NEHEMIAH 1:3 - PATHIAN LEKHABU THIANGTHO (BSI)

³ Amau chun, “Saltâng lo ah suakcha, zia gam ah um nalaite chu haksa tak leh mualpho tak in a um un; Jerusalem kulbâng chu suksiat dim dem ahi’n, a kotpite chule hâl tum ahi tai,” ti’n ei dawnhuu a.

NEHEMIAH 1:3 ပူးပေါင်းရင်းမြစ်များ

1 LENGTE 9:7

zia tak chuleh, amau â ding ah ka piakna gam, Israelte lâkpiak ing ka tin; chuleh, ka min ding ah ka sukthian In chu ka mit mu ah kipat koimang ing ka tin; Israelte chu midangte zosia lak ah paukikna leh nuizatbûk hung hita’n au.

2 LENGTE 25:10

Ziaphatchun, Lengpa vêng ah pang sepai hotu lawi ah um, Kaldai sepaite haw chun Jerusalem kulbâng zosia chu a hun phejak tau a.

2 KHANGTHU 36:19

Pathian In chu a hâl tum un, Jerusalem kulpi chule suchim in, lal In zosia chu a hâl tum un, ûm leh bêl man tam tak tak haw chu a susia dik dek tau hi.

EZRA 2:1

Zia a nuai ah haw hi Babulon ah Lengpa Nebukadnezar in Judai gam ah Jerusalem khua kipat Babulon lam ah a la puimangte chu a hiuah; amau khua chiat leh Jerusalem leh Judai gam lam ah chiakitte chu a hiu hi.

EZRA 5:8

Judai gam ah Pathian lopi tak In ah ka vachiau in. A In chu suang kisêk ngen ah kisa leh a liangjawl tiang kilem zo a hita’n; lunglut tak ah kisa ahi ziakin a masawn ma ma ziang hi.

NEHEMIAH 11:3

Judai gam sung ah khawpineu dang ah chêngte zosia chu, amau In mun chiat in a chêng un; a gam ua kipat Jerusalem khua hung chêng lut lak ah hotute chu: Israel phungte, thiampute, Levite, tempul ah suak nasêmte leh Solomon suakte suan haw chu a hiu a.

NEHEMIAH 2:13

Jan ah chun Phâiguam Kotpi ah pawtdok in Gulpi Tuinâk lam haw in, Buaksia kotpi tiang in ka chia a; Jerusalem kulbâng siat dan leh a kotpite mei in a kâttumte chu ka endik tai.

NEHEMIAH 2:17

Ziaphatchun, a kiang un, “Jerusalem khua a sesa a um ziak leh, a kotpite mei in a hâl siat ziakah bang gual tuk ah buaina tuak I hitau em ti la hechiat ui. Hung un, simmaw ah I um tâklo’na ding un, Jerusalem kulbâng hi siampha kit hitiu,” ti’n ka gen a.

NEHEMIAH 2:3

Lengpa kiang ah chun, “Lengpa, damsawt in! Ka pu leh pate thân umna khawpi sukchimit leh, a khawpi kul kotkhakte hâl tum ah um ta mai chu bang ding ah lungngai mêlpu lo thei ding ka hem?” ti’n ka dawnhu tai.

NEHEMIAH 7:6

Zia hi Babulon Lengpa Nebukadnezar in sal ah a puimangte, gambung tin ah kipat hung pawtdokte chu a hiu ah; amau khawpi chiat zuan in Jerusalem leh Judai gam ah hung tung kitte chu a hiu a.

ESTHER 1:1

Ahasueras, India gam ah kipat Ethiopia tiang ah gambung za sawmni leh sagi chung ah vaihawmpa, zia Ahasueras ma ma lal lai ah chun zia gual hi a hung tung a.

SAM 79:4

I hianghei mite gensiat in I um tau ah, I kiang nai tuam mite musit leh nuisan in I um tau hi.

THUPILTE 25:28

Ama lungthim thunun zo lo mi chu, khawpi kulbâng nei lo tawh bang ahi.

ISAI 43:28

Ziaziakchun, mun thiangtho ah, miliante chu ka hun hi’buak ta’n, Jakob chu siatna tuak dingin ka pedok ta’n; Israel chule mite daichâkvai dingin ka pedok ta ahi.

ISAI 5:5

Tu’hin, ka grep huan hi bang law ding ka hita em ti hun hil ing ka. A pal phia’ng ka tin, nêk zaw in um ta’n tin; a dâi phia’ng ka tin, tawden in hung um ta’n a.

JEREMIAH 24:9

Lei chung lenggam tin ah ka nawmangna gam ah mite â ding ah tizat um, min siat law dingin siam ing ka tin, khang kihilna ding leh, eulau ah hânsia lawkhum dingin pedok ding ka hi.

JEREMIAH 29:18

Chuleh, chemjamte, kialnate leh natpite hun delzui sak pek ing ka; tichun, ka nawmangna gam zosia ah chun, nam zosia leh lenggam zosiate tizat leh hânsiadongte etsakna, mi tizat, eulau leh musit hung hita’n au.

JEREMIAH 39:8

Kaldaite chun lengpa In leh mipite In haw chu mei ah hâl in, Jerusalem kulbâng chu a suchim dik dek tau a.

JEREMIAH 42:18

Sepai honte Lalpa, Israelte Pathian chun zia gual hin a gen ngal a: Jerusalem khua chêngte chung ah ka lungnatna butthâk ahi gual ma’n, Aigupta gam zuan ah la chia suk phat ua leh, ka lungnatna chu la chung un buntha ngal ding ka hi. Mite luaksuak leh tizat, kamsia tincheng bânna leh nuizatbûk hung hita’n lau. Chuleh, zia mun hi mu kit ta him him pua’n lau.

JEREMIAH 5:10

A grep phung kitiang kikâl ah chia to un la susiau in, ahi’n, a tawp tut kiu in; a bâkte chu heu un, Lalpa â a hipaw ngâl a.

JEREMIAH 52:14

Kaldai sepaite zosia, lengpa vêngte lak ah hotulian kiang ah um zosia chun, Jerusalem kulbâng chu a suchim dim dem tau a.

KÂ LATE 1:7

Jerusalem in a lungdon tawp khawk ni hin, masang lai ah a vâkvai lai nite kha a hezing hi. A sung ah mipite a gâlteu khut ah a pûklût phat un, amau panpi ding a um ta pua’n; nuaisia ah a umnau chu a mêlmateu in, musit tak ah nuisan in a en zing ui.

KÂ LATE 2:9

A kotpite chu lei tual in a tum ta’n; a thikjawlte chu a hisia’n, a hibong zo tai; a lal leh a milianteu chu, nam dangte lak in a um zo tau; kipuihuaina a um ta pua’n, a jawlneiteu in Lalpa ah kipat, kilâkna a mu ta puau hi.

KÂ LATE 3:61

Aw Lalpa, nang in ei elho’na teu leh, ei suksiat guat danteu la mu tai.

KÂ LATE 5:1

Aw Lalpa, ka thil tuakteu hi hezing inla, ka mualphonau hi ei hun etthâk piak ta’n!

THIAMPUTE LEKHABU 26:31

La khawpiteu giauchang in siam ing ka tin, la mun thiangteu le mun thip chansak ing ka tin, la gimtuiteu le a la hîp ta pua’ng ka.

THIAMPUTE LEKHABU 26:33

Chuleh, namtin lak ah hun thejak ing ka tin, la nung uh chemjam in hun delzui pek nalai ding ka hi. La gam uh nutsia in um intin, la khawpiteu le man lo suak ta’n a.