NEHEMIAH 2:14 - PATHIAN LEKHABU THIANGTHO (BSI)

¹⁴ Chuleh, Tuinâk Kotpi leh Lengpa Dil tiang in ka chia ah; zia khêllam chu ka chuanna sa nasan le a chia theng thei ta puai.

NEHEMIAH 2:14 ပူးပေါင်းရင်းမြစ်များ

2 LENGTE 18:17

Ziaphatchun, Assuria Lengpa chun, Lakish ah kipat chun, Tartan leh, Rabsaris chuleh Rabshakeh tawh Jerusalem ah Lengpa Hezekiah kiang in a sawl ah. A hung kuan to ua, Jerusalem chu a hung tung tau hi. Chutia, a hung kuan ziang phat un, puansawptu lou lampi kiang ah dil saknung zawk umna ah chun a hung ding tau hi.

2 LENGTE 20:20

Ahi’n, Hezekiah nasep dangte leh a hatna chanchin haw tawh, dil pakhat a siam dan leh tuikul a bawlte tawh, khawpi sung ah tui a laklut dante kha Judai gam ah lengte khangthu ah kizik ta hilo a hem?

2 KHANGTHU 32:30

Zia Hezekiah ma ma hin Gihon lui tuinâk chung lam chu tingtan in, zia lui tui chu David khawpi tumlam kâi in a luansak a. Hezekiah chu a sepna lam zosia’n a lawting pek hi.

NEHEMIAH 12:37

Tuikhuk Kotpi ah kipat chun a ma lam ua, David khawpi kalbite ah kal to in, kulbâng kaltona ah, sualam pang Tui Kotpi lam, David In saklam kâi in a chiau a.

NEHEMIAH 3:15

Mizpah bial ah vaihawmpa Kolhozeh chapa Shallum in, Tuikhuk Kotpi a siampha’n; a bawl zaw phatin a chungkhû ding, a kotkhakte, a kamnate leh a thikjawlte le a la bawl ah; chuleh, Lengpa huan sung ah Shelah Dil bâng le David Khawpi’ kipat a kumsukna kalbite zosia chule a siam a.

NEHEMIAH 3:16

Amau zaw ah chun, Beth-zur bial kimkhat ah vaihawmpa, Azbuk chapa Nehemiah in David thân jawn ah kipat dîl kisiam kawm tawh mihangsante In tiang chu a siampha’n.

THUGENTU 2:6

Tuikulte ka kibawl ah, zia tui chun gammâng ah thingkekte chu ka chawm a.