NASEPTE 5:5 - PATHIAN LEKHABU THIANGTHO (BSI)

⁵ Ananiah in zia thute chu a het phat in, a kipûk ah a thi tai. A la he zosia chu launa’n a dim tau a.

NASEPTE 5:5 ပူးပေါင်းရင်းမြစ်များ

2 LENGTE 2:24

A kihei vêl leh a mau chu a hun mu ta, Lalpa min in hânsia a lawkhum tai. Chun, gamlak ah kipat in savompi pani a hung pawtdok ua, pawsal naupangte lak ah sawmli leh ni chu a hung petlum tau hi.

1 KHANGTHU 13:12

Zia ni chun David in Pathian a lau ma ma tak ziakin, “Pathian thuthung thingkuang hi bangti etkol ding ka hita diam?” a ti tai.

1 KHANGTHU 15:13

I la bawl gi’nat lo ziak ua, nanghaw’n a lim tak ah la la puak lo ziak un, Lalpa I Pathian uh I chung un a la lungna ahi kha,” ti’n a gen tai.

SAM 119:120

Ka taksa hi nangma lau in a kithing in, la vaihawmnate chu ka lau hi.

SAM 64:9

Mi zosia’n hun lau in, Pathian thil hun tunsak thute gensawn in, a thilbawlte chu ngaitua ta’n au.

JEREMIAH 5:14

Ziaziakchun, sepai honte Pathian, Lalpa chun zia gual hin a gen hi: Zia gual thu chu a gen ziak un, la kam ah chun ka thute chu, meikuang gual in ka hun siam in, zia mipite hi thingkhua gual in, ti chun, mei in amau chu hun kâng tum in a.

EZEKIEL 11:13

Zia thu chu ka gen lai in, Benaiah chapa Pelatiah chu a thi ta mai a. Ziaphatchun, ka mâichang ah lei tual si’n ka bokkhup ah, aw ngai tak in ka kap ah, “Katei Lalpa Pathian! Israelte lak ah a um nalai sunte that gam mai ding la hem?” ka ti tai.

THIAMPUTE LEKHABU 10:3

Ziaphatchun, Mosi’n Aron kiang in: “Lalpa‘n a la gen kha zia hi ahi: ‘Keima ei nai tapote kiang ah, thiangtho in kilang ing ka tin; tichun, mi zosiate âng ah chun, choisa’n in um ding ka hi,’ a la ti kha,” a tia. Aron in gen ding he lo in a thip tai.

NASEPTE 13:11

Chuleh, tu’hin ngai in, Lalpa khut in a hun do la hi, hun chomkhat sung la mitthûm intin, nisa mu pua’n la,” a tia. Ziaphatchun, chimchi leh thimna chun a hun chup tangal ah, a khut ah kaibât ding mi a hawl tai.

NASEPTE 2:43

Sawlchâkte mang ah thilmak leh tepte’na tam tak bawl ah a um ziakin mitin chu launa’n a dim tau a.

NASEPTE 5:13

A dangte chun a vabêl ziang ngam ta puau ah; himaleh, mipite chun amau chu a ngaisâng ma mau hi.

1 KORINTH 4:21

Aleh, bang la dawi zawu em? Tiangpum tawh hung ding ka hem? Ahiloleh, lungniang tak ah hepina tawh nunnem tak in ka hung zaw diam?

2 KORINTH 13:10

Ziaziakchun a susia ding hilo in, a siampha dingin, Lalpa‘n thuneina ei piak dungzui in, la kiang ua ka um phat leh na tak ah ka vau lona dingin; la kiang ua ka umlo lai hin ka hun zikthaw ahi.

2 KORINTH 13:2

Tu’ma lam thil a la bawlkhialte leh, midang dangte khale ka hung niveina khan ka la zilgai ta hen; tu’ ka umlo sung ah hinle ka hun zilgai hi; hung vâng vâng leng jainem lo hial ding ka hi.

2 KORINTH 7:11

En tiam un, Pathian doigual ah hi’lungngai ah la umnau chun bang gual ah titakna, kisukthianna, lungnatna, launa, lunglenna, phatchuam ngaina leh gawtnate nangmau ah siam ahi tam! Bangkim in zia thu ah chun la maw puau hi ti la hi’lang tau hi.

DAN LEKHABU 13:11

Ziaphat chuleh, Israelte zosia’n hun he’n tin uh, lau ta’n au; tichun, zia gual thil phalo chu kuama’n bawl kit ta pua’n au.

DAN LEKHABU 21:21

Ziaphat chuleh, khua sung ah mipi zosia chun suang in a sep lum ding uh ahi. Zia gual chun, la lak ua thil phalo chu la hi’thiang kawm kawm ding uh ahi; chutileh, Israel mipi zosia’n he’n tiu in, lau ta’n au.

JOSHUA 22:20

Zerah chapa Akan in thilbuak ah a ginna a la suksiat tâk ziak in, Israel mipi zosia chung ah lungnatna hung tung hilo a hem? Ama’n thil a la bawlkhial ziak in, ama bep in a thuak pua kha lam,” ti’n a vagen tau a.

THUPUAN 11:13

Zia hundan sung ngei ah chun lîn nasa tak leh huaisia tak a hung kilîng a; khawpi mun sawm ah khen mun khat chu a chim ta’n; linlîng ah chun mi sang sagi a thiu ah; a thi bang sunte chu a lau ma mau ah, van Pathian chu lopina a pia tau hi.

THUPUAN 11:5

Amau chu min hi’nat a guat ua leh, a kam ua pat mei pawt chun a gâlteu chu a kâng tum mai sek un; tichun kuale amau hi’nat gaw tapo chu thâ ah um jel ding a hiu.