NASEPTE 9:18 - PATHIAN LEKHABU THIANGTHO (BSI)

¹⁸ Ziaphatchun, a mit ah kipat in phulip tawhbang a hung ketha’n, tichun, khua a hun muthei tai. A hung thodok ah, baptisma a chang ngal a;

NASEPTE 9:18 ပူးပေါင်းရင်းမြစ်များ

NASEPTE 2:38

Peter chun a kiang un, “La lung uh hei unla, Jesu Khrista min in baptisma chang leu chin, la gitlonau ngaidam hi’ntin; tichun, Thagau Thiangtho thilpiak hi chang in lau.

NASEPTE 2:41

Tichun, a thugen pomte chu a baptis tau a; zia ni chun mi sâng thum vêl belap in a um ui.

NASEPTE 22:13

ama chu ka kiang in a hung ah; a ding ah ka kiang in, unaupa Saul, khua mu thei ta’n! ei tia. Zia dâkkâl sung ma ma chun ama chu ka vak et leh ka mu thei ta’n.

NASEPTE 22:16

Bang ding ah khawdâng la hem? Kipan inla, ama min in baptisma chang inla, la gitlonate sawp thian ah um in, a min chu ko ta’n, ei ti ta’n.

NASEPTE 9:17

Ziaphatchun, Ananiah le a chia ta’n, In ah chun a lut a; a chung in a khut a nga ngal ah, “Unaupa Saul, Lalpa Jesu ngei la hungna lampi la kiang ah hung kilâkpa khan, khua la mutheina ding leh Thagau Thiangtho ah la hung dim theina dingin ei sawl ka hi,” a ti’n.

NASEPTE 9:19

an a ne, a hung hat tai. Zia nung ah chun, Saul chu Damaska khua nungzui umte kiang ah chun ni bang jat a hem a châm tai.

NASEPTE 9:8

Saul chu leitual ah kipat a hung thodok ah, a mit a hun têt kit leh, kuama a mu thei ta puai; tichun, a khut in a kaibât un, Damaska khua chu a pui lût tau hi.

2 KORINTH 3:14

Himaleh, a lungthimteu chu a suktâk ua. Tu’ni tiang hin thuthung lui a sim phat ua leh mai khû’na chu a hawk ngai puau in, zia mai khû’na chu Khrista bep ah sukbei ahi.

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.