NASEPTE 3:14 - PATHIAN LEKHABU THIANGTHO (BSI)

¹⁴ Mithiangtho leh dik tak chu doi lo in, tualthat pakhat la kiang ua piak dingin la don zawu a;

NASEPTE 3:14 ပူးပေါင်းရင်းမြစ်များ

SAM 16:10

Ka thagau hi Sheol kiang ah pedok pua’n la tin, la mi ginum hile lei kawkhûk ah lutsak diak pua’n la.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

MATTHAI 27:20

Himaleh, thiampu lalte leh upate chun mipi chu a tîlsiau a, Barabba chu thâ dawsak ah, Jesu chu sukmanthai sak tei ding ah don dingin a nawu a.

MARKA 1:24

a hung kikodok a: “Nazareth Jesu, kei haw bang ei law ding la hi em? Ei sumangthai ding ah hung la hi em? Nang, Pathian Mithiangtho la hi ka henai,” ti in.

MARKA 15:11

Himaleh, thiampu lalte chun mipite chu Barabba thâdawsak dingin a tîlsiau a.

MARKA 15:7

Suangkul ngâkte lak ah midang pakhat, a min Barabba a tiu chu, helpawl ah pang, a mi tha ziak ah tâng a la um a.

LUKA 1:35

Vansawlchâk chun a kiang in, “Thagau Thiangtho la chung in hung tung intin, Chungnung pen thilhitheina chun hun liakhu intin, ziaziakchun, nau hung piang ding chule Thiangtho ti hi’n a, chuleh, Pathian Chapa ti’n au.

LUKA 23:25

Chuleh, helna leh tualtha ziak ah suangkul tâng chu a hun thâdok ah, a dot dungzui un Jesu chu a nop nop ua a bawl ding un a hun pedok tai.

JOHAN 16:10

Dikna thu’n thiamlo chang in au, Pa kiang ah chia ding ka hi’n, nang un lei mu tâk lo ding ziak un;

JOHAN 18:40

A hung kiko ua, “Zia pa hi hilo in, Barabba kha hun thâdok zaw’n,” a tiu a. Zia Barabba chu suammang ahi.

NASEPTE 13:28

Thina ding hial ah a mawna a mu zaw lo nung unle, ama chu a thalup theina ding un Pilat kiang in a don tei tei un.

NASEPTE 2:27

Ka thagau chu mithi khua’n nusia pua’n la tin, la mithiangtho chu a muatmang dingle phal diak pua’n la.

NASEPTE 22:14

Ama chun, I pu leh pateu Pathian in a lung lam he ah, midik tak chu mu ding leh a kam ah thupawt chu he ding in a hun têl a;

NASEPTE 4:27

Zia khawpi sung ah hin, ahi, Herod tawh Pontia Pilat ngei le, Jentelte leh Israel mite chu tawh, la suak thiangtho Jesu, sathau la nu’sa chu dodâl dingin a kikhawm tau a,

NASEPTE 5:28

“Zia min ah hin thu gen lo dingin thu khau tak ka hun pia tau in; himaleh, la thuhil uh hin Jerusalem sung la sudim tau ah, zia pa thisan maw chu ka chung ua but gua ham ham la hiu maw!” a ti’n.

NASEPTE 7:52

La suanpateu in a la sukgenthei lo uh jawlnei a um kha em? Mi Dik tak hungna ding a la genlawkte chu a la that un; tu’hin nanghaw hi a matsakte leh a thatte la hung hitau hi.

2 KORINTH 5:21

Ama ah chun Pathian dikna I hi’theina ding un, gitlo him him helo chu Pathian in ei uh ziak in gilo in a siam tai.

JAKOB 5:6

Midik chu thiamlo chansak in, la that un; ama’n la a hun do pua’n.

1 PETER 3:18

Pathian kiang ah ei pui theina dingin, Khrista chun gitlo ziakin kumtuang dai dingin a thuak ta’n; midik chun midik lo thasâng in a thuak ahi. Taksa ah thalup in a um ta’n, thagau ah suk-hin in a um tai.

1 JOHAN 2:1

Ka chate haw, thil la hi’khial lona ding un zia thilte hi ka hun zik ahi. Ahi’n la, kua’n le thil a hi’khial chun, Pa kiang ah ei gen piak ding Jesu Khrista midik chu I nei ui.

THUPUAN 3:7

Philadelphia khua kochuam vansawlchâk kiang ah chun, zia gual hin zik in: Zia thute hi mithiangtho leh midik, David chabi nei, kuama khâk theilo ding ah hong leh, kuama hon theilo ding ah khâk khan a gen hi: