NASEPTE 7:8 - PATHIAN LEKHABU THIANGTHO (BSI)

⁸ Ziazaw chun, zektanna thuthung chu a hun pia tai. Tichun, Abraham in Isak a hun hing ah, a ni giat ni chun a zek a tan piak ta’n; chun, Isak in Jakob a hun hing ah, Jakob chun suantu sawm leh nite kha a hun hing tai.

NASEPTE 7:8 ပူးပေါင်းရင်းမြစ်များ

THILSIAM THU 29:31

Chun, Lalpa’n Leah chu muda in a um hi ti a he’n, a sûl chu a hon piak ta’n; Rakhel vang chu a chîng tai.

THILSIAM THU 30:5

Chun, Bilhah chun nau a hun vop ta’n, Jakob chu chapa a hun hinpiak tai.

THILSIAM THU 35:16

Bethel ah kipat chia pek in, Ephrath khua a tunna ding uh gamla thim tak hi nalai in, Rakhel chun nau a vei ah, a gim ma ma ta’n.

THILSIAM THU 35:18

A thi ding kua’n ah chun a min dingin Benoni a sak in; himaleh, a pa chun vang Benjamin a sak hi.

1 KHANGTHU 1:34

Abraham chu Isak pa ahi’n, Isak chate chu: Esau tawh Israel a hiu a,

MATTHAI 1:2

Abraham chu Isak pa ahi’n; Isak chu Jakob pa ahi’n; Jakob in Judah leh a suapite a hing a;

JOHAN 7:22

Mosi khan zektan ding thu a hun pia’n, (zia kha Mosi ah kipan a hipua’n, suantu bul ah kipan a hizawi;) ahi’n, sabbath ni’nle zek la tan sek uh hi.

NASEPTE 2:29

Ka suapi Israelte haw, I suantu bul uh David thu ah hin, la kiang un hangsan tak in ka gen ngam hi: Ama chu a thi ta’n, vui in a um tai; chuleh, a thân le tu’ni tiang hin I kiang un a um nalai hi.

ROMTE 4:10

Zia chu bang gual ah hithei a hem? A zektan nung a hem, a zektan masang in? A zektan nung in a hipua’n, a zektan masang in ahi zawi.

GALATIA 3:15

Suapite haw, mihing hi’dan gual in gen taleng, mihing thuthun ziang le sukdetsa chu a phel kit ngai ta puau a, belap le ahi ngai ta puai.

GALATIA 3:17

Chuleh, zia hi ka ti’na ahi: Thuthung Pathian in a la sukdet tâk chu, kum za li leh sawmthum nung ah hung um Dan chun thutep chu bangmalo ah sua in a hi’bei diak puai.

HEBRAITE 7:4

Ngaitua un, Abraham in a gâllâk zosia lak ah a sawm ah khat a la piakpa hi bang gual ah lopi ahi tam!