NASEPTE 21:3 - PATHIAN LEKHABU THIANGTHO (BSI)

³ Kupra ka gâl mu phat un a veilam pang in ka kihei un, Suria lam zuan in ka kitawl un, Tura ka gâl kâi tau hi; zia tak ah chun Long ah van khenkhat suadok ding a um a.

NASEPTE 21:3 ပူးပေါင်းရင်းမြစ်များ

2 SAMUEL 8:6

Ziaphatchun, David in Damaska khua’ Aramte chu sepai a koikhum ta’n; tichun, Aramte chu David suak in a pang tau ah, sia a choisak tai. David chu a chiana lam lam in Lalpa‘n zaw’na a pejel hi.

SAM 45:12

Tura mite’n la doisakna hawl in, thilpiak chawi in hung intiu in; nam tinte go thil zosia tawh, hausakna chitin hun choi piak in au.

SAM 87:4

Keima ei hekhate lak in Rahab tawh, Babulon pansak ing ka tin; Philistia leh Tura tawh, Ethiopiale pansak ing ka tin, “Zia pa hi zia lai ah kha piang ahi,” a tiu a.

ISAI 7:2

Suria tawh Ephraimte a pang khawm ui ti David In sung mite’n a het phat un, Ahaz lungchang leh a mipite lungchang chu, hui in gamlak thing a mûtlîng gual in a kilîng tau a.

MATTHAI 11:21

Korazin, la chung a gik hi! Bethsaida, la chung a gik hi! Nangmau mit mu ah thilmak kibawlte kha, Tura leh Sidon khua’ kibawl hita ma leh, ma tak ah khan saidip puan sil in, vut lak ah kichu’n a gitlo uh haisan ta’n au.

MATTHAI 4:24

Suria gam zosia’n a chanchin a thang suak ta’n; tichun, damlo zosia, hivei nei leh natna tincheng thuakte, thithabuak matte, hipût neite leh zengte haw chu a kiang in a hun pui ua; a la hi’dam suak tai.

LUKA 10:13

Korazin, la chung a gik hi! Bethsaida, la chung a gik hi! La sung ah thil lopi tak kibawlte hi Tura leh Sidon ah a la kibawl hileh vang, saidip puan kisil in, vut kibuak khum in a gitlonateu a la haisan zo ta ma ma in au!

LUKA 2:2

Zia chu Suria gam ah Kurinias gam uk ah a pan lai ah min zikna masa pen chu ahi.

NASEPTE 11:19

Stephen a se’lup lai leh sukgentheina a nasat lai ah khan, a lak ua khenkhatte chu Phoinikia leh Kupra gam lam leh Antiok lam tiang in a la tai tung un, thu chu Judate kiang tilo ngal midang kiang in a gen puau hi.

NASEPTE 12:20

Zia hun lai ah chun, Tura leh Sidon mite chung in Herod chu a lungna ma ma a. Tichun, kithutuak tak in a kiang in a hung un; Blasta, lal In ah vaihawm pakhat chu a hun ho lungdam masau ah, kichamna thu a hung gen tau ah; amau chu zia lal gam neipa gam ah kipat chu nêk leh châk hung la sek ahi ngal un.

NASEPTE 13:4

Tichun, Thagau Thiangtho in a sawldaw dungzui in Seleukia khua lam zuan in a kipandok un, zia kipat chun Kupra tuikual gam lam ah long in a kitawl kâi un,

NASEPTE 15:23

Zia gual hin lekhathot a zik tau a: “Keihaw, sawlchakte, upate leh unau umkhawmte hin, Antiok leh Suria leh Kilikia ah unau Jentelte chibai ka bûk ui.

NASEPTE 15:39

A kinial nasat ma ma ziak un, a kikhen tau a; Barnaba in Marka chu pui in Kupra thialkâl lam ah Long in a chia tau a.

NASEPTE 15:41

Kochuamte chu hi’det malam pek in, Suria gam leh Kilikia gam chu a chuan suak tau hi.

NASEPTE 18:18

Zia nung ah chunle Paul chu ni tam tak a um nalai ah, ziazaw ah chun unaute kiang in kithâkna thu a gen a, Suria lam in a kitawl kâi a, zia lam chun Priskila leh Akuila tawh a kiton ua. Kitepna khat a nei ziakin Kenkria ah chun a sam a mêt a.

NASEPTE 21:16

Kaisaria khua nungzui khen khat inle ei zui to ua, ka tunna dingpau, nungzui masa a la hita, Manason kiti Kupra mi kiang chun ei hung pui un, zia tak ah chun ka tung den tau hi.

NASEPTE 21:2

Zia tak ah chun Phoinikia lam zuan ding Long pakhat ka mu ngal ua, ka chuang ua, ka kipan kit tau a.

NASEPTE 21:7

Tura ah kipat chun Ptolemai ka tung tau a; unaute tawh chibai ka kibuk un, a kiang un ni khat ka châm tau hi.

NASEPTE 27:4

Zia tak ah kipat ka kitawldaw kit phat un, thigua a hât ziakin Kupra tuikual gam nuai lam in ka kitawl ua.

NASEPTE 4:36

Levi mi pakhat, Kupra mi, Joseph kiti a um in, ama chu apostolte’n Barnaba (zia chu, Thamuanna chapa, ti’na ahi,) a tiu a.

VAIHAWMTE 10:6

Israelte chun Lalpa doi lo gual tak in thil a bawlkhial kit tau a. Aram mite pathian Baal leh Astartes, chuleh Sidonte pathiante, Moabte pathiante, Ammonte pathiante leh Philistinte pathian haw chu a hosan tau a.