NASEPTE 2:23 - PATHIAN LEKHABU THIANGTHO (BSI)

²³ zia pa ngei, Pathian in a gêl zawsa leh a hetlawkna dungzui ah la khut ua piakdaw ah um chu nanghaw’n dan pawlam ah umte khut in kros ah khenden in, la that tau a.

NASEPTE 2:23 ပူးပေါင်းရင်းမြစ်များ

THILSIAM THU 50:20

Nang un ka chung ah lungthim phalo pu’n ei la bawlsia maleu chinle, Pathian in tu’ni gual ah hin mi tam tak hukhinna dingin, lungthim pha a la nei zaw ahi.

SAM 76:10

La lungnatna la kitûk tânsak phat leh, mihingte lungnatna chun hun chawisâng in au.

ISAI 37:26

Malai pek ah kha ka la guanggalsa ahi tai ti, henai lo la hi em? Kulpi det nei khawpite chu, suang kisia khawm gual ah ka hun bawlsak hi, tuan ah tâng ah ka la guanggal sa, tu’hun ah ka guitunsak ahi.

DANIAL 4:35

lei chung ah chêng zosia hi bangmalo mai a hiu in, van ah um zosia chung leh lei ah chêng zosiate chung hin, ama’n a nop dan dan ah a bawl mai ahi. Kuama’n a khut chu a tutâng thei pua’n, a kiang inle, Bang ding ah la chuti bawl a hem? tithei le a um puau hi, ti in.

MATTHAI 20:19

Chuleh, nuisan ding leh jep ding leh kros ah khetden dingin, Jentelte khut in pia’n tiu in; himaleh, a ni thum ni leh tho kit ding ahi, a tia.

MATTHAI 26:24

Mihing Chapa hi a chung thu kizik gual gual ah um ding him ahi; himaleh, Mihing Chapa matsak dingpa chung hi a gik hi! A la piang lo hileh ama â dingin pha zaw’n a,” a tia.

MATTHAI 27:35

A khetden zaw phat un, a puante chu âisân in a kihawm un;

MARKA 15:24

Ama a khetden phat un, a puante chu a chan ding uh hetna dingin âisân in, a kihawm un.

LUKA 22:22

Mihing Chapa hi guat ah a um dungzui in um ngei ding chu a hi; ei matsak ding pa chu vang a chung a gik hi!” a tia.

LUKA 22:37

Ka hil la hiu, ka chungchâng thu ah kizik: Ama chu migilote lak ah simkhawm ahi, ti thu kha; zia gual ah ka chung thu ah kigente kha guitung kim ding ahi tai,” a tia.

LUKA 23:33

Lugu Mun a tiu chu a tun phat un, zia tak ah chun Jesu chu migilo tualthat pani, a changlam ah pakhat, a veilam ah pakhat chu tawh kros in a khenden tau hi.

LUKA 24:20

thiampu lalte leh ka vaihawmteu in thi dingin thiamlo chansak ah, a khetden tâk uh chu.

JOHAN 19:18

Zia tak ah chun a khenden ua, a kiang in mi pani, a sîk langkhat ah pakhat gêl, a lai tak un Jesu a khenden tau hi.

JOHAN 19:24

A kiho ua, “Zia hi vang bawsiat dâ hitiu in, a chang ding âisân thaw hitiu,” a tiu a. Pathian lekha thu a: “Ka puante chu a kihawm un, ka puanâk chual chang ding âi a sân ui,” ti thu kha a guitunna ding ahi.

NASEPTE 13:27

Himaleh, Jerusalem ah umte leh a vaihawmteu chun a la hepuau ah, jawlneite thugen sabbath ni si’n ah a sim sek uh chule a hechian diak puau ah, ama chu thiamlo chansak in, a guitunsaktu’n a pang zaw tau hi.

NASEPTE 15:18

zia zosia chu khawvel siam lim ah kipat, Pathian in a la hiatsak ahi tai,’ ti’n a la gen hi.

NASEPTE 2:36

“Israel Insung ah mi zosia’n zia hi he tau hen: Zia Jesu ngei, la khetden uh kha, Pathian in ama chu Lalpa leh Messiah in a siam tai,” ti in.

NASEPTE 3:18

Himaleh, Khrista chun zia thilte chu thuak ngei ding ahi, ti Pathian chun a jawlneite zosia mang in a la hillawk ah, zia gual tak ah chun a guitung ta ahi.

NASEPTE 4:28

la khut leh la lemguatna ah la guatlawk taphot chu, hung guitun sak ding in.

NASEPTE 5:28

“Zia min ah hin thu gen lo dingin thu khau tak ka hun pia tau in; himaleh, la thuhil uh hin Jerusalem sung la sudim tau ah, zia pa thisan maw chu ka chung ua but gua ham ham la hiu maw!” a ti’n.

NASEPTE 5:30

Jesu, thinglêk ah la khaikâng ua la thau kha, I pu leh pateu Pathian in a kaitho tai.

NASEPTE 7:52

La suanpateu in a la sukgenthei lo uh jawlnei a um kha em? Mi Dik tak hungna ding a la genlawkte chu a la that un; tu’hin nanghaw hi a matsakte leh a thatte la hung hitau hi.

ROMTE 2:12

Dan pang lo ah gitlona bawlte chu dan pang lo ma’n mangthai in tiu in; chuleh, dan nuai ah gitlona bawlte chu dan dungzui ah vaihawm piak hiding a hiu.

ROMTE 4:17

Pathian lekha thu ah, “Nam tam takte pa hiding in ka hun siam tai,” a ti gual ah khan; a gin Pathian chun mithi a kaithaw ma pek a khanle, thil umlo te chu a um gual in a la gen thei ta ahi.

1 THESSALONITE 2:15

amau chun Lalpa Jesu leh jawlneite kha a that ua, keihawle ei deldok ua, Pathian ahi’lungdam puau ah, mi zosia a dodâl sek ui,

1 PETER 1:2

thu mang ding leh, Jesu Khrista thisan thêkhum ding ah Thagau in a sukthian, Pa Pathian hetlawk gual ah têlte kiang ah, la chung un hepina leh chamna um ta hen.

1 PETER 1:20

Ama chu leilung siam masang ah guatlawk hisa, hun nunung lam ah nang uh ziak ah hilat ahi tai.

1 PETER 2:8

Chuleh, “Zia suang chu a kipalnau leh, a kipûknau suangpi a hung suak tai”. Thu chu a matlo ziak un, a kipalpâi tau hi; zia gual ding mawng ah chu guat a la hi tangal a.

JUDA 1:4

Mi kuate a hem a gûk in la lak un a hung lut un, amau chu malai ah kipat thiamlo chang ding ah guatsa, Pathian ngaisak lo mi, I Pathian uh hepina chu hûkna chansakte leh I Hotuu leh I Lalpau, Jesu Khrista kihiatlosakte a hiu hi.

THUPUAN 13:8

Khawvel siamtil ah kipat tha’sa, Belamno hinna Lekhabu min kikhum lo tapo leh, lei chung ah um zosia chunle ama chu hun be ta’n au.