NEHEMIAH 13:1 - PATHIAN LEKHABU THIANGTHO (BSI)

¹ Zia ni chun Mosi Lekhabu chu mipite het in a simdok un; Pathian mite kikhopna him him ah chun Ammon mite leh Moab mite chu bangtik lai inle a pan lo diu ahi, ti thu kizik chu a simdok tau a.

NEHEMIAH 13:1 ပူးပေါင်းရင်းမြစ်များ

2 LENGTE 23:2

Lengpa chu Lalpa In ah chun a chia to ah; tichun, Judah mipi zosia tawh, Jerusalem ah chêngte zosia chunle a zui ua; thiampute tawh, jawlneite tawh, mipi a lian a neule a pang chiat tau a; tichun, Lalpa In ah lekhabu a mudawu ah kizikte chu aleng alam in mipi zosia nakhang bul ah chun a hun simdok tai.

NEHEMIAH 13:23

Zia hun ah chun, Judah mite lak ah mi khenkhat, Ashdod, Ammon leh Moab numeite ji nei lawi a um ui ti ka hia’n;

NEHEMIAH 2:10

Horon mi Sanballat leh milian Ammon mi Tobiah in zia thu chu a la het phat un, Israelte phatna ding ngaitua mi hung a hiu ti a het ziak un, a la lungna ma ma ziang tau a.

NEHEMIAH 2:19

Himaleh, Horon mi Sanballat, Ammon mi vaihawmpa Tobiah tawh Arab mi Geshem in a hun het phat un, ei nuisan in ei engho tau a, “Bang bawl la hiu em? Lengpa do ding ah kisa la hiu maw?” a hung tiu a.

NEHEMIAH 4:3

A kiang ah Ammon mi Tobiah chunle, “Vak sa po po leu, si-al inle a suang bâng tiankhawmteu chu chuan chim ta ven ti!” ti’n a gen a.

NEHEMIAH 8:2

A dot dungzui un thiampu Ezra chunle Dan Lekhabu chu mipi kikhawmte, numei leh pawsal zosia, hetna nei zosia’n a het ding un a kiang un a hun chawi a. Zia hun chu a tha sagi’na a ni khat ni ahi.

NEHEMIAH 9:3

Chuleh, a umnau mun chiat ah dingdok in, Lalpa a Pathian uh dan lekhabu chu dakkal thum sung simdaw’na a nei un, a gitlonau thupha choina leh Lalpa a Pathian uh hona’n dakkal thum sung ma a mang tau a.

ISAI 34:16

Lalpa lekhabu ah chun hawl unla, sim un: A lak ua khat le mang pua’n tin, a koppi ding tasam le um pua’n au. Lalpa kam ah thupiak a pawt ta’n, a thagau ma ma chun a leng un hun pui khawm ding ahi ngal a.

JEREMIAH 48:1

Moab chungchâng, Sepai honte Lalpa, Israelte Pathian in zia gual hin a gen a: Katei, Nebo khua chu suksiat ahi tai! Kiriathaim chu sukmualpho a hita’n, sal ah pui mang a hitau hi; a kulpi det chu a mualpho ta’n, suksiat in a um tai.

AMOS 1:13

Lalpa‘n zia gual hin a gen hi: Ammonte bawsiatna pathumte ziak leh palite ziakin, a chung ua gawtna ding chu lamang pua’ng ka; a gam kêkletna ding un, Gilead ah numei nauvop lai a phildaw ziak un.

KISIMNA LEKHABU 22:5

Amau gam, Euphrates lui pang ah um Pethor khua chêng, Beor chapa Balaam ko dingin mi a sawl ah, a kiang in, “Aigupta gam ah kipat in mipi tam tak, lei dâp suak hial ah tam a hung pawtdok un, ka kiangchin a hung tung tau hi.

LUKA 10:26

Jesu’n, a kiang in, “Dan Lekhabu’n bang a kizik em? Bang la simdok em?” a tia.

NASEPTE 13:15

Dan thu leh jawlneite lekha thu haw a hun sim zaw phat un, Sunagog hotute chun a kiang un, “Suapite haw, mipi tîlhatna ding thu la nei ua leh hun gen tau inla,” a hun tiu a.

NASEPTE 15:21

Mosi Dan thu hi nidang lai ah kipat, khawtin ah sabbath nisi’n leh sunagog tin ah a la kisim sek ahi tangal in,” a hun tia.