NEHEMIAH 4:10 - PATHIAN LEKHABU THIANGTHO (BSI)

¹⁰ Himaleh, Judah phung ah mite chun, “Puakgik pawte tha a chau ta’n, ki’dak buaksia a tam bêk ziakin, kulbâng ka bawl thei ta puau hi,” a tiu a.

NEHEMIAH 4:10 ပူးပေါင်းရင်းမြစ်များ

2 KHANGTHU 2:18

A lak ua sîng sagite chu nasêm vantang ding, sîng giatte chu tânggam ah suang sek ding; chuleh, sang thum leh za gukte chu nasêmte enkol dingin a guat tai.

2 KHANGTHU 34:13

thil gik pawte enkâi ding leh, nasep tincheng entha ding ah guatdaw a hiu ah; chuleh, Levi phung ah mi khenkhatte chu lekha zik ding, vaihawm ding leh kotkhak vêng ding ah guat a hiu hi.

NEHEMIAH 4:11

Chuleh, ka mêlmateu in, “A lak ua I chiau ah, I thalup ua, a nasep uh I cholsak hial masang siau bangma hepua’n tin uh, mu le mu diak lo ding a hiu,” ei tiu a.

NEHEMIAH 4:2

A lawite tawh Samaria sepaite umna chun zia gual hin thu a gen a: “Zia Juda mi jawngkhalte hin bang bawl a hita get awm? A sia zosia hi siampha kit zo ding kisa a hiu em? Kithoina lân kit ding ahi na diam uh maw? Ni khat sung in a sa zo diam uh? Ki’dak kisung khawm lak ah kipat suang kihâlsiate haw hi chom khawm ah tundin kit kinem ahi diam uh?” ti in.

NEHEMIAH 4:9

Tichun, ka Pathian kiang in ka pauchap un; chuleh, a sûn a jan ah gâlveng ding ka koi tau hi.

EZEKIEL 29:18

Mihing, Babulon Lengpa Nebukadrezar in, Tura do dingin a sepaite gim tak in a pansak in; luchang zosia kol hial leh a liangko zosiau dul hial in a pang tau hi; himaleh, amau hin a sepaiteu hileh, Tura do ah a sepgimnau tawh kiphutawk in bangma a lawchâk puau hi.

HAGGAI 1:2

Sepai honte Lalpa chun zia gual hin a gen a: Zia mipite hin Lalpa Insakna ding hun a tung nai puai a tiu a.

KISIMNA LEKHABU 13:31

Ziaphatchun, a kitonpite chun a kiang in, “Zia gam ah mite chu do dingin kuan ngam puai tiu, ei haw sâng in a hatzaw ma ma ngâl un,” a tiu a.

KISIMNA LEKHABU 32:9

Wadi Eshcol mun tiang a chia to lai un, a gam chu a vamu tau a; Lalpa‘n a piakna ding gam ah a lûtna ding un, Israelte lungthim a la sudawilok tau a.