NEHEMIAH 2:7 - PATHIAN LEKHABU THIANGTHO (BSI)

⁷ Ziaphatchun, lengpa kiang in, “Lengpa’n lem lasak ahi chun, Luipi gâl lam ah gam awpte’n Judai gam ka tun masang sia ei la phalna ding un lekha le ei zik piak inla;

NEHEMIAH 2:7 ပူးပေါင်းရင်းမြစ်များ

EZRA 6:6

Tu’hin nanghaw, Luipi Gâl lam ah gam awpte Tettanai leh Shethar-bozenai leh nanghaw Luipi Gâl lam ah palaite haw, a la kikoi kiang unla;

EZRA 7:21

Keima, Lengpa Artaxerxes ma ma hin, Luipi Gâl lam ah gambung tin ah sumkolte zosia kiang in zia gual hin thu ka la puaksak tai: Thiampu Ezra, van Pathian dan thu thiampa chun a hun dot taphot chu, kin-gang tak leh a ti gual gual ah la la bawl piak ziang theina ding un,

EZRA 8:22

Lengpa kiang in, ka Pathian uh doisakna khut chu ama hawlte zosia chungah um sek leh, ama dodâl leh nusia zosiate chungah a thilhitheina leh a lungnatna chu sek ahi ti ka la hil tâk ziak un, lam kâl ah mêlma ei hung do dingte lak ah ei vêng ding sepai hi’n, sakol chungchuang mi bang a hem jat vêl lengpa kiangah dot ding chu la ka zak a cha ta’n.

EZRA 8:36

Luipi Gâl lam ah gam awpte leh thukhente kiang ah lengpa thupiakte chule a pedok tau a; tichun, amau haw chunle mipite leh Pathian In kisa chu a panpi tau hi.

NEHEMIAH 2:9

Tichun, Luipi gâl lam ka hung tun phatin, gam awpte kiang in lengpa lekha zik haw chu ka pia ta’n. Lengpa chun sepai hotute leh sakol sepaite ei zuisak a.

NEHEMIAH 3:7

Amau bân chu Gibeon mi Melatiah leh Meron mi Jadon in, Luipi gâl lam gam awppa nuai ah umte, Gibeon leh Mizpah mite chu tawh a siampha tau a.