NASEPTE 5:4 - PATHIAN LEKHABU THIANGTHO (BSI)

⁴ Zokdaw ahi masang ah chun nang â hilo a hem? Zokdaw ahi’nung inle a man chu nang thu thu hilo a hem? Bangatia, la lungthim ah zia thil hi gêlgu la hem? Kei uh ei thêm la hipua’n, Pathian thêm la hizawi,” a ti’n.

NASEPTE 5:4 ပူးပေါင်းရင်းမြစ်များ

1 KHANGTHU 29:17

Ka Pathian, nang in lungthim lam la enchian sek in, dikna la kipakpi hi ti ka hia’i. Ka lungthim dik tak ah zia thil zosia hi kiphal takah ka hun piak ahi; chuleh, tu’hin, la mipite hinle kipak tak leh kiphal tak ah a hun piak uh ahi ti ka mui.

1 KHANGTHU 29:3

Zia bep chule hilo in, zia In thiangtho sakna ding ah ka la bawl cheng bân ah hin, ka Pathian In sak ding ka lung lut ma ma ziak in, keima nei leh lamte lak ah a pha cha cha, sana leh dangka thikte zosia chule ka Pathian Insakna ding ah hin ka pedok sik sek ta ahi;

1 KHANGTHU 29:5

mi khutthiamte’n sana ah thil a siamna ding un sana dangka thikah a thil siamna ding uh dangka thikte le a kidai hi. Lalpa â dingah kilân thiangtho ah, tu’ni hun ah thawlawm pianuam la um nalai awm?” ti’n a gen tai.

1 KHANGTHU 29:9

ziaphatchun, zia mite chun kiphal tak ah a piak ziak uh leh, Lalpa a ding ah lung kigual takah a piak ziak un mipite chu a kipak ma mau ah; Lengpa David chule a kipak ma ma ziang hi.

JOB LEKHABU 15:35

Ngaituana phalo a nei un, thil phalo a hung ga sek in; a lunggil un dawha phalo a guanggal sek ui.

SAM 139:4

Aw Lalpa, ka lei ah kipat, thumal khat le a pawt masang in, nang in a leng in la he suak tai.

SAM 7:14

Bang gual ah a lunggil ua siatna vop ah, thil phalo bawl nopna dim ah, lepchiana hun hing a hiu em ti en tiam in.

PAWTDAWNA THU 16:8

Mosi chun, “Lalpa’n nitâk leh sa la nêk ding uh a hun piak ah, jingkal leh vaithum la vâ sêt uh a hun piak phat leh Lalpa’n a chung ah la phunchiaknau zosia chu a hia’i; kei uh hi bang ka hiu em? kei uh chung ah phunchiak la hi puau ah, Lalpa chung ah phunchiak la hi zawu hi,” a tia.

PAWTDAWNA THU 35:29

Israelte zosia, a numei, a pawsal kidang lo ah Lalpa â ding ah amau lungtup dungzui chiat ah piak nopna nei zosia chun, Mosi’n thu a piak dungzui chiat in, Lalpa â ding ah kiphalna thilpiak a hun chawi khawm chiat tau a.

THUGENTU 5:5

Thu la tiam ah, la mualsua lo sâng in, la tiam lo chu a pha zawi.

ISAI 59:4

Kuama a dik ah vaihawm a um ta puau a, dan dungzui ah diktat kuama a um puau; zuau ah kilepchâk la chîng un, zuau ngen la gen un, thil phalo ngen la ngaituau ah, khawlona ngen a hing hi.

EZEKIEL 38:10

Lalpa Pathian in zia gual hin a gen hi: Zia ni chuleh, thil phalo hun ngaitua inla tin, phalo tak ah bawl ding dan hun guanggal ding la hi.

KISIMNA LEKHABU 16:11

Ziaziakchun, nang tawh la lawite zosia’n Lalpa kãl dingin la pung khawm nalai un. Aron hi bang a hia, gensia nalai la hiu em?” a tia.

LUKA 10:16

Kuale nang uh thu ngai tapo chu keima thu ngai hi’n tiu in; nang uh hun musit chu keima ei musit hi’n au; kuale keima ei musit chu ei sawlpa musit ahi, a tia.

NASEPTE 5:3

Peter chun, “Ananiah, Thagau Thiangtho thêm ding leh gam zok man hun tiang chu îm ding ah, bang ziak ah Setan in la lungthim hi’dim a hem?

NASEPTE 5:9

Ziaphatchun, Peter in a kiang in, “Bangtidan ah, Lalpa Thagau thêm ding ah hung kithu gual ziang la hiu em? Entia, la pawsal vuite keng chu kotkhak bul a hung tung tau hi, nang le hun jawndok ding a hitau hi,” a tia.

1 KORINTH 8:8

An hin Pathian ei naisak pua’n tin. Nelo lehinle I siatpi pua’n, ne lehinle I phatpi diak puai.

1 THESSALONITE 4:8

Ziaziakchun, a khawksa lo chun mihing khawksa lo a hipua’n, Pathian, nangmau ah Thagau Thiangtho pepa chu khawksa lo ahi zawi.

PHILEMON 1:14

Himaleh, la cham lo ah ei panpi hilo in, nangma nopna ngei a hitheina dingin, nang thu lo in bangma ka hi nuam puai.

JAKOB 1:15

Zia nopna chun no a hun pâi in, gitlona a hing sek a; gitlona chu a hung pitin phat leh, thina a tun sek hi.

1 SAMUEL 8:7

Lalpa‘n zia gual hin Samuel kiang in a hun gen ah, “La kiang ah mipite gen zosia chu ngaitua piak mai in; nang hun doilo ahi puau in, a chung ua lal ka hi’na ei doilo ahi zawu hi.