NASEPTE 4:30 - PATHIAN LEKHABU THIANGTHO (BSI)

³⁰ mite hi’dam dingin la khut jakdok inla; la suak thiangtho Jesu min ziakin, tepte’nate leh thilmakte bawldawsak in,” a tiu a.

NASEPTE 4:30 ပူးပေါင်းရင်းမြစ်များ

PAWTDAWNA THU 6:6

Israel chate kiang ah chun: Kei Lalpa chu ka hi; Aiguptate puakgik nuai ah kipat leh a suak uh la channau ah kipat in hun hukdok ding ka hi; ka khutbân thahât ma ma chu hun thadok in, huaisia tak in amau hun gawt ing ka tin, hun hukdok ding ka hi.

JEREMIAH 15:15

Aw Lalpa, nang in la hei, ei hezing inla, ei hung kantha’n; ei sugentheite chung ah phuba ei hung lâkpiak in. La thok-hatna ziakin ei lamang kin; nangma ziak ah hosiatna thuak ka hi ti hia’n.

JOHAN 4:48

Jesu chun a kiang in, “Tepte’na leh thilmakte la mulo ua leh, ei gingcha tak tak lo ding la hiu,” a tia.

NASEPTE 2:22

Nanghaw Israel mite haw, ka thugen hi a la ngai un: Nazareth Jesu, Pathian in a hetpi ngei kha, ama mang in Pathian in la lak un thil lopi takte, thilmakte leh tepte’nate a bawl ah, zia chu nangmau ngei inle la hiatsau ahi’n,

NASEPTE 2:43

Sawlchâkte mang ah thilmak leh tepte’na tam tak bawl ah a um ziakin mitin chu launa’n a dim tau a.

NASEPTE 3:13

Abraham, Isak leh Jakob Pathian, I pu leh pateu Pathian chun a suak Jesu chu a choisa’n ahi tai; ama chu la la pedok un, Pilat in thâdaw a guat lai ah khan a ma-âng in la la kihiatlosak tau a.

NASEPTE 3:16

Ama min chu zia mipa hin a gin ziakin, a min ngei ah chun zia pa, la muu leh la het uh hi, a suhat ta ahi; tichun, Jesu a ginna ah chun ama chu la leng ua mit mu in damna bukim a pia ta ahi.

NASEPTE 3:6

Himaleh, Peter chun a kiang in, “Dangka leh sana ka nei puai; ahi’n la, ka neisun hun pia’ng ka: Nazareth Jesu Khrista min in dingdok in la, lam zawt ta’n,” a ti’n.

NASEPTE 4:10

la leng un, Israel mi zosia’n a la he tau in: Zia pa hi damna tawh la ma-âng ua a din thei hi; Nazareth Jesu Khrista, la khetden uh, Pathian in thina kipat a kaithawpa min ziak chu ahi.

NASEPTE 4:27

Zia khawpi sung ah hin, ahi, Herod tawh Pontia Pilat ngei le, Jentelte leh Israel mite chu tawh, la suak thiangtho Jesu, sathau la nu’sa chu dodâl dingin a kikhawm tau a,

NASEPTE 5:12

Chun, mipite lak ah chun, apostolte khut in tepte’nate leh thilmakte tam tak bawl in a um a. Amau chu a leng un Solomon Hulliap ah chun a um khawm ua.

NASEPTE 6:8

Chun, Stephen, hepina leh thilhitheina ah dim chun, mipite lak ah chun thilmak leh tepte’na thupi takte a bawl a.

DAN LEKHABU 4:34

Ahiloleh, nam dangte lak ah patepnate, teptênate, thilmakte, kidona ah a khut thahât takte bânjak ah, tizat um tak ah Aiguptate khut ah kipat Lalpa la Pathian un la mit mu ngei ua, ama â ding bîk ah a hun kipui daw gual ah hin, Pathian dang, zia gual bawlthei leh bawl kha hi la he’kha ngai him him awm?