NASEPTE 7:52 - PATHIAN LEKHABU THIANGTHO (BSI)

⁵² La suanpateu in a la sukgenthei lo uh jawlnei a um kha em? Mi Dik tak hungna ding a la genlawkte chu a la that un; tu’hin nanghaw hi a matsakte leh a thatte la hung hitau hi.

NASEPTE 7:52 ပူးပေါင်းရင်းမြစ်များ

1 LENGTE 19:10

Ama chun a dawnhu a, “Lalpa, sepai honte Pathian â dingin phatchuam ka la ngai ma ma in; Israel chate’n la thuthung a nusia tau ah, la mâichâmte a suchim ua, la jawlneite le chemjam in a that tau hi. Kei bep hi ka um ta’n; chuleh, ka hinna hi lakmang dingin a hawl nalai ui,” a tia.

1 LENGTE 19:14

Ama chun a dawnhu a, “Lalpa, sepai honte Pathian â dingin phatchuam ka la ngai ma ma in; Israel chate’n la thuthung nusia in, la mâichâmte a suchim un, la jawlneite le chemjam in a that tau hi. Kei bep ka um ta’n; chuleh, kei hinna le lakmang dingin a hawl nalai ui,” ti’n a dawnhu a.

2 KHANGTHU 36:15

A pu leh pateu Pathian Lalpa chun, a mipite leh a chênna gam a lainat tun tun ziakin, a kiang ua thugen dingte chu a hun sawl ham ham sek a;

2 KHANGTHU 36:16

himaleh, Pathian in thugen ah a hun sawlteu chu a la nuisan in, a thugenteu chule simmaw in, a jawlneite chule tawtbawlna’n a la mang tau a; a tawp in a mipite chung ah Lalpa lungnatna a hung nasa ma ma ta’n, sukdam zaw ding gual a hita puai.

NEHEMIAH 9:26

Chutisapi’nle, thu a mang puau ah, a hun do nalai lai un; la dan thute chu nungngat in, nang lam ah a kihei kitna ding ua thumop la jawlneiteu chu a la that un, nasa tak in la min a gensia tau hi.

JEREMIAH 2:30

La chateu chu a thawn in ka vua hen, kisiam phatna’n a nei diak puau hi; sakeibaknei gawlsan in a nêk zaw gual in, la jawlneiteu chu la chemjam un a ne zo tau hi.

JEREMIAH 20:2

Ziaphatchun, Pashhur in jawlnei Jeremiah chu jep in, Lalpa In ah Benjamin Kotpi chung lam ah bultukna chun a bultuk tai.

JEREMIAH 26:15

Lei thalup ua leh vang, nanghaw leh zia khawpi leh a sung ah chêng zosia hin, midik thisan sua la hiu ti vang kihiat tin ten un; a dik tak in, la nakhang ua zia thute hi hung gen ding ah Lalpa‘n ei sawl ka hi,” a ti tai.

JEREMIAH 26:23

Aigupta gam ah kipat in Uriah chu a vapuidok un, Lengpa Jehoiakim kiang ah a hun pui tau ah; ama chun chemjam in a satlum ah, a luang chu mipi vantang thanmual in a vui tau hi.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

MATTHAI 5:12

Lim unla, kipak tak in um un; van ah la kipakman ding uh chu a lopi ngal in; zia gual ma chun la mau ah jawlneite kha le a sukgenthei uh ahi kha.

LUKA 6:23

ziaphat chuleh lim unla, kipak in kichawm un, van ah la kipakman ding uh chu a nasa ngal a. Zia gual ma chun, la pi leh puteu inle jawlneite chung ah khan a la bawl tangal un.

JOHAN 16:10

Dikna thu’n thiamlo chang in au, Pa kiang ah chia ding ka hi’n, nang un lei mu tâk lo ding ziak un;

NASEPTE 2:23

zia pa ngei, Pathian in a gêl zawsa leh a hetlawkna dungzui ah la khut ua piakdaw ah um chu nanghaw’n dan pawlam ah umte khut in kros ah khenden in, la that tau a.

NASEPTE 22:14

Ama chun, I pu leh pateu Pathian in a lung lam he ah, midik tak chu mu ding leh a kam ah thupawt chu he ding in a hun têl a;

NASEPTE 3:18

Himaleh, Khrista chun zia thilte chu thuak ngei ding ahi, ti Pathian chun a jawlneite zosia mang in a la hillawk ah, zia gual tak ah chun a guitung ta ahi.

NASEPTE 3:24

Chuleh, jawlnei zosia, Samuel ah kipat a nung ah hung um te tawh, thu a la gen kha taphot chun, zia nite hi a la genlawk tau ahi.

NASEPTE 4:10

la leng un, Israel mi zosia’n a la he tau in: Zia pa hi damna tawh la ma-âng ua a din thei hi; Nazareth Jesu Khrista, la khetden uh, Pathian in thina kipat a kaithawpa min ziak chu ahi.

1 THESSALONITE 2:15

amau chun Lalpa Jesu leh jawlneite kha a that ua, keihawle ei deldok ua, Pathian ahi’lungdam puau ah, mi zosia a dodâl sek ui,

2 TIMOTHI 3:4

juauhatte, thunung ngaitualote, kimisakte, Pathian hepi sâng ah ama kinoptelna ngaina zaw te;

1 PETER 1:11

Khrista Thagau amau ah um chun, Khrista thokna ding leh, zia zaw ah lopina hung um dingte chu a la hiatsak lawk lai ua khan, a ni leh hun ding hetdaw a la guau a.

1 JOHAN 2:1

Ka chate haw, thil la hi’khial lona ding un zia thilte hi ka hun zik ahi. Ahi’n la, kua’n le thil a hi’khial chun, Pa kiang ah ei gen piak ding Jesu Khrista midik chu I nei ui.

THUPUAN 19:10

Ziaphatchun, a kengbul ah bok khup ah biak ding gua’n ka nai leh ama’n, “Hi’kin, keima le Jesu hiatsakna thu nei ah, la suapi leh la suak chanpi ka hi; Pathian bep chu bia’n; Jesu thu hiatsak chu thagau ah thugen hi ahiziak in,” a tia.

THUPUAN 3:7

Philadelphia khua kochuam vansawlchâk kiang ah chun, zia gual hin zik in: Zia thute hi mithiangtho leh midik, David chabi nei, kuama khâk theilo ding ah hong leh, kuama hon theilo ding ah khâk khan a gen hi: