NEHEMIAH 13:5 - PATHIAN LEKHABU THIANGTHO (BSI)

⁵ Levite leh La sa pawlte leh kotkhak vêngtute leh thiampute â ding ah thawlawm bu, gimtui, ûm leh bêl, sawm ah khat bute uain leh sathau a la koikhawm seknau pindan lian tak chu Tobiah a la luasak ta’n.

NEHEMIAH 13:5 ပူးပေါင်းရင်းမြစ်များ

2 KHANGTHU 31:11

Ziaphatchun, Hezekiah in Lalpa In ah pindan siambe dingin thu a pia; zia dungzui ah chun a siam tau hi.

2 KHANGTHU 34:11

Judai gam ah lengte a la suksiatsa haw zosia bawlphat kitna ding in, thing bawl thiamte’n a In thing ding a siamna ding leh, suang sêk thiamte’n suang a chawkna ding ua a mat ding un a pedok tau a.

NEHEMIAH 10:36

Chuleh, dan ah a la kizik dungzui ah, ka chapa masa penteu leh gan gual lak ah masa pente chu I Pathian In ua nasêm thiampute kiang ah piak ding leh, bawng hon leh belam hon lak ah piang masa pente le piak dinginle ka kitiam un;

NEHEMIAH 10:37

chuleh, ka changbuang mêkteu lak ah masa pen leh ka thawlawmteu, ka thingga masa penteu, uain leh sathauteu le thiampute kiang ah, ka Pathian uh In pindan ah hun chawi ding leh, ka lei gateu sawm ah khat Levite kiang ah hun pia ding in ka kitiam tau ah; Levite chu khawneu ah sawm ah khat zosia lakhawm ah pang ahi him ziak un.

NEHEMIAH 10:38

Aron cha thiampute chu, Levite’n sawm ah khat a lâk khawm tak ua leh, Levite kiang ah chu a umzing diu ahi; chuleh, sawm ah khat lak ah a sawm ah khat ma ma chu Levite chun I Pathian uh In ah, bu In ah chun a hun sun khawm kit diu ahi.

NEHEMIAH 12:44

Zia ni chun pindan chuam chuam: Thawlawm koikhawmna, thawlawm thilpiak ga masa, sawm ah khat haw enkol ding leh lakhawm ah, khawtin ah kipat lou munte ah kipat, dan dungzui ah thiampute leh Levite chanvo ah kipat lakhawm dingte guatdaw a hiu a; Judah mipite chu, amau â ding ah sêm thiampute leh Levite chung ah chun a lungdam ma ma ziak un.

NEHEMIAH 13:7

Jerusalem lam in ka hung kile’kit tai. Ziaphatchun, Eliashib in diklo tak ah Pathian In huang sung ah Tobiah mun a la piak chu ka hun mudok ta’n.

EZEKIEL 40:38

Hâlmang thillat ding a sawpnau mun, a hulliap lutna kotpi bul ah chun pindan neu ah lutna kotkhak a um a.