NASEPTE 4:31 - PATHIAN LEKHABU THIANGTHO (BSI)

³¹ A pauchap zaw phat ua chun, a kikhopkhawmnau mun chu a hung kilîng ah; a leng un Thagau Thiangtho in a hung dim tau a, hangsan tak in Pathian thu a gen tau hi.

NASEPTE 4:31 ပူးပေါင်းရင်းမြစ်များ

ISAI 65:24

Ei ko masang un dawnhu ngal ing ka tin, a gen zaw masang un a la ngaitha ngal ding ka hi.

MATTHAI 21:22

Bangkim ginna nei ah la dot taphot uh chu, lawting ding la hiu, ti’n a dawnhu a.

JOHAN 14:12

Titakzet in ka hil la hiu, kuale keima ei ging chun, ka nasepte hi ama’nle hun sêm in a, keima Pa kiang ah ka chia ding ziakin, ziate sâng ah nasa zaw hile hun sêm ding ahi.

JOHAN 15:16

Nang un lei têl puau in, keima’n ka têl jawk la hiu. La chiau ah, vaga ding leh la gau um zing dingin ka guat la hi zawu hi; ka min ah Pa kiang ah la dot tapo uh a piak theina ding in.

JOHAN 15:7

Nanghaw le keima ah la um zing ua, ka thute le nangmau ah a um zing chun, la dawi dawi uh don un, zia chu hi’piak in um in lau.

NASEPTE 14:3

Ziaziak tak ah chun, Lalpa thu chu hangsan tak ah gen in, zia tak ah chun sawt deu a um ua, Lalpa‘n tepte’na leh thilmakte a khut ua vopsak in, a hepina thu a hiatsak sek un.

NASEPTE 2:1

Pentikost ni a hung tun phatin, amau chu a leng un mun khat in a la um khawm un.

NASEPTE 2:2

Thakhat in van ah kipat hui hât tak gi tawhbang a hung tung ah, zia chun a kichutna Insung uh chu a lua dim ta’n.

NASEPTE 2:4

A leng un Thagau Thiangtho in a hung dim tau a, Thagau in a pausak dungzui in pau dangte’n a hung pau tau ahi.

NASEPTE 4:13

Peter leh Johan hânsan dan chu a muu in, amau la lekha helo a hiu ti a het phat un, lamdang a sa ma mau a; Jesu tawh kithua sek ahi ngei ui ti a he tau a.

NASEPTE 4:29

Tu’hin, Lalpa, a vaunateu hi en inla, la suakte hi hangsan tak in la thute chu gensak inla;

PHILIPPI 1:14

chuleh, ka kolbunate ziakin unaute lak ah tam tak in, Lalpa muanna nei zaw diak in, Pathian thu gen dingin nasa zaw diak ah suk-hansan leh launa neilo a hung hitau hi.

PHILIPPI 1:20

Bang lam lam inle sukmualpho ah umlo in, hangsan tak ah thu ka gen ziakin Khrista chu ka taksa ah hin, ka thi inle ka hin inle, choihoi ah um zing ding ahi ti chu ka kinepna leh ka kingakna ahi.

JAKOB 1:5

La lak ua kua’n le pilna a tâksap chun, mi zosia kiang ah phal tak leh îtcha lo ah pepa Pathian kiang in don un, tichun piak in um in lau.