NEHEMIAH 13:16 - PATHIAN LEKHABU THIANGTHO (BSI)

¹⁶ Tura mite, khawpi sung ah chêngte chunle sanga leh zok thei chitin hun paw lut in, Judah mite leh Jerusalem khua mite kiang in sabbath ni chun a zuak sek un.

NEHEMIAH 13:16 ပူးပေါင်းရင်းမြစ်များ

NEHEMIAH 13:15

Zia lai ah chun, Judate gam ah kuate a hiu em sabbath ni’ uain chil leh buphalte sabiltung puak ding ah hun siamte ka mu’n; chuleh, sabbath ni Jerusalem khua zu, grep, theichangga leh van-gik hun pawlutte le a um un; chuleh, amau chu zia hun ah chu nêkthei chi him him zuak lo dingin ka vauhil a.

NEHEMIAH 13:17

Ziaphatchun, Judah miliante chu ka hosia a kiang un, “Bang ding ah sabbath ni subuak ding ah zia gual thil hi la bawlsak uh a hem?

PAWTDAWNA THU 20:10

Himaleh, a ni sagi ni hi Lalpa la Pathian Sabbath ni ahi: zia ni hin nang, la chapa, la chanu, la suakpa leh la suaknu, la ganchate leh la huang sung ah chêng malzin inle, kuama’n na la sep lo diu ahi.

PAWTDAWNA THU 23:12

Ni guk sung na sêm in la tiu in, a nisagi ni leh la kichawl dam diu ahi; tichun, la bawngchal leh la sabiltung un kicholdamna a muu ah, la In ah piang la suakte leh gam dang mi la lak ua chêngte le a kichawldam theina ding un.

DAN LEKHABU 5:14

A ni sagi ni hivang Lalpa la Pathian sabbath ni ahi’n; zia ni’ hin na la sep lo ding uh ahi: nang leh la chapa leh, la chanu’n le, la suakpa leh la suaknu’n le, la bawngchal leh la sabiltung inle, la gancha taphot inle, la In sung ua gam dang mi leh, nangma gual tho ah la suakpa leh la suaknute le a chawl dam chiat theina ding un.