NEHEMIAH 2:10 - PATHIAN LEKHABU THIANGTHO (BSI)

¹⁰ Horon mi Sanballat leh milian Ammon mi Tobiah in zia thu chu a la het phat un, Israelte phatna ding ngaitua mi hung a hiu ti a het ziak un, a la lungna ma ma ziang tau a.

NEHEMIAH 2:10 ပူးပေါင်းရင်းမြစ်များ

NEHEMIAH 13:1

Zia ni chun Mosi Lekhabu chu mipite het in a simdok un; Pathian mite kikhopna him him ah chun Ammon mite leh Moab mite chu bangtik lai inle a pan lo diu ahi, ti thu kizik chu a simdok tau a.

NEHEMIAH 13:28

Chun, Horon mi Sanballat chanu pawsal, thiampu lianpen Eliashib cha Jehoiada chapate lakah pakhat chu, ka kiang ah kipat in ka nawdok tai.

NEHEMIAH 13:4

Tu’ma lam ah khan, I Pathian In ua pindante ah mawpua thiampu Eliashib, Tobiah tawh kithoina nei chun,

NEHEMIAH 2:19

Himaleh, Horon mi Sanballat, Ammon mi vaihawmpa Tobiah tawh Arab mi Geshem in a hun het phat un, ei nuisan in ei engho tau a, “Bang bawl la hiu em? Lengpa do ding ah kisa la hiu maw?” a hung tiu a.

NEHEMIAH 4:7

Himaleh, Sanballat, Tobiah leh Arabte, Ammonte leh Ashdod mite chun, Jerusalem kulbâng chu ka siampha jel ui ti leh, a siatnate chu bawlpha zo ding ka hitau hi ti a hun het phat un, a lung na ma ma ziang tau a;

NEHEMIAH 6:1

Sanballat, Tobiah leh Arab mi Geshem leh ka mêlmateu zosia’n, (a kotkhakte chu siam zo nai lo ma leng unle) kulbângte chu ka siam zo tau hi ti leh, a kâl ah a awnna um talo ah zo ka hitau ti a het phat un;

NEHEMIAH 6:16

Ka mêlmateu zosia’n zia thu chu a het phat un, ka kîmvêl ua namdangte zosia chu a lau ta ma mau ah; ka Pathian un ei panpi’na jal ah zia chu mualsua ka hiu ti ei het ziak un, a mai uh a mual chiat tai.

ESTHER 10:3

Juda mi Mordekai chu Lengpa Ahasueras bân ah lian pen a hiziak in, Judate lak leh a chipi tam takte phatna ding a hawl ziakin, thu a nei ma ma ah; tichun, a suan leh pâkteu â ding ah phatna dotpiakpa ahi tai.

SAM 112:10

Mi nunsiate’n zia chu a mu phât uh leh lungna’n, a hau gawi maleu bangmalo hi’ntin; migilote duthusam chule bangmalo hung suak ta’n a.

THUPILTE 27:4

Lungnatna chu a huaisia’n, siatchang le a so in; himaleh, kua a hem mitthipna thuak zo ding?

THUPILTE 30:22

Suak chu leng a hung chan ah, mingol in bu leh sa a nêkva a,

THUGENTU 10:7

Suakte sakol chung ah chuang leh lengte suak gual ah a keng ua lamzawt ka mu’n.

ISAI 15:5

Ka lungthim in Moab ka kâ khum in; a galjamte chu Zoar tiang leh, Eglath-shelishiyah tiang in a jam ui. Luhith lamto ah chun kap kawm kawm in a kal to un; Horonaim lampi chun siatna tâng a sam un;

JEREMIAH 41:10

Ziaphatchun, Ishmael in Mizpah ah um nalai sia, lengpa chanaute leh Mizpah ah um nalai, sepai hotu lian Nebuzaradan in Ahikam chapa Gedaliah umpi ding ah a koi cheng chu sal in a man ta’n. Nethaniah chapa Ishmael chun a leng ua sal ah man in, Ammon gam lam zuan in a pui tai.

JEREMIAH 48:34

Heshbon tawh Elealeh a kapdok tau a; a kâ thawm uh chu Jahaz leh Zoar ah Horonaim leh Eglath-shelishiyah tiang ah het ahi; Nimrim tui natiang a kang hial hi.

JEREMIAH 48:5

Luhith lam to ah thasia tak ah kap kawm kawm in, a kal to tau hi; Horonaim lam ah kum suk in, lungdong thavai kâ thawm a hiau hi.

NASEPTE 4:2

Mi a hil ziak uh leh, Jesu ah chun mithi lak ah kipat thawkitna a um hi ti thu a hil ziak un, a lungawi pua ma mau a.

NASEPTE 5:24

Tempul hotu leh thiampu lalte chun zia thute chu a het phat un, amau chu a lungkhampi ma ma ziang tau ah; bang gual thil hung um ahi tam ti a lungkham un.