NEHEMIAH 1:4 - PATHIAN LEKHABU THIANGTHO (BSI)

⁴ Zia thute chu ka het phat in, ka chu suk ah, ka kap ta’n; chuleh, ni bang jat a hem sung ka sûn ah, van Pathian kiang ah anngawl in ka pauchap tai.

NEHEMIAH 1:4 ပူးပေါင်းရင်းမြစ်များ

2 SAMUEL 12:16

Ziaziakchun, David in Lalpa kiang in nausen â dingin a dot piak ah; David in anngawl in a lût ah, jankhua’n tuanglai in a lum tai.

2 LENGTE 22:19

la lungthim chu a nem ziakin leh nangma ngei chu Lalpa ma-âng ah, zia tak leh a mun ah chêngte hânsia khuk leh sukgam ah um dingte chung thu ding ka gen la het phatah, la puante la botthêk ah, ka ma-âng ah la kâ ziak hin, la kingainiam ma ma hi ti ka hia’i; ziaziakchun, la thu hi ka hun ngaithâk piak ahi.

2 KHANGTHU 6:13

Solomon in sum-eng dawdan pakhat a siam, a dung tong nga, a vailam le tong nga leh tong thum ah sâng, Tempul huang sung ah chun a koi ah; zia chung ah chun a dingdok ah. Israel mipi kikhawm zosiate mit mu ah chun khupdin in, van lam in a khutbânte chu a jakdok a:

EZRA 1:2

Persia gam ah Lengpa Kuras in zia gual hin a gen a: “Lalpa, van Pathian in khawvel lenggam zosia chu pia’n, Judai gam ah Jerusalem ah a In ding sa kit dingin thu ei pia’n.

EZRA 10:1

Ezra in gitlona thu pha chawi ah, kap kawm ah Pathian In mai tual ah a kipek ziang phatah chun, Israelte lak ah a mei a pa, a si a sên in mipi tam tak a kiang in a hung khawm tau a; mipite chule nasa tak in a kap jak ziang tau a.

EZRA 9:3

Zia thute chu ka het phat in, ka puanâk leh ka puansilte chu botthêk in, ka lujang sam leh ka khamulte chu bot tha’n a ngaina he lo in ka kichutha suk ta mai hi.

EZRA 9:5

Nitâk lam kithoi hun a hung hi’phatin, ka puanâk leh puansil tel nêt nût in, ka anngawlna kipat hung thodok in ka khupdin ah, ka khutbânte jak in, Lalpa ka Pathian kiang ah zia gual hin ka pauchap a:

NEHEMIAH 2:20

Tichun, amau chu zia gual hin ka dawnhu a: “Van Pathian in ei lawtinsak ding ahiziak in, kei haw a suakte hin zia In hi sa pan ding ka hiu; nanghaw’n vang zia Jerusalem khua hin chanvo hileh, thuneina hileh khutnung bangma la nei puau hi,” ti in.

NEHEMIAH 2:4

Ziaphatchun, lengpa’n ka kiang in, “Bang la dawi em leh?” ti’n ei dong a. Kei le van Pathian kiang in ka pauchap ta mai a.

SAM 102:15

Namtin in Lalpa min chu lau intiu in, lei ah lal zosia’n le la lopina chu lau ta’n au.

SAM 136:26

Aw van Pathian kiang ah chun kipak thu gen un; a ngilneina chu kumkhua’n um ding ahi ngal a.

SAM 137:1

Babulon lui gei ah kichu’n, Zion I ngaitua phat si’n uh leh I kap sek un.

DANIAL 10:2

Zia hun ah chun, keima Danial chu lusûn ah hapta thum a la um ka hita’n.

DANIAL 2:18

Danial leh a lawite pum ah Babulon mipil zosia thalup a hilo’na ding ua, van Pathian in zia thugûk chu a hiatsak theina ding ah a ja’ngaina don dingin a hil a.

DANIAL 9:3

Ziaphatchun, anngawl ah saidip puan sil ah vut lak ah kitung in, Lalpa lam nga’n pauchapna leh dotpiakna ka nei ta’n.

JONAH 1:9

Ama chun, “Hebrai mi ka hi’n, Lalpa, van Pathian, tuisuagiat leh khawmual siampa ho mi ka hi,” ti’n a dawnhu tai.

ZEPHANIAH 3:18

kûtni ah La sa gual in. La chung ah siatna tung ding chu lamang ing ka tin; jachâkna chu tuak pua’n la.

ROMTE 12:15

Kipakte chu kipak piu inla, kapte chu kâ piu in.