NEHEMIAH 2:17 - PATHIAN LEKHABU THIANGTHO (BSI)

¹⁷ Ziaphatchun, a kiang un, “Jerusalem khua a sesa a um ziak leh, a kotpite mei in a hâl siat ziakah bang gual tuk ah buaina tuak I hitau em ti la hechiat ui. Hung un, simmaw ah I um tâklo’na ding un, Jerusalem kulbâng hi siampha kit hitiu,” ti’n ka gen a.

NEHEMIAH 2:17 ပူးပေါင်းရင်းမြစ်များ

EZRA 9:9

Mi suak ah um ka hi’ngâl un; I Pathian In uh sa kit ding leh a siatnate siampha kit ah, Judai gam leh Jerusalem kulbâng siam dingah hinna thak ei piak theina dingin, suak ah I umnau inle I Pathian un ei la nusia diak lo in, Persia Lengpa lainatna ei la musak nalai hi,” a tia.

NEHEMIAH 1:3

Amau chun, “Saltâng lo ah suakcha, zia gam ah um nalaite chu haksa tak leh mualpho tak in a um un; Jerusalem kulbâng chu suksiat dim dem ahi’n, a kotpite chule hâl tum ahi tai,” ti’n ei dawnhuu a.

NEHEMIAH 2:13

Jan ah chun Phâiguam Kotpi ah pawtdok in Gulpi Tuinâk lam haw in, Buaksia kotpi tiang in ka chia a; Jerusalem kulbâng siat dan leh a kotpite mei in a kâttumte chu ka endik tai.

NEHEMIAH 2:16

Vaihawmte chun khoilam ah chia ah, bang vabawl ka hem ti le a hepuau hi; ke’n le Judate, thiampute, miliante, vaihawmte leh midangte kiangah chun, bang bawl gua ka hile ka hil nai puai.

NEHEMIAH 3:15

Mizpah bial ah vaihawmpa Kolhozeh chapa Shallum in, Tuikhuk Kotpi a siampha’n; a bawl zaw phatin a chungkhû ding, a kotkhakte, a kamnate leh a thikjawlte le a la bawl ah; chuleh, Lengpa huan sung ah Shelah Dil bâng le David Khawpi’ kipat a kumsukna kalbite zosia chule a siam a.

SAM 102:15

Namtin in Lalpa min chu lau intiu in, lei ah lal zosia’n le la lopina chu lau ta’n au.

SAM 44:13

Ka Invêngte hakva tawtna’n lei koi a, ka hianghei mite tawtbûk leh simmaw in lei siam tai.

SAM 44:14

Nam tin lak ah mi gensim in lei siam a, mi tin lak ah nuizatbûk in lei siam tai.

SAM 79:12

Aw Lalpa, ka vêl ua mite’n, a hun gensiatnau hi, a chung un a le’sagi’n hun thuk in.

SAM 79:4

I hianghei mite gensiat in I um tau ah, I kiang nai tuam mite musit leh nuisan in I um tau hi.

JEREMIAH 24:9

Lei chung lenggam tin ah ka nawmangna gam ah mite â ding ah tizat um, min siat law dingin siam ing ka tin, khang kihilna ding leh, eulau ah hânsia lawkhum dingin pedok ding ka hi.

KÂ LATE 2:2

Lalpa‘n Jakob chênna zosia, lainatna pang lo in a susia tai; a lungnatna chun Judah chanu, kuldette chu a kaichim sik sek a; a lenggam leh a lengteu chu, lei tual tawh kikim in a kainiam in, a suminsia tai.

KÂ LATE 3:51

Ka khawpi sung ah nungakte vangsiat dan ka mu in, ei sulungngai ma ma hi.

EZEKIEL 5:14

Zia mai chule hilo in, la kîmvêl ua nam dangte zosia leh, a hun mu kha taphot in, a simmawu ah nuizatbûk ah a hun mat ding un hun siam ding ka hi.

MIKAH 7:11

La kulbâng siamphatna ding ni chu! Zia ni chuleh, la gamgi chu, gamla tak ah kêk lian hung hita’n a.

1 SAMUEL 11:2

Himaleh, Ammon mi Nahash chun a kiang un, “La changlam mit chiat uh kheldok ing ka tin, Israelte hi sumualpho dik dek phot ing ka; zia zaw chuleh, nanghaw tawh I kikâl un kichamna thuthung siam bep ing ka,” ti’n a dawnhu a.