NASEPTE 7:25 - PATHIAN LEKHABU THIANGTHO (BSI)

²⁵ Ama khut ah Pathian in a hukdaw ahi ti, a unaute chun he na’n au timaleh, a hepuau hi.

NASEPTE 7:25 ပူးပေါင်းရင်းမြစ်များ

2 LENGTE 5:1

Aram lengpa sepaite hotupa, Naaman chu mi lopi tak leh a pu’n a doisak ma ma mi ahi, a ziak chu ama ngawn ah Aram mite â dingin zaw’na Lalpa‘n a la pia ta ahi. Ama chu gâlhâng tak himaleh, phâk ahi.

SAM 106:7

Ka suantuteu in Aigupta gam ah a la um lai ua khan, la thilmak bawlte a la ngaisak puau a; la ngilneina nasa tak kha le a la hezing puau a, Tuipi San ah khan Chungnung Penpa chung in, a la hel zaw tau hi.

PAWTDAWNA THU 2:12

A khawda vêl ah, kuama a mulo phatin Aigupta mipa chu a that ah, a luang chu piaunêl lak in a sêlgu ta’n.

MARKA 9:32

A thugen chu a umzia a hepuau ah; himaleh, ama a dong ngam diak puau hi.

LUKA 18:34

Amau ah zia thute chu a kisêl nâk lai ziakin, a ngaina a hepuau ah; a gente chu a hethiam thei him him puau hi.

LUKA 9:45

Himaleh, a thugen chu a ngaina a hepuau ah, a het theilona ding ua kisêl ahi’n; himaleh, zia thu chu ama dot ding chu a lau ngal un.

NASEPTE 14:27

A hung tun phat un kochuamte chu a hun ko khawm ua, amau mang ah Pathian in na a sep zosia chu a gensawn ua, Jentelte kiang ah le ginna kot a kihon tâk dante a gen tau a.

NASEPTE 15:4

Jerusalem a hung tun phat un, kochuamte leh apostolte leh upate chun nasa tak in a la lop un, amau mang ah Pathian in na a sep dante chu a gen tau a.

NASEPTE 15:7

A lak ua kinialna nasa tak a hung um phatin, Peter chu a hung ding ah, a kiang un, “Suapite haw, tu’ma khan keima kam ngei ah Jentelte het ding leh a hun gintheina ding ua chanchinpha thu hi gen dingin eimau lak ngei ah kipat in Pathian in ei têl dan kha la hiau a.

NASEPTE 21:19

Amau chu chibai a bûk zaw in, Pathian in Jentelte lak ah ama mang ah a sep dante chu a ban ban in a hil a.

NASEPTE 7:24

A lak ua mi pakhat dik lo tak ah a soisak lai tak uh chu a mu phât in, tawden ah umpa chu panpi in, a phuba lakna’n Aigupta mi chu a that ta’n.

NASEPTE 7:26

A jing in a lak ua khenkhat a kinial lai tak un a vachia ah, a kilem theina ding un, gualte haw, suapi khat la hiu hi; bangatia dik lo tak ah kibawl la hiu em? a vatia.

ROMTE 15:18

Jentelte chu thu leh nasep ah thu awisakna ding ah, Khrista’n keima mang ah a sep tilo ngal chu gen pua’ng ka.

1 KORINTH 15:10

Himaleh, Pathian lungsiatna jal in ka hi’ding gual tak ka hi zo ta’n; chun a lungsiatna chu a thawn puai. Amau zosia sâng in ka sêm nasa zaw bawn hi; himaleh, keima sep hilo in, Pathian lungsiatna kei ah um chun a sep a hizawi.

1 KORINTH 3:9

Kei uh chu Pathian naseppi, a suakte ka hiu in, nang uh chu Pathian louma leh Pathian In chu la hiu hi.

2 KORINTH 6:1

Pathian hepina chu phatchuampi lo ah chang la hilona ding un, ama seppite hin in ka hun ni’ la hiu.

KOLOSSA 1:29

Zia ding ziak ah hin, ama’n ei suk-hatna dungzui ah kimang in, gim tak ah sêm in, ka kihabawl ma ma hi.

VAIHAWMTE 15:12

Amau chun a kiang in, “Philistinte khut ah ka hun piakdok theina ding un nangma kântom ding ah hung kuan suk ka hiu,” a tiu a. Samson in, “Nang un ei that lo dingin kitiam phot un,” a tia.

1 SAMUEL 14:45

Ziaphatchun, mipite chun Saul kiang in, “Zia gual khop ah Israelte hukdawna ding bawldokpa Jonathan chu maw la thalup ding? Thi maijen pua’n ah! Lalpa hinna sâl in ka gen ui; tu’ni hin ama Pathian in a kithuapi ziakin a samzang khat ziang le lei tual ah ketha pua’n ah,” ti’n a dawnhu tau a. Tichun, mipite chun Jonathan a hukdok tau ah, thalup a hita puai.

1 SAMUEL 19:5

ama hinna tiangle îtcha lo khop in, Philistin mipa chu a la that ta’n; ama ziakin Israelte â dingin, zaw’na lopi tak Lalpa‘n a la pia ta ahi. Zia chu nang inle la mu’n, la kipak ma ma hi; bang a tia, a ziak bei kei ah, mawna nei lo chung ah khut thâk gua, David tha la guat ziang a hem? ti’n a gen tai.