NEHEMIAH 2:6 - PATHIAN LEKHABU THIANGTHO (BSI)

⁶ (Lengnu a kiangah a kichut lai tak in,) Lengpa chun ei hun dawnhu ah, “Bang chan vaum ah, bangtik leh la hung kit thei diam?” ti’n ei dong a. Tichun, lengpa’n ka chia ding chu lem a sa ta’n, a hun ding chu ka guat tai.

NEHEMIAH 2:6 ပူးပေါင်းရင်းမြစ်များ

NEHEMIAH 1:11

Aw Lalpa, la suakpa pauchapna leh, la min kija’na taphot ah kipak sek la suakte pauchapna hi a la ngaitha’n la; tu’ni ma ma hin la suakpa hi lawtinsak in; zia mipa mit mu ngei ah hin la ja’ngaina chansak ngâl ta’n!” ti’n ka pauchap tai. Zia hun ah chun lengpa dawn ding pia ka pan lai tak ahi.

NEHEMIAH 13:6

Babulon Lengpa Artaxerxes lal kum sawmthum leh ni’na chun, Lengpa kiang ah ka vachia ziakin, zia hun lai ah chun Jerusalem khua’n ka la um pua’n. Chomkhat zaw in, lengpa kiang ah pawtdaw phalna ka la’n,

NEHEMIAH 2:4

Ziaphatchun, lengpa’n ka kiang in, “Bang la dawi em leh?” ti’n ei dong a. Kei le van Pathian kiang in ka pauchap ta mai a.

NEHEMIAH 2:5

Lengpa kiang in, “Lengpa lung lam ahi ah, la suakpa hin lengpa lung ka tuak ahi chun, ka pu leh pate thân umna khawpi ka vabawlphat kit theina dingin, Judai gam ah ei sawl lechin ka nuam hi,” ti’n ka don tai.

NEHEMIAH 5:14

Zia bep chule hilo in, Judai gam ah amau haw awp ding ah ka pan sung kum sawm leh ni, Lengpa Artaxerxes lal kum sawmni’na’ kipat a kum sawmthum leh ni’na tiang in, keima hi’n, ka chanaute hileule, gam awppa chantum him him ka ne puau a.

ISAI 58:12

La munlui suksiat ah umsate chu, siamphat kit hung hita’n tin; khang tam takte suangphûm chu, hun lem to kit ta’n la. Tichun, nangma chu a siatna siampha kitpa leh, chênna ding kotzing bawlpha kitpa, ti hung hita’n la.

ISAI 61:4

Tuan ah tâng ah hisiat ah a la um sate chu, hun siamthak kit intiu in, tu’ma lam ah hisiat sate chu, hun tung ding kit in au; khawpi suksiat ah umsa, khang tam tak suksiat ah a la um ta chu, hun siamthak kit ta’n au.

ISAI 65:24

Ei ko masang un dawnhu ngal ing ka tin, a gen zaw masang un a la ngaitha ngal ding ka hi.

DANIAL 9:25

Chutichun, Jerusalem tundin kit ah, sak thak kitna ding ah thupiak a pawt daw ah kipat sathaunu’ ah um, lal hung um tiang chu hapta sagi hi’ntin; chuleh, hapta sawmguk leh ni sung chu a kotzingte leh a kulbângte chu, hun buai um tak sung in sak kit hita’n a.