NEHEMIAH 1:7 - PATHIAN LEKHABU THIANGTHO (BSI)

⁷ La suak Mosi kiang ah la thupiakte, la dante leh la vaihawmna dante kha a la bawtsia’n, huaisia tak in la chung in ka la bawl khial zo tau a.

NEHEMIAH 1:7 ပူးပေါင်းရင်းမြစ်များ

1 LENGTE 2:3

Khoi ah le la kiheina zosia la lawtin theina dingin, Lalpa la Pathian thupiak vop inla, a lampi dan zui ding, a thuse’te vop ding, a thupiakte, a dan bawlte, a thu hiatsakte, Mosi Dan ah a zik gual in zui in.

2 KHANGTHU 25:4

Mosi Dan Lekhabu ah, Lalpa thupiak, “Chate gitlona ziakin a pate chu thalup ngai hipua’n tin, nu leh pate gitlona ziakin a chateu le thalup ngai hipua’n au; mi tin chu amau gitlona ziak bep in a thi diu ahi,” ti zik ahi dungzui in, a chateu chu vang a that puai.

2 KHANGTHU 27:2

A pa Uzziah gual in Lalpa mittung in thilpha a bawl ah, a pa gual in vang Lalpa tempul sung in a lut puai. Himaleh, a mipite chun vang thil mantheilo tak ah bawl uh chu a chîng zing nalai ui.

EZRA 7:6

zia Ezra chu Babulon ah kipat in a kuandok a. Ama chu Lalpa, Israelte Pathian in Mosi kiangah dan thu a la piakte dan thiam tak mi ahi’n; Lalpa a Pathian doisakna chang ahiziak in, Lengpa kiangah a dot taphot chu phal piak in a um hi.

SAM 106:6

Ka pu leh pateu tawh ka la gilo zo tau in; thil phalo ka la bawl tau in, diklo tak in ka la bawl tau hi.

SAM 89:31

ka dan thuguatte a bawsiat ua, ka thupiakte a zui nop lo ua leh vang,

SAM 89:32

zia phat chuleh, a hi’khialnateu ziakin, mol in sawi ing ka tin; a thulim lonateu ziakin jep ing ka tin,

ISAI 1:4

Katei, nam gilo, mi bawlsiat chîngte, phat nuam lo suan leh pâkte leh, thil sia bep bawl nuam chate haw, Lalpa nusia ah, Israel Mithiangtho musit ah, gamla tak ah jam mangte haw!

DANIAL 9:11

Israel mite zosia’n la dan chu bawtsia zo ta’n, a hilo lam in ka kiheimang zo tau ah, la aw ka ngai nuam ta puau hi. Chuleh, la chung ah ka la gitlo tâk ziak un, Pathian suak Mosi dan lekhabu ah kizik, hânsia leh kipau tiamna zosia ka chung un but khum in ka um zo tau hi.

DANIAL 9:13

Mosi dan lekhabu a kizik gual gual in, zia thil phalo zosia hi ka chung un a tung tai. Ka thulim lona teu kiheisan ah, ama dikna lampi ka zuitheina ding un, Lalpa ka Pathian uh doisakna hawl in ka pauchap nai diak puau a.

HOSEA 9:9

Gibeah ah a um lai gual uh khan, amau leh amau nasa tak in a kisubuak ui; a khawlonau chu hezing intin, a gitlonau chu gawt ding ahi.

THIAMPUTE LEKHABU 27:34

Ziate hi Sinai tâng ah Israelte â ding ah Lalpa‘n Mosi kiang ah a thupiakte chu ahi.

ZEPHANIAH 3:7

“Matheilo in ei lau ta’n tiu in, hilna thu le ngai ta’n au; a chung ah thil ka tunsak zosia hi, mu khial ta sam pua’n au,” ka ti hen. Himaleh, a thil phalo bawl uh, a phalo zaw diak a bawl kâl uh a ngaklel ma mau hi.

MALAKI 4:4

Ka suakpa Mosi zilsakna leh Horeb tâng ah Israelte â ding ah ka thuguatte, ka dan thute leh ka thupiakte kha hezing un.

DAN LEKHABU 4:1

Tu’hin, aw Israel mite haw, Lalpa, la pu leh pateu Pathian in a piakna gam chu dam ah la lût ua, la lua theina ding un ka dan thu leh ka thuguatte chu ngaisak ah la zui ding uh ahi.

DAN LEKHABU 4:5

Ngai un, la luana ding gam ua la zui zing ding un, Lalpa ka Pathian in thu ei piak dungzui in dante leh, thuthungte chu ka hun hil la hiu hi.

DAN LEKHABU 5:1

Mosi’n Israelte zosia a ko khawm ah, a kiang un: Aw Israel mipite haw, tu’ni la kiang ua ka gen ding dante leh dan thupiakte hi a la ngai tiam un; ziate hi gunchu tak ah la zil ua, la zop ding uh ahi.

DAN LEKHABU 6:1

Tu’hin la gam luana ding mun uh la gâl kâi ua, la lua phat ua leh la zui ding uh, Lalpa la Pathian un thu ei piak, nang uh ka hun hil ding ah thupiakte, dante leh vaihawmna dan thute chu ziate hi a hiu;

THUPUAN 19:2

A vaihawmna chu a fel in, a dik ahi; ama chun nawchizuaknu lopi tak, a thanhuaina lei chung hi’buaknu chung ah chun vai a hawm a, a suakte phuba chu ama khut ngei in a la tai,” a tiu ka he.