NASEPTE 3:1 - PATHIAN LEKHABU THIANGTHO (BSI)

¹ Ni khat Peter leh Johan chu pauchap hun; zia chu nitâk lam dak thum ahi’n, tempul ah a chia to un.

NASEPTE 3:1 ပူးပေါင်းရင်းမြစ်များ

1 LENGTE 18:36

Kithoina chi khat lat hun ah chun jawlnei Elijah in a hun nai ah, “Aw Lalpa, Abraham, Isak leh Jakob Pathian, nangma hi Israel ah Pathian la hi’n, kei hi la suak ka hi ti leh, lei sawl ah zia thilte hi ka bawl ahi ti tu’ni hin hun tâklang in.

SAM 55:17

Nitâk hileh, jingkal hileh, sun inle ka lungjinna thu gen in, pauchap ing ka tin; tichun, ama’n ka aw ngaitha’n a.

PAWTDAWNA THU 29:39

Belamno khat chu jingkal lam in lân in la tin, belamno khat chu nitâk lam in la hun lân ding uh ahi;

DANIAL 6:10

Lekha kizik chu lengpa’n lem a sakpi’na’n a min a zik tai ti Danial in he maleh, a In ah chia to kit in, a Insawng chung lam ah tukvan Jerusalem lam nga’ hong in, a bawl ngai gual in, ni khat ah thumvei khiangkho ah Pathian kiang ah pauchap in, a min chu a pâk zing sek a.

DANIAL 9:21

ka pauchapna thu ka gen zing lai in, nitâk lam kithoi hun in, mu’lawkna ka la musa, mi pakhat Gabriel chu, kin tak ah hung leng in ka kiang a hung tung ta’n.

KISIMNA LEKHABU 28:4

Belamno khat chu jingkal si’n ah lân in; belamno khat zawk chu nitâk thimbut si’n ah la hun lat zing ding uh ahi’n;

MATTHAI 17:1

Ni guk zaw in, Peter, Jakob leh a suapi Johan chu, Jesu’n a chuam in tângsâng tak khat in a pui to a.

MATTHAI 26:37

Ahi’n, Peter leh Zebedai chapa panite chu a pui ah, hung lungngai in a lunggim ma ma a.

MATTHAI 27:45

Sûn kim ah kipat sunnung dak thum chan in gam pumpi a thim suak tai.

LUKA 1:10

A gimtui hâl sung ah chun mipi zosia In mai ah pauchap in a la um un.

LUKA 18:10

“Mi pani Tempul ah pauchap dingin a chiau in; pakhat chu Pharisai ahi’n, pakhat chu sedawl mi ahi.

LUKA 22:8

Peter leh Johan chu a sawl ah, “Vachiau inla, Chiakân Kût an I nêkna ding uh a la guanggal masau in,” a tia.

LUKA 24:53

tichun, tempul ah chun Pathian pâk leh chawihoi in a um zing tau hi.

JOHAN 21:7

Nungzuite lak ah Jesu’n a hepi khan, Peter kiang in, “Lalpa ei vei!” a vak tia. Simon Peter chun Lalpa ahi ti a het phat in, a puanâk a âk ah, ama chu a ngawnchang ah um ahi’n, tui lak ah chun a chawmtha tai.

NASEPTE 10:3

Ni khat chu nitâk lam dak thum ding vêl ah hin, Pathian vansawlchâk pakhat a kiang in a hung kilâk ah, “Kornelia,” ti’n a hun ko a.

NASEPTE 10:30

Kornelia chun a dawnhu a, “Ni li a hita’n, tu’ phat vel ah hin ka In ah nitâk dak thum ah ka pauchap lai tak in, mi pakhat puan vâm tak sil in ka ma-âng in a hung ding a.

NASEPTE 2:46

Nisi’n in tempul ah hun a mat khawm sek ziak un, a In un vaithum a phel sek ua, a anteu chu lungthim kipak leh huangphal tak in a ne sek ui.

NASEPTE 3:3

Ama chun, Peter leh Johan tempul ah chia chu a mu phât in, a kiang un khut a la daw a.

NASEPTE 3:4

Peter leh Johan chun ama chu a en zing un, a kiang in, “Kei uh ei hun en in,” a tiu a.

NASEPTE 4:13

Peter leh Johan hânsan dan chu a muu in, amau la lekha helo a hiu ti a het phat un, lamdang a sa ma mau a; Jesu tawh kithua sek ahi ngei ui ti a he tau a.

NASEPTE 5:25

Chun, mi pakhat a hung lut ah a kiang un, “En tiam un, suangkul ah la khumteu kha tempul ah ding in mipite thu a hil ui,” a hung ti’n.

NASEPTE 8:14

Jerusalem khua um sawlchâkte chun, Samaria gam ah mite chunle Pathian thu a hun awi tau hi ti a hun het phat un, a kiang un Peter leh Johan a hun sawl tau a.

GALATIA 2:9

Tichun, hepina kei kiang ah piak ah um chu a mu phât un, Jakob, Kipha, Johan leh Inkhuampi ah a ngaiteu chun, kei uh Jentelte kiang ah chia ding leh, amau chu zektante kiang ah chia dingin, kei leh Barnaba chu kipawl theina khut changlam ei pia tau a.