NASEPTE 4:20 - PATHIAN LEKHABU THIANGTHO (BSI)

²⁰ ka thil muu leh het uh chu gen lo thei ka hi puau hi,” a tiu a.

NASEPTE 4:20 ပူးပေါင်းရင်းမြစ်များ

2 SAMUEL 23:2

Lalpa thagau in keima kipat thu a gen ah, a thu ka lei ah hin a um hi.

JEREMIAH 1:7

Himaleh, Lalpa‘n zia gual hin ei dawnhu a: “Ka naupang ta luai ti kin, ka hun sawlna taphot ah chia in la tin, la gen ding ah ka hun piak cha cha chu la gen mai ding ahi.

JEREMIAH 20:9

“Ama chu gen puak ta pua’ng ka tin, a min inle thu gen kit ta pua’ng ka,” ka tileh la, zia phat chuleh, ka theng sung ah meiâm um gual in, ka thipsan thei pua’n; ka thip hiat hiat leh la ka thuak zo sek pua’n, ka thipsan thei diak paw’ngal a.

JEREMIAH 4:19

Ka lung a gimna e, ka lung a gimna e! Ka lungthim a na ta luai! Aw, ka lung a gimna e! Ka lungchang a phu dûp dûp hi; ka thip hiat hiat thei puai; pengkul gi leh galdo husa ka he tai.

JEREMIAH 6:11

Himaleh, kei Lalpa vang lungnatna dim ka hi; kisûm le ka khop ma ma ziang tai. Khawlai dung ah naupangte chung leh, khanglai kipung khawmte chung ah le, sunthâk mai hita’n tin; tichun, pawsal chu a ji chu tawh mat khawm hi’n tiu in, upate leh têksete nasan mat in hung um ta’n au.

EZEKIEL 3:11

ziaphat chuleh, la chipi saltângte kiang ah chia inla, a kiang un thu vagen in. Ngai nuam in ngainuam lo leule, a kiang un: Lalpa Pathian in zia gual hin a gen hi, ti’n la vagen ding ahi, ti’n a gen a.

AMOS 3:8

Sakeibaknei kitum lau lo kua a hem um ding? Lalpa Pathian in a gen ta’n, kua a hem îm thei ding?

MIKAH 3:8

Keima ka hileh vang Jakob kiang ah a bawsiatnau, Israel kiang ah a gitlonau ka hiatsak theina dingin, Lalpa thagau ziak ah chun thilhitheinate, vaihawmnate leh hatnate ah chun ka dim zing tho hi.

KISIMNA LEKHABU 22:38

Balaam in Balak kiang ah chun, “Tu’hin la kiang ah ka hung ah; himaleh, la doigual gual ah thu gentheina ka nei ah a hem? Pathian in ka gen ding ah ka kam ah a koite bep chu ka gen ding ahi,” a tia.

KISIMNA LEKHABU 23:20

Entia, maljawl dingin thupiak ka mu’n; ama’n a maljawl tâk chu ka hei lamdang thei puai.

LUKA 1:2

a lim ah kipat amau mit ngei ah a la mute leh, zia thu nasem ah a la pangte ngei chunle ahi dan gual tak in a la zik tau a.

NASEPTE 1:22

Johan baptisma chansak hun lai ah kipat, eimau kiang ah kipat van ah lâk to ah a um tiang ah I lak ua a la pang mi pakhat chu, a thawkitna hetpi ah I pankhawmpi ding un têl hitiu,” ti in.

NASEPTE 1:8

Himaleh, Thagau Thiangtho chu la chung ua a hung tun phat leh, thilhitheina nei ta’n lau; tichun, Jerusalem, Judea gam leh Samaria gam leh kawlkil tiang ah, ka thu hiatpite hung hiding la hiu,” ti’n a dawnhu a.

NASEPTE 18:5

Sila leh Timothi chu Makedonia ah kipat a hung tun phat un, Paul chu thugen lam bep in a kipia’n, Jesu chu Messiah ahi ti Judate kiang in a hilchian sek a.

NASEPTE 2:32

Jesu chu Pathian in a kaitho ta’n, zia chu ka leng ua hin a hiatpitute ka hiu hi.

NASEPTE 2:4

A leng un Thagau Thiangtho in a hung dim tau a, Thagau in a pausak dungzui in pau dangte’n a hung pau tau ahi.

NASEPTE 22:15

la thil mute leh la hiatte chu mi tin kiang ah a thu hiatsaktu hung hi ding la hi.

NASEPTE 3:15

Hinna Siampa chu la that un, Pathian in ama chu thina ah kipat in a kaitho tai. Zia chu keimau hi a hiatpitute ka hiu hi.

NASEPTE 5:32

Chuleh, kei uh hi tawh, Pathian in a thu awite kiang ah a piak, Thagau Thiangtho chu, zia thilte hiatpite ka hiu hi,” a tiu a.