NASEPTE 8:9 - PATHIAN LEKHABU THIANGTHO (BSI)

⁹ Himaleh, zia khawte lak ah chun mi pakhat a min Simon kiti a um a. Ama chun tu’ma sia mitvaidawi mang in Samaria mite chu a thêm sek a, milian tak gual in a kisiam a.

NASEPTE 8:9 ပူးပေါင်းရင်းမြစ်များ

PAWTDAWNA THU 7:11

Ziaphatchun, Pharaoh in a mipilte leh dawithiamte a ko khawm ah; chuleh, Aigupta gam ah mitvaidawi thiamte chun le a dawithiamnateu chu mang in zia gual ma chun a hun bawl tau a.

PAWTDAWNA THU 7:22

Himaleh, Aigupta mi dawithiamte chun le a dawi uh mang in zia gual ma chun a bawl ua; ziaziakchun, Pharaoh lungthim chu sukkhau in a um zing ah; tichun, amau chu a limsak nuam diak puai; Lalpa’n a la gensa gual ah khan.

PAWTDAWNA THU 9:11

Zia meimasia ziak ah chun dawithiamte chu Mosi âng ah chun a pang zo ta puau ah; meimasia chu dawithiamte leh Aigupta mite zosia chung ah chun a tung ta ngal a.

THIAMPUTE LEKHABU 20:6

Dawithiam lam ah kihei leh bum thiam zui ah thanghuaite chu do dingin ângngat ing ka tin; a chipite lak ah kipat paitha ding ka hi.

JOHAN 7:18

Kuale ama phuakkawm gen chu, ama lopina ding kihawl a hisek hi; ahi’n, ama sawlpa lopina ding hawl tapo chu, zia ngei chu a dik ahi, ama ah chun diklona him him a um puai.

NASEPTE 13:6

Zia tuikualkhum sung chu Paphos khua tiang ah a hun fan zaw phat un, jawlnei dik lo, dawi mang ah nasem, Judate lak ah mi, a min Bar Jesu kiti khat tawh a kituak un.

NASEPTE 13:8

Himaleh, Elima, dawithiampa chun (zia chu a min khiakna ahi ngal ah,) zia gam awppa chu Pathian ginna ah kipat kaihei gua’n a dodâl zing a.

NASEPTE 5:36

Tu’ma lam deu khan Theuda a hung kipan ah, mi khat ka hi, hung kiti’n mi tam tak, za li vel in a la zui un; himaleh, ama chu tha in a hung um ah, ama zuite zosia chule thejak ah um in, a kisêlmang zo tau hi.

NASEPTE 8:11

Zia gual ah chun hun sawt tak chu, a mitvaidawi chu mang in mi ngaisân tak in a la um a.

2 THESSALONITE 2:4

Ama chun, mite’n Pathian ah a ngai taphot uh leh, mite biak taphot chu dodâl in, ama kichawisâng intin; tichun, Pathian tempul ah chun Pathian gual hial in kitungdok in a.

2 TIMOTHI 3:2

Mite chu, ama bep kihepite, dangka ngainate, kiphatsakte, lochalte, mi hosiat chîngte, nu leh pa thumanglote, kipakna châng helote, thiangtholote,

2 TIMOTHI 3:5

pawlam bep ah Pathian ngaisak, himaleh a thilhitheina taksanglote hi ding a hiu. Zia gual mite chu kiheisan in!

2 PETER 2:18

Thu manlo chu uang tak in a gen un, a diklo ah umte lak ah kipat taidokte chu taksa nopna hûkna lam in a thêm pûk sek ui.

THUPUAN 22:15

A pawlam in uichate, dawithiamte, thânghuaite, tualthatte, milim hote leh juau thu dawi leh juau thugen chîngte um in au.