NEHEMIAH 1:9 - PATHIAN LEKHABU THIANGTHO (BSI)

⁹ ahi’n la, ka kiang lam ah la hung kile’kit ua, ka thupiakte la zuiuh chun, naw mang ah la umnau kawlkil gamla pen tiang pek himaleh le, zia tak ah kipat chun hun pui khawm kit in, ka min um zingna ding ah ka la guatna mun ah chun hun pui tung kit ding ka hi,’ la ti kha hezing in.

NEHEMIAH 1:9 ပူးပေါင်းရင်းမြစ်များ

1 LENGTE 8:48

sal ah puite, a mêlmateu gam ah a lungthim zosiau ah a kisik ua, a gam uh, a pu leh pateu la piakna gam, la khawpi têlchuam leh la min umna ding ah ka sak la In lam hi nga’ la kiang ah a hung pauchap ua chun;

1 LENGTE 9:3

Lalpa‘n a kiang in, “Ka kiang ah la pauchapna leh la dotna chu ka ngaitha tai; zia la In sak hi ka suthiang ta’n; zia tak ah chun kumtuang dai dingin ka min ka koi tai; zia tak ah chun ka mitte leh ka lungthim bangtik lai ah le um zing ding ahi.

1 KHANGTHU 16:35

“Chuleh, a kiang in zia gual hin gen un: Aw, ka hukdamnau Pathian, ei hukdok inla, namtin lak ah kipat ei hukdok in ei pui khawm in; chutileh, la min thiangtho hi pakcha thei ing ka tiu in, nangma choihoina chu kisuanpi thei tâng kau.

EZRA 6:12

Jerusalem ah Pathian In suksiat gaw taphot leh, zia thupiak sukdanglam gawte chu, kua leng leh lal leh bang gual mi hiziang leh le, zia mun ah a min hi’det pa, Pathian chun sumangthai dik dek ta hen. Keima Darius in zia thu hi ka piak ahi; a dîn a dên in zui hi hen, ti’n a dawnhuna lekha chu a zik tai.

SAM 106:47

Aw Lalpa, ka Pathian uh, ei hukhing inla, namtin lak ah kipat in ei pui khawm kit in; la min thiangtho chu ka hun pâk ua, nangma pâkna chu ka kisuanpi theina ding un.

SAM 107:3

gamtin ah kipat, sualam leh tumlam ah kipat leh mallam leh, simlam ah kipat a pui khawm zosia’n le gen uh hen.

SAM 147:2

Lalpa‘n Jerusalem a tungding a; Israel nawdaw ah umte chu a pui khawm kit hi.

ISAI 11:12

Nam tinte â dingin tepte’na diallap tâkdaw piak intin, Israelte lak ah nawdaw ah umte leh, Judah lak ah the’chek ah a la umte chu, lei killi’ kipat in hun lakhawm kit in a.

ISAI 27:12

Zia ni phat chuleh, Euphrates luipi kipat Aigupta Wadi tiang in, buchil in hun chil in a; chun, aw Israelte haw, pakhat khat ah lâk khawm in hung um ta’n lau.

ISAI 56:8

Paithâk ah um Israelte puikhawm kitpa, Lalpa Pathian chun: A kiang ua puikhawmsate bân ah a dang, mi tam tak hun puikhawm nalai ding ka hi, a tingal a.

JEREMIAH 12:15

Ka lâkdaw zaw phat leh, amau chu lainat kit ta’ng ka tin, a gochannau leh a gam ma mau ah a leng un pui tung kit ding ka hi.

JEREMIAH 3:14

Aw, mi ginum lo chate haw, hung kihei kit un, Lalpa‘n a tii; nang uh hun neipa ka hi’ngal a. Khawpi khat ah mi pakhat, Inkuan khat ah mi pani a hem, hun lakhawm ing ka tin, Zion ah hun pui tung ding ka hi, ti in.

JEREMIAH 31:10

Aw, nam tinte haw, Lalpa thu hi a la ngai unla, gamla tak ah tuisuagiat pangjulte ah chun zia gual hin genjak un: “Israelte a la thejakpa ma ma chun, hun pui khawm kit ding ahi; belampu’n a belam honte a chintup gual in, chingtup zing ta’n a,” ti in.

JEREMIAH 32:37

En in, ka lungnatna leh ka hachangthakna, ka lung awi lo bêk ziak ah amau ka la nawdawna gam zosia ah kipat in hun pui khawm kit ing ka tin, zia mun hi hun tut kit in, bit tak in hun chênsak kit ding ka hi.

JEREMIAH 6:22

Lalpa‘n zia gual hin a gen a: En un, mallam gam ah kipat in mipi a hung ui; lei mong gamlatna pen ah nam thupi tak, hung kichok phûl ding a hiu.

EZEKIEL 14:6

Ziaziakchun, Israel Inkuante kiang in, Lalpa Pathian in zia gual hin a gen hi: Kisik unla, la milimteu kiheisan tau in; chun, la ki’dak umnau zosia kiheimangsan tau in.

EZEKIEL 36:24

Namtin lak ah kipat leh gamtin ah kipat hun pui khawm in, nangmau gam ma ma ah hun pui lût ta’ng ka.

THIAMPUTE LEKHABU 26:3

Ka dan bawlte la zui ua, ka thupiakte vop ah la zui uh chun,

ZEKARIAH 8:7

Sepai honte Lalpa‘n zia gual hin a gen hi: Ka mite chu sualam gam ah kipat leh, tumlam gam ah kipat in hun hukdok ing ka tin;

MATTHAI 24:31

Pengkul gi nasa tak tawh, a vansawlchâkte hun sawldok intin, kawl kil li ah kipat, van tawp langkhat lam ah kipat a langkhat lam tiang in, a mi têlchuamte chu hun lakhawm in au.

DAN LEKHABU 12:21

Lalpa la Pathian un a min koina ding ah a têlna mun chu a gamlat chun, Lalpa maljawlna gan hon leh belam honte lak ah la duchâk pen pen uh chu, la duchâk hun si’n ua leh la khua sung chiat ua that a, nethei ngâl dingin thu ka hun pia la hiu.

DAN LEKHABU 12:5

Lalpa la Pathian un la nam pumpiu lak ah kipat a chênna ding leh, a umna ding ah a têldawna pen mun chu hawldok un. Zia tak mun bep ah chun chia sek unla;

DAN LEKHABU 30:1

Lalpa la Pathian un nam tin lak ah a hun thejakna mun chiat ah kipat in, la chung ua tung ding ah a koi maljawlna leh hânsia lawnate hi la hun hetdaw phat uh leh,