NEHEMIAH 13:12 - PATHIAN LEKHABU THIANGTHO (BSI)

¹² Ziaphatchun, Judah mite zosia’n a buu, uain leh sathauteu lak ah sawm ah khat haw chu a koikhawmna pindan ah chun a hun chawi khawm tau a.

NEHEMIAH 13:12 ပူးပေါင်းရင်းမြစ်များ

2 KHANGTHU 31:4

Thiampute leh Levite chun, Lalpa Dan Lekhabu kizik dungzui ah sep leh bawlna’ a kipumpiak theina ding un, a nêk leh châk dingteu chu Jerusalem khua mipite chun a tuak ding jatteu chu pia ding inle lengpa chun thu a pia’i.

2 KHANGTHU 31:5

Zia thupiak chu a hun het phat un, Israel mipite chun a ga masateu, uain, sathau, khuaizu leh a lou thâiga zosia lak ah sawm ah pakhat tam tak tak a hun pekhawm tau a.

NEHEMIAH 12:44

Zia ni chun pindan chuam chuam: Thawlawm koikhawmna, thawlawm thilpiak ga masa, sawm ah khat haw enkol ding leh lakhawm ah, khawtin ah kipat lou munte ah kipat, dan dungzui ah thiampute leh Levite chanvo ah kipat lakhawm dingte guatdaw a hiu a; Judah mipite chu, amau â ding ah sêm thiampute leh Levite chung ah chun a lungdam ma ma ziak un.

THIAMPUTE LEKHABU 27:30

Gam sung ah sawm ah khat zosia, lou ah thâi ga hihenla, thing ah gate hitaleh, a leng in Lalpa chantum ahi: Lalpa â ding ah thil zek thiangtho ahi.

MALAKI 3:10

Ka In ah nêk ding a umtheina dingin sawm ah khat dik tak in bu In ah hun koikhawm un; tichun, ka van tukvante hong in, a koina’n a dawl lo ding khop maljawlna’n ka hun vuk paw na ve em, ti ei patep ma tiam un, sepai honte Lalpa chun a ti ahi.

MALAKI 3:8

Mihing in Pathian a suam ngai em? Nang un vang lei suam zing uh ahi! Nang un vang, “Bangti’n ka hun suam ua a hem?” la tiu ah. La sawm ah khat leh thawlawm thillat un lei suam sek uh ahi!

DAN LEKHABU 14:22

Kumsin in la loumau ah piang taphot chu dik tak in sawm ah khat la koichuam ding uh ahi.