NASEPTE 3:13 - PATHIAN LEKHABU THIANGTHO (BSI)

¹³ Abraham, Isak leh Jakob Pathian, I pu leh pateu Pathian chun a suak Jesu chu a choisa’n ahi tai; ama chu la la pedok un, Pilat in thâdaw a guat lai ah khan a ma-âng in la la kihiatlosak tau a.

NASEPTE 3:13 ပူးပေါင်းရင်းမြစ်များ

PAWTDAWNA THU 3:13

Himaleh, Mosi chun Pathian kiang in, “Israel mipite kiang ah ka vatun ah, a kiang un, ‘La pu, la pateu Pathian in la kiang ua ei sawl ka hi,’ ti leng, amau in, ‘A min chu bang a hem?’ ti’n ei la dong taleu, a kiang un bang ka gen ta diam?” a tia.

PAWTDAWNA THU 3:15

Pathian in Mosi kiang in: “Israel mipite kiang in zia gual hin gen in: JEHOVAH la pu, la pateu Abraham Pathian, Isak Pathian leh Jakob Pathian chun la kiang un ei sawl ka hi. Zia hi kumtuang ah ka min chu ahi’n; zia gual ah hin khang zosia tiang ah hetzing ah um ding ka hi.

PAWTDAWNA THU 3:6

Ama chun a gen zom pek ah, “Keima hi la pa Abraham Pathian, Isak Pathian leh Jakob Pathian chu ka hi,” a tia. Mosi’n Pathian a et ngam lo ziakin a mai chu a sêl tai.

MATTHAI 11:27

Tu’hin, ka Pa chun thil bangkim ei kolsak hi. Pa longal in kuama’n Chapa hi a hepuau in: Chapa tilo ngal kuama’n Pa chu a he diak puau hi. Ziaziakchun, chapa’n a taklatnate bep in Pa chu a hiau hi.

MATTHAI 20:19

Chuleh, nuisan ding leh jep ding leh kros ah khetden dingin, Jentelte khut in pia’n tiu in; himaleh, a ni thum ni leh tho kit ding ahi, a tia.

MATTHAI 22:32

“Keima hi Abraham Pathian, Isak Pathian leh Jakob Pathian chu ka hi. Pathian chu mithi Pathian a hipua’n, a hingte Pathian a hizawi, ti thu kha,” a tia.

MATTHAI 27:2

Ama chu kân sa’n a pui ua, gam ukpa Pilat kiang in a pedok tau ahi.

MATTHAI 28:18

Jesu a hung ah, a kiang un, “Lei chung leh van ah thuneina zosia ka kiang ah piak ahi tai;

MARKA 15:11

Himaleh, thiampu lalte chun mipite chu Barabba thâdawsak dingin a tîlsiau a.

LUKA 22:57

Himaleh, ama chu a kilep a, “Numei, ama chu ka hekha puai,” a hun tia.

LUKA 23:4

Ziaphatchun, Pilat in thiampulalte leh mipite kiang ah chun, “Zia pa chung ah hin a dik lona bangma ka mu puai,” ti’n a gen a.

LUKA 6:37

Mi gensia kiu in, tichun, gensiat in um pua’n lau; mi thiamlo chansak kiu in; tichun, thiamlo chang pua’n lau; ngaidam un, tichun ngaidam in um in lau.

JOHAN 12:16

Zia thute chu a lim in a nungzuite’n a la hethiam puau ah; himaleh, Jesu chohoi ah a hung um phatin, a chung thu a la kizik ahi dan leh, ziaziak ah chu hung tung ahi dante le a hun hechian tau hi.

JOHAN 18:40

A hung kiko ua, “Zia pa hi hilo in, Barabba kha hun thâdok zaw’n,” a tiu a. Zia Barabba chu suammang ahi.

JOHAN 19:11

Jesu’n a dawnhu, “Chunglam ah kipat piak la hilo leh ka chung thu hin bangma thu nei thei pua’n la; ziaziakchun, la khut ah ei pedokpa chun gitlona a nei lian zawi,” a tia.

JOHAN 19:12

Zia kipat chun Pilat in ama a thâdaw theina ding lampi a ngaitua ah; himaleh, Judate chu a hung kiko ua, “Zia pa hi la thâdaw him him chun Kaisar gualpa hilo ding la hi. Leng ah kisiam taphot chu Kaisar dodâl ahi,” a hun tiu a.

JOHAN 19:15

Amau haw chu a hung kiko ua, “Hi’mangthai in! Hi’mangthai in! Kros ah khenden in!” a hun tiu a. Pilat chun a kiang un, “La Lengpau hi kros ah khenden ziang ding ka hem?” a ti kit a. Thiampu lalte chun, “Kaisar longal leng dang ka nei puau hi,” a tiu a.

JOHAN 7:39

Zia a gen chu, ama ging tapo in Thagau a nei ding dan uh a genna ahi; zia lai ah chun Thagau Thiangtho piak ahi naipua’n, Jesu le choisa’n in a um nai puai.

NASEPTE 22:14

Ama chun, I pu leh pateu Pathian in a lung lam he ah, midik tak chu mu ding leh a kam ah thupawt chu he ding in a hun têl a;

NASEPTE 24:14

Ahi’n, tu’hin, zia hi la kiang in ka puang ahi: Dan leh Jawlneite lekhabu ah kizikte kha ka gin ziakin, I pu leh pateu biak Pathian chu bia’n, amau in a diklo ah a ngai uh, zia Lampi hi ka zui ahi.

NASEPTE 3:12

Peter in zia chu a mu phât in, mipite kiang ah chun thu a hun gen ah, nanghaw, Israel mite haw, bangatia zia hi lamdang sa leh keimau thilhitheina a hem, thianthona ziak a hem ah lam ka zawtsak gual ua chuti etnop ziang la hiu em?

NASEPTE 3:26

Pathian in a suak chu a tundaw lai in, la bawsiatnateu la hun haisan ua, a hun maljawl kit theina dingin, nanghaw kiang in a hun sawl masa ahi, ti’n a gen a.

NASEPTE 4:27

Zia khawpi sung ah hin, ahi, Herod tawh Pontia Pilat ngei le, Jentelte leh Israel mite chu tawh, la suak thiangtho Jesu, sathau la nu’sa chu dodâl dingin a kikhawm tau a,

NASEPTE 4:30

mite hi’dam dingin la khut jakdok inla; la suak thiangtho Jesu min ziakin, tepte’nate leh thilmakte bawldawsak in,” a tiu a.

NASEPTE 7:32

“Keima hi la suanpateu Pathian, Abraham Pathian, Isak Pathian leh Jakob Pathian chu ka hi,” a hun tia. Mosi chu a kithing ah, a en ngam ta puai.

ROMTE 9:5

pu leh pate kha le amau â a hiu ah, taksa lam thu ah Khrista le amau lak ah kipat hung pawt ahi’n; ama chu thil zosia chung ah um ahi, kumtuang ah pâk tâk Pathian ahi, Amen.

HEBRAITE 2:9

himaleh, Jesu chu vansawlchâkte sâng ah niam zaw koi ah um tadi chu, Pathian hepina ah mitin â ding ah thina chu a tepna dingin, thina chu a hung thuak ah, choihoina leh za umna hung chang ta chu I la mu tau hi.

THUPUAN 1:18

Kei chu khatvei thisa, himaleh, hing kit ta chu ka hi; ngaitia, kumtuang â ding ah hing zing chu ka hi tai, thina leh mithi khua chabi chu ka nei tai.

THUPUAN 1:5

Jesu Khrista, hiatpitu ginum leh, mithite lak ah suakdok masa pen leh, lei ah lalte vaihawm piak ding pa ah kipat chun, hepina leh chamna la chung un um ta hen.