NEHEMIAH 3:14 - PATHIAN LEKHABU THIANGTHO (BSI)

¹⁴ Chun, Beth-hekkerem bial ah vaihawmpa, Rekhab chapa Malkijah in Buaksia Kotpi chu a siampha’n; a siam phat zaw nung in a kotkhakte, a kamnate leh a thikjawlte le a la bawl pha tai.

NEHEMIAH 3:14 ပူးပေါင်းရင်းမြစ်များ

2 SAMUEL 4:2

Saul chapa chun galbawlte hotu pani a nei ah; pakhat min chu Baanah ahi’n, a pani’na pa min chu Rekhab ahi. Amau teni hi Beeroth khua Benjaminte suan ah mi Rimmon chate a hiu a; Beeroth khua hi Benjaminte khaw lak ah simkhawmsa him a la hi.

2 LENGTE 10:15

Zia mun chu a nutsia phatin, Rekab chapa Jehonadab, ama lamtua ding ah hung chu a kimupi ah; ama chu chibai bûk in, a kiang in, “Ka lungthim nang â dingah a lamzang gual in, nang lungthim le kei â dingin a lamzang na em?” a tia. Jehonadab inle, “A lamzang hi,” a tia. Jehu chun, “Ahileh, la khut ei pia’n,” a tia. Tichun, a khut chu a vak pia ta’n. Jehu chun a kângtalai chung in a kaldawpi tai.

1 KHANGTHU 6:40

ama chu Mikael chapa ahi’n, ama chu Baaseiah chapa ahi’n, ama chu Malkhijah chapa ahi’n,

NEHEMIAH 12:31

Ziaphatchun, Judah lak ah hotute chu kulbâng chung in ka puidok ah, kipak thu gen kawm ah mipi kizui dup dup ah chia dingte chu pawlpi lian tak pani in ka siam a. Buaksia Kotpi lam zuan in pawl khatte chu a kizui un;

NEHEMIAH 2:13

Jan ah chun Phâiguam Kotpi ah pawtdok in Gulpi Tuinâk lam haw in, Buaksia kotpi tiang in ka chia a; Jerusalem kulbâng siat dan leh a kotpite mei in a kâttumte chu ka endik tai.

NEHEMIAH 3:9

Amau bân chu, Jerusalem bial kimkhat ah vaihawmpa, Hur chapa Rephaiah in a siampha’n.

JEREMIAH 6:1

Aw nanghaw Benjamin chate haw, Jerusalem ah kipat taidok in, la bitna ding un jam tau in! Tekoa ah chun pengkul mût unla, Beth-hakkherem ah chun hetsakna tâkdok un; siatna huaisia tak leh susia ding tizat um, mallam ah kipat in a hung kuandok hi.