NASEPTE 4:34 - PATHIAN LEKHABU THIANGTHO (BSI)

³⁴ A lak un kuama a tasam a um puau hi; gam leh In nei tapo in a zuak ua, a man chu a hun chawi khawm ui.

NASEPTE 4:34 ပူးပေါင်းရင်းမြစ်များ

MATTHAI 19:21

Jesu’n a kiang in, “Pha bukim ah um la nop chun chia inla, la nei zosia zuak inla, migentheite kiang in pia’n, zia tak chuleh van ah go nei inla: Chuleh, hung inla ei zui in,” a tia.

MARKA 10:21

Jesu’n ama chu a en ah, a hepi ma ma ah, a kiang in, “Hi’ding pakhat la nei nalai hi; chia inla, la nei zosia vazuak inla, gentheite kiang in pia’n; tichun, van ah go nei in la tin; chuleh, hung inla, ei zui in,” a tia.

LUKA 12:33

La thil neiteu chu zuak un la, gentheite kiang in piau in; Paisa dip lui theilo chu kingaituau inla, guchate’n le a nai theilonau, a nget inle a nêk siat theilona van ah chun khol khawm zaw tau in.

LUKA 16:9

Ka hil la hiu, lei chung sum hin jawl leh gual kisiam un, zia chu a bei phat leh kumtuang ah umna chun a hun lawp lut theina ding un.

LUKA 22:35

Jesu’n a kiang un, “Dangka dip tawh, sakhau tawh kengtawdap le keng lo ah ka hun sawldaw lai khan, bang tâksap la nei awm?” a tia. Amau chun, “Bangma tasam lo,” a tiu a.

NASEPTE 2:45

A thilneiteu leh a vanteu chu zuak in, a khot zat uh chu mitin kiang ah a mamaw dungzui un a hawm sek un.

NASEPTE 4:37

Ama chun gam a nei chu a zuak ah, a dangka chu hun chawi in, apostolte kengbul in a hung koi ta’n.

2 KORINTH 8:14

la haunau chu a tâksap uh awnghukna ahi ah, amau haunale nangmau tâksap awnghukna a hung hi’theina dingin ka ti ahi zawi.

DAN LEKHABU 2:7

La thil bawlnau taphot in Lalpa‘n mal a hun jawl ma ma ah; zia gamthip lian tak la hawthen danteu le a he sik sek hi. Zia kum sawmli sung ving veng hi Lalpa la Pathian un a hun umpi zing ah, bangma tâksap le la nei puau,” ti in.

1 THESSALONITE 4:12

Chutichun, pawlam ah mite mu in mêlpha’n la tiu in, bangma le tasam pua’n lau.

1 TIMOTHI 6:19

Chutia, tu’nung ah amau â ding ah suangphûm pha gothil kiphûm ah, hinna tak tak chu a tûkdet theina ding un.

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.