NASEPTE 7:23 - PATHIAN LEKHABU THIANGTHO (BSI)

²³ Kum sawmli a tin ah chun, a chanau Israel chate chu ve thâk nopna lungthim a hun nei a.

NASEPTE 7:23 ပူးပေါင်းရင်းမြစ်များ

2 KHANGTHU 30:12

Judai gam ah mite chung ah Pathian in na a sep ziakin, lengpa leh a khawnbawlte chun Lalpa thugen dungzui ah thu a piakteu chu, lungthim kithu gual tak ah zui dingin a hung kipe tau a.

EZRA 1:1

Persia gam ah Lengpa Kuras lal kum khatna’n, Jeremiah kiang ah Lalpa thugen a guitun theina dingin, Lalpa chun Persia Lengpa Kuras in lekhazik ah gam sung pumpi’ tângsam ding sawl dingin a lungthim a hun choktho ah, zia gual hin tâng a sapsak a.

EZRA 1:5

Judah leh Benjamin phung ah luchangte leh thiampute leh Levite lak ah Pathian Thagau in, Jerusalem khua Lalpa In sa ding ah a chaw’phul zosia chu a kuan ziang dingin a kisa zo tau a.

EZRA 7:27

Jerusalem ah Lalpa In chawisâng nopna lunggil nei dingah Lengpa lungthim ah nasem Lalpa, I pu leh pateu Pathian chu chawihoi in um hen la,

PAWTDAWNA THU 35:21

Mi tin lak ah lungthim chaw’phul ah um leh lunggil tak ah phalna nei zosia a hung ua, biakbûk sakna ding ah matchâk ding, a poimaw taphot, sil leh chên thiangtho ah siam dingte tawh pum in Lalpa â dingin a hun lakhawm tau a.

PAWTDAWNA THU 35:29

Israelte zosia, a numei, a pawsal kidang lo ah Lalpa â ding ah amau lungtup dungzui chiat ah piak nopna nei zosia chun, Mosi’n thu a piak dungzui chiat in, Lalpa â ding ah kiphalna thilpiak a hun chawi khawm chiat tau a.

PAWTDAWNA THU 4:18

Mosi chu a talpupa Jethro kiang a hung tun kit phat ah chun a kiang in, “Lungsiat tak in Aigupta gam lam ah ka chipite kiang ah ei chiasak kit inla, amau chu a dam dam le ahi nau em ti vakan tha’ng ka,” ti’n a don a. Jethro chun, “Thamuang tak in vachia ta’n,” a tia.

PAWTDAWNA THU 7:7

Pharaoh kiang ah thu a vagen lai ua chun, Mosi chu kum sawmgiat ah upa a hita, a u Aron chule kum sawmgiat leh thum ah upa ahi tai.

THUPILTE 21:1

Lengpa lungthim chu Lalpa khut in a um hen, luicha tui luang gual in a dawi dan dan in a hei kawi sek hi.

NASEPTE 15:36

Ni bang jat a hem nung in Paul in Barnaba kiang in, “Khawtin ah, Lalpa thu I genna munte khan vachia kit hi tin, bangti’n a um tau em ti vakantha hi ti,” a tia.

NASEPTE 7:24

A lak ua mi pakhat dik lo tak ah a soisak lai tak uh chu a mu phât in, tawden ah umpa chu panpi in, a phuba lakna’n Aigupta mi chu a that ta’n.

2 KORINTH 8:16

Ka hun ngaikhawkna gual Tita lunggil ah le pepa Pathian kiang in kipak thu um ta hen.

JAKOB 1:17

Thilpiak pha leh thilpiak buting taphot hi chung lam ah kipat, vâkte pa kiang ah kipat ahi’n, ama chu danglam lo leh thimna umlo ahi.

THUPUAN 17:17

Pathian thute sukbukim ahi masang, ama doilam a bawl ua, lungthim khat a nei ua, a lenggam uh sahâng kiang ah a piakna ding un, Pathian in amau ah chun ngaituana a koi tangal a.