NASEPTE 27:41 - PATHIAN LEKHABU THIANGTHO (BSI)

⁴¹ Ahiziakin, tuizangkhau pani kisuktuana’n ka lût khau ah, Long chun lei a suta’n; Long lulam chu a tâng ta; khoilîng but lo in a um tai, a mei lam chu tui kinawk a nasat ziakin a kêk ta’n.

NASEPTE 27:41 ပူးပေါင်းရင်းမြစ်များ

1 LENGTE 22:48

Jehoshaphat in Ophir ah chia ah sana vapua dingin Tarshish longlian chi gual a bawl a; himaleh, long liante chu Ezion-geber ah a siat tak ziak un a chia ta puau hi.

2 KHANGTHU 20:37

Ziaphatchun, Maresha khua Dodavalu chapa Eliezer chun Jehoshaphat chung ah thil hung tung ding haw chu zia gual hin a gen tai: “Ahazia tawh la kithua ziak un, Lalpa‘n la thilbawlteu chu hun susia ding ahi,” a ti tai. Tichun, a long siamdawteu chu a sia sik sek ah, Tarshish lam in a chia thei ta puai.

EZEKIEL 27:26

La longpute’n tuisuagiat ah a hun tawl lut ui. Tuisuagiat lailung ah sualam huipi’n a hun mûtsia tai.

EZEKIEL 27:34

Tu’n vang tuisuagiat lilai ah, tuili thûkna mun ah hisiat in la um tai; la kiveina van zosia tawh la long mite zosia pum in, la tum khawm tau hi.

NASEPTE 27:17

Zia chu a kaidaw phat un panpina khaute a mang tau a; Long nuai lam chu a kân kîmvêl ua, Sirtis piaunêl lak ah kitawl lut kha’n ah ti’n, puanjak khainate chule a lathau a; tichun ei mawk taw taw ziang tai.

NASEPTE 27:30

Longpute chun Long lu lam ah, a tuktânna khia ding gual ah thep ah, kuangneu chu tuisuagiat ah khiak ah, taisan a guat phat un,

NASEPTE 27:40

Tichun, Long tûktânna chu âttan in tuisuagiat in a nusia tau a. Zia chu tawh kuang japna kânna chu a phel ua, a ma lam puanjak chu hui mut thei dingin a khai to un, se’pho lam chu a zuan tau a.

NASEPTE 27:42

Sepaite chun suangkul ngâkte chu tui zap kâi in tai mang kha’n au ti a lau ziak un tha a gaw tau a;

1 KORINTH 15:58

Ziaziakchun, ka doitakte haw, suklîng zaw lo ding ah det tak in um unla, Lalpa nasepna chun theitawp sua zing un; la sepgimnau chu Lalpa ah chun a thawn puai, ti la he ngal un.