin thilpha lam zosia’n hun subukim ta hen; ama kiang ah chun, lopina kumtuang kumtuang in um zing ta hen. Amen.