NASEPTE 5:14 - PATHIAN LEKHABU THIANGTHO (BSI)

¹⁴ Himaleh, Lalpa â ding ah mihing kibelap chu ni dang sâng in a nasa zaw ma ma tai; numei leh pawsal tam tak a hitau hi.

NASEPTE 5:14 ပူးပေါင်းရင်းမြစ်များ

2 SAMUEL 6:19

Israel mipi zosiate kiang in, a numei a pawsal kidang lo in, mi tin kiang in vaithum tang khat tawh, sa bâk khat tawh grep ho vaithum tâng khat chiat a hawm a. Ziazaw chun, mipite zosia chu a In lam chiat un a chia kit tau hi.

EZRA 10:1

Ezra in gitlona thu pha chawi ah, kap kawm ah Pathian In mai tual ah a kipek ziang phatah chun, Israelte lak ah a mei a pa, a si a sên in mipi tam tak a kiang in a hung khawm tau a; mipite chule nasa tak in a kap jak ziang tau a.

NEHEMIAH 8:2

A dot dungzui un thiampu Ezra chunle Dan Lekhabu chu mipi kikhawmte, numei leh pawsal zosia, hetna nei zosia’n a het ding un a kiang un a hun chawi a. Zia hun chu a tha sagi’na a ni khat ni ahi.

PAWTDAWNA THU 35:22

Chutichun, a numei, a pawsal kidang lo ah piak nopna lungthim nei zosiate chu a hung khawm ua; a chauchateu, a bilbateu, a min namnau khutsebite, khite, sana’ kicheina chitinte a hun pekhawm tau a; mi tin sana piak ding nei zosiate chun Lalpa â dingin a hun pechiat tau a.

ISAI 45:24

Lalpa bep ah chun dikna leh hatna a um hi, ei hun ti ta’n tiu in; Keima do ding ah hil ah umte chu vang, ka kiang lam ah hung in, mualpho ta’n au.

NASEPTE 11:24

ama chu mi pha tak, ginna leh Thagau Thiangtho ah dim mi ahi’n. Mi tam tak chu Lalpa lam ah belap in a hung um tau a.

NASEPTE 2:41

Tichun, a thugen pomte chu a baptis tau a; zia ni chun mi sâng thum vêl belap in a um ui.

NASEPTE 2:47

Pathian a pâk zing ua, mitin doisakna a chang un. Chuleh, nisi’n in Lalpa‘n a lak un hukdam ah um dingte chu a hun belap jel tai.

NASEPTE 22:4

Zia Lampi mite chu a thina ding tiang ua sawi inle ka la pang ah, a numei a pawsal kân in suangkul ah khum dingin ka pesek hi;

NASEPTE 4:4

Himaleh, thu ngaithate lak ah tam tak chun a ging tau ah; a tam lam uh chu sang nga vêl a hiu hi.

NASEPTE 6:7

Pathian thu chu a kizak jel ah; Jerusalem ah nungzuite chu nasa tak in a pung tau ah; thiampute tam tak inle ginna chu a pom tau hi.

NASEPTE 8:12

Himaleh, Philip thugen, Jesu Khrista min leh Pathian gam thu a gente chu a hun gin phat un, a numei a pawsal in baptisma a chang chiat tau a.

NASEPTE 8:3

Ahi’n, Saul chu intin ah lut in; numei, pawsal hitaleh a kaidok ah, suangkul in a khum pek ah, kochuamte chu a sugenthei ma ma tai.

NASEPTE 9:2

Damaska khua kikhopna In zosia ah mite kiang ah piak dingin lekha a vadon a; kuale Lampi zui taphotte chu numei hi’n pawsal hileu, Jerusalem khua lam ah kântomsa a hun pui theina dingin lekha a vala.

NASEPTE 9:31

Zia hun sung ah chun, kochuamte chu Judea, Galili, Samaria gam ah chun muang tak ah um in a det tau hi. Lalpa lau kawm in Thagau Thiangtho thamuan in a um un, a pung deu deu tau hi.

NASEPTE 9:35

Ludda leh Sharon khua umte zosia chun ama chu a muu ah, Lalpa lam in a hung kihei tau hi.

NASEPTE 9:42

Zia thu chu Joppa khua sung zosia in a kithang ah; mi tam tak in Lalpa a hun ging tau hi.

2 KORINTH 6:15

Khrista leh Belial inle bang a hem a chan khawm uh? Ahiloleh, gingtu leh ginglo in bang a hem a chankhawm uh?

GALATIA 3:28

Zia tak ah chun Juda mi a um ta pua’n, Grik mi le a um ta puai; zia chun suak a um ta pua’n, suak lo le a um ta puai; chuleh, pawsal leh numeile a um chuam ta puai. Khrista Jesu ah chun la leng un pumkhat la hingal un.