NEHEMIAH 4:14 - PATHIAN LEKHABU THIANGTHO (BSI)

¹⁴ Thil umdante chu ka etchian nung in, ka dingdok ah, miliante, vaihawm mite leh mipi zosia kiang ah chun, “Amau lawi chu lau him him kiu in. Lalpa a lopi dan leh a lau um dante chu hezing un; la chanauteu, la chapateu, la chanuteu, la jiteu leh la Inteu hûk dingin gâl chu do un,” ti’n ka gen a.

NEHEMIAH 4:14 ပူးပေါင်းရင်းမြစ်များ

2 SAMUEL 10:12

I mipiteu leh I Pathian uh khawpi hûkna dingin hangsan tak leh tawmngai tak in pang hitiu; Lalpa‘n pha asak dan dan in hun bawl ta’n ah,” ti’n a gen a.

2 KHANGTHU 32:7

“Hat tak leh hangsan tak in pang un. Assuriate lengpa leh a kiang ah a sepaite haw chu lau kiu inla, huphul him him kiu in; amau kiang ah umte sâng ah hatzaw ei panpi a um ngâl a.

NEHEMIAH 1:5

Zia gual hin ka pauchap ah: “Aw Lalpa, van Pathian, Nang Pathian lopi leh ja’um, la thupiakte zuiah a hun ngainate chung ah la thuthung hezing leh ja’ngaina neipa;

JOB LEKHABU 37:22

Mallam ah kipat in kawl eng a hung kikhawdok ah, lopina tizat um tak in Pathian a tuamvêl hi.

SAM 143:5

Nidang lai hunte kha ka hezing ah, la thilbawl zosia ka ngaitua in, la khut nasepte ka sût sek hi.

SAM 20:7

Khenkhat in kângtalaite a suang un, khenkhat in sakolte a suang un, ei hawn vang I kisuanpiu chu, Lalpa I Pathian min uh ahi.

SAM 27:1

Lalpa chu ka vâk leh ei hukhingpa ahi’n; kua a hem ka lau ding? Lalpa chu ka bitna kulpi ahi; kua a hem ka lau ding?

SAM 46:11

Sepai honte Lalpa chun ei umpi hi; Jakob Pathian chu I kisêlnau ahi.

SAM 65:5

Aw ka hukdampa Pathian, tizat um tak ah thilbawl in gâl zaw’na’n lei dawnhu ta’n: nang chu kawl kîmvêl tiang ah mi zosia leh, tuisuagiat gamla pen tiang ah umte kinepna chu la hi.

SAM 66:3

Pathian kiang ah chun, “La thil bawlte chu a lopi na e! La thilhitheina nasat ziakin, nangma hun do-te le la âng in, hung bokkhup ta’n au.

SAM 66:5

Hung unla, Pathian thil bawlte hi hung en ma tiam un: mihingte chung ah a thilbawl hi a huaisia ngal a.

PAWTDAWNA THU 14:14

Lalpa’n nang uh â dingin gâl hun do piak intin, thipbek in um hiat hiat mai un,” a tia.

PAWTDAWNA THU 14:25

A sakol kângtalai kengteu chu a puaidaw piak ah; tichun, a naw hat thei ta puau a. Ziaphatchun, Aiguptate chun, “Israelte ah kipat hin tai mang mai hitiu, Lalpa amau lam in a pang ah, Aiguptate hi a do piak ahi,” a tiu a.

THUGENTU 12:1

La khangdawn lai ni hin a hun siamtu chu hezing inla, ni phalote a hung tun masang leh, “Kipakna him him ka nei puai,” la ti’na ding kum in a hun nai masang leh,

DANIAL 11:32

Chuleh, thuthung kãl ah gilo tak ah bawlte chu dawha thiam in pui kawi intin; himaleh, a Pathian â ding ah ginumte chu det tak ah ding zing in, thil bawlthei in au.

ZEKARIAH 14:3

Ziaphat chuleh, Lalpa hung kipan intin, kido’na gâl sat gual in, zia nam tinte chu hun do ta’n a.

KISIMNA LEKHABU 14:9

Lalpa do in hel dâ phot unla; chuleh, a gam ah chêngte chule lau kiu in; ei uh â ding ah anchâk bep ahi ngâl un; amau venbitna chu lâkdaw a hita’n, Lalpa‘n ei haw ei umpi hi; amau chu lau him him kiu in,” a tiu a.

MATTHAI 10:28

Taksa bep thatthei, thagau that theilo chu lau kiu inla; taksa leh thagau susia thei ah, gawt mun ah koithei nalai chu lau zawu in.

DAN LEKHABU 1:21

En un, Lalpa la Pathian un gam chu a hun pe zo ta’n; chia to unla, valua tau in; la pu leh pateu kiang ah a tiamsa ahi ngal ah; lau kiu inla, lungthuai diak kiu in,” ti ka gen la hiu.

DAN LEKHABU 10:17

Lalpa la Pathian uh hi pathiante zosia chung ah Pathian, lalte zosia chung ah Lal, Pathian Chungnung pen, hat leh lau um tak, kuama doichuam diak nei lo leh golgûkna la ngai lo leh,

HEBRAITE 13:6

Ziaziakchun, ei un hangsan tak in, “Lalpa chu ei panpipa ahi, mihing in bangma ei law ding lau pua’ng ka,” I tithei ui.

JOSHUA 1:9

Ziaziakchun, thu ka hun pia la hi: hat tak leh hangsan tak in um in; lau kin la, lunglel diak kin; Lalpa la Pathian chun la chiana taphot ah hun umpi zing ding ahi ngâl ah,” a ti tai.

VAIHAWMTE 3:27

Ephraim tânggam a tai tung phatin, pengkul a mût ta’n; ama chu Israelte’n tângsâng ah kipat in a hung zui suk tau ah, ama chu a makai un a pang tai.