NASEPTE 7:44 - PATHIAN LEKHABU THIANGTHO (BSI)

⁴⁴ I pu leh pateu khan, gamthip ah Mosi’n a mu gual tak ah hi’ding ah Pathian in a hil dungzui khan, hetpina biakbûk kha a nei tau hi.

NASEPTE 7:44 ပူးပေါင်းရင်းမြစ်များ

1 KHANGTHU 28:11

Ziaphatchun, David in a chapa Solomon kiang ah chun, a In hulliap um ding dan, a In leh a sung um ding dan, thawlawm bawm ding, pindan ding dan, a pindan sungnung um ding dan leh ja’ngaina chutpha kisiam ding dante haw zosia chu a etsak ah; chuleh,

1 KHANGTHU 28:19

Zia haw zosia bawldaw ding dan Lalpa thupiak dungzui ah zikdok in, ka kiang ah kichian tak in ei hil tai, a tia.

2 KHANGTHU 24:6

Tichun, lengpa chun thiampu lianpen Jehoiada chu a ko ah, a kiang in, “Lalpa suak Mosi thupiak dungzui ah Judai gam leh Jerusalem khua cheng zosia ah kipat, thuthung puanbûk ah matchâk ding, Israel mipi zosia lak ah kipat in hun lakhawm ding ah bangatia Levite chu thu pelo la hem?” a tia.

PAWTDAWNA THU 25:40

Chun, a siam ding dan tâng chung ah la kiang ah ka hun taklat gual tak kha ahi na em ti enchian in.

PAWTDAWNA THU 26:30

Tichun, tâng ah la bawl ding dan la kiang ah ka hun etsak dungzui ah khan biakbûk chu la tun daw ding ahi.

PAWTDAWNA THU 27:8

Mâichâm chu thingpêk ngen, a sunghawm ah la siam ding ahi. Tâng ah ka hun etsak gual chet ah khan la siamsak ding ahi.

PAWTDAWNA THU 38:21

Ziate hi Mosi thupiak dungzui ah thiampu Aron chapa Ithamar mapuina nuai ah Levi chate’n biakbûk a bawl uh tepte’na leh thuthung suangpêk a koina ding siamna a matchâk zosiau a tiam dan uh chu ahi:

KISIMNA LEKHABU 10:11

A kum ni’na, a tha ni’na, zia tha ah a ni sawmni tin ni chun, sûmpi chu thuthunna biakbûk chung ah kipat in a kichawndok tai.

KISIMNA LEKHABU 18:2

Levi phung ah mi, la suapite chule pui inla, thuthung koina biakbûk ma-âng ah nang tawh, la chapate’n la sep leh bawl a hun kithuapiu ah, la son theina ding un.

KISIMNA LEKHABU 9:15

Biakbûk tundin ni chun sûmpi’n thuthung koina biakbûk chu a hun tuam ta’n; nitâk ah kipat jingkal tiang in biakbûk tuam ah sûmpi chu meikuang gual in a um zing a.

HEBRAITE 8:2

munthiangtho leh biakbûk tak tak, mihing sak hilo, Lalpa sak ngei ah nasempa chu.

HEBRAITE 8:5

Mosi’n biakbûk a sak dingin Pathian in ahi ding dan a hil a, “Tâng ah ka hun etsak dungzui khan pha tak in en inla, bangkim zia gual tak ah khan bawl in,” a ti gual in; amau chun van lam thil etsakna a lim a la bawl ahi.

JOSHUA 18:1

Ziaphatchun, Israel mipi zosia chu Shiloh mun ah kikhawm un, kikhopna biakbûk a jak tau a. Gam pumpi amau thunuai in a hung um suak tai.

JOSHUA 3:14

Chuleh, mipite chu Jordan lui gâl kâi ding ah a puanbûk chiat ua kipat a kipatdaw lai un, thuthung thingkuang jawn thiampute chu mipite âng in a chiau a.