NASEPTE 6:7 - PATHIAN LEKHABU THIANGTHO (BSI)

⁷ Pathian thu chu a kizak jel ah; Jerusalem ah nungzuite chu nasa tak in a pung tau ah; thiampute tam tak inle ginna chu a pom tau hi.

NASEPTE 6:7 ပူးပေါင်းရင်းမြစ်များ

2 KHANGTHU 29:34

Himaleh, thiampute chu a tawm ziak un, hâlmang thillat ding ah ganchate chu a vun a lip sêng puau ah; ahi’n, a suapiteu Levi mite chun a nasep diu a zawthian masangsiau a la kithuapiu ah; Levi mite chun thiampute sâng in kisukthianna lam thu hi a ngaichîk zawu a.

2 KHANGTHU 30:24

Judai gam ah Lengpa Hezekiah in mipi kikhawmte kithoina thillat ding in: bawngchal sang khat tawh, belam sang sagi a pia’n; a khawnbawlte chun mipi kikhawmte â dingin bawngchal sang khat tawh, belam sang sagi a piau hi. Thiampute le tam tawk tak chu a hung kisuthiangtho tau hi.

SAM 132:16

A thiamputeu chu hukdamna’n thuam ing ka tin; a mi ginumteu chu lim in kiko in au.

SAM 132:9

La thiampute dikna’n kivan uh hen la, la mi ginum chu kipak in kiko hen.

MATTHAI 19:30

A masa tam tak le hung nunung intiu in, a nunung tam tak le hung masa ding a hiu,” a tia.

LUKA 2:34

Simeon chun mal a jawl ah, a nu Mari kiang in, “Zia nausen hi Israelte lak ah mi tam takte pûkna ding leh, dindawna ding ah kiguat ahi; ama a gensiat ding uh tepte’na leh,

JOHAN 12:42

Ahi’n la, thuneite lak ah le mi tam tak in ama chu a hun ging tau a; himaleh, kikhopna In ah kipat nawdaw a um khak diu a lau ziak un, Pharisaite ziakin langchang tak in a kipuang ngam puau hi.

NASEPTE 12:24

Ahi’n, Pathian thu chun ma a sawn jel ah, gingtu le a hung pung deu deu tau hi.

NASEPTE 13:8

Himaleh, Elima, dawithiampa chun (zia chu a min khiakna ahi ngal ah,) zia gam awppa chu Pathian ginna ah kipat kaihei gua’n a dodâl zing a.

NASEPTE 14:22

“Sukgentheina tam tak thuak in, Pathian gam I lut ding him uh ahi,” ti’n nungzuite lungthim chu a hi’det un, ginna umzing dingin a tîlkho malam pek tau a.

NASEPTE 19:20

Tichun, Lalpa thu chu hat tak in a pung ta’n, a zo pek tai.

NASEPTE 2:47

Pathian a pâk zing ua, mitin doisakna a chang un. Chuleh, nisi’n in Lalpa‘n a lak un hukdam ah um dingte chu a hun belap jel tai.

NASEPTE 21:20

Zia thu chu a het phat un Pathian a pakcha tau a. A kiang in, “Suapipa, Judate lak ah gingtu a tam dan uh la mu; a leng un dan thu lam ah phatchuamngai tak a hiu a.

NASEPTE 6:1

Nungzuite chu a hung tam deu deu phat un, a nisi’n an hawmnau ah a meithâiteu a ngaisak zaw lo ziak un, Grikpau mangte chu Hebraite chung in a hung phun tau a.

ROMTE 1:5

Ama ziakin hepina leh sawlchâk hi’na chu, a min ah namtin lak ah ginna thu awina ziakin I nei chiat tau ahi.

ROMTE 16:26

ahi’n la, tu’hun ah hung kipuangdok leh kumtuang Pathian thupiak dungzui ah, jawlneite’n lekha zik mang ah, ginna thuzopna um dawsak theina ding a ti, Jentelte kiang ah hiatsak ah um, a hun hi’hat thei Pathian–

GALATIA 1:23

Tu’ma lam ah ei sugentheipa khan ni dang ah ginna thu a la sukbuai chu tu’hin a gen zaw tai, ti bep a la hiau a.

GALATIA 6:10

Chutichun, hun lemchâng I nei dan dan un, mi zosia chung ah thilpha bawl chiat hitiu; ginna’ I Inkuanpiteu chung in bawl diak hitiu.

KOLOSSA 1:6

Zia chanchinpha chu khawvel zosia ah ga ah a pun pek gual in, la kiang un a hung tung ah, Pathian hepina chu thutak ah la ngaithâk ua, la het niu ah kipat in nangmau ah le ga in a pung zing hi.

2 THESSALONITE 1:8

Pathian helo mi leh I Lalpa Jesu chanchinpha ginglote chung ah phuba a lâk ding chu;

2 TIMOTHI 2:9

Zia ding ah chun gimnate ka thuak ah, thilhi’khial gual ah kol busak hial in ka um tai. Himaleh, Pathian thu chu kol busak in a um puai.

HEBRAITE 11:8

Ginna’n Abraham in a lua ding gam chu zuan dingin thu a awi ah; a zotna ding lam he masa lo in a kipandok ta’n.

HEBRAITE 5:9

Chutichun, sukbukim ah um in, a thu awi tapote â dingin kumtuang hukdamna siampa,

JUDA 1:20

Himaleh, doitakte haw, nang uh vang la ginna thiangtho chung ua chun kilemto unla, Thagau Thiangtho ah pauchap unla,

JUDA 1:3

Doitakte haw, I kikop uh hukdamna thu la kiang ua tha nuam tak ah zik ka guat lai in, mithiangthote kiang ah ginna vopsak ah umsa thu’n phatchuamngai tak ah pang ding ah tilkhauna thu gen ngai zaw ta’n ka hia’i.