NASEPTE 2:22 - PATHIAN LEKHABU THIANGTHO (BSI)

²² Nanghaw Israel mite haw, ka thugen hi a la ngai un: Nazareth Jesu, Pathian in a hetpi ngei kha, ama mang in Pathian in la lak un thil lopi takte, thilmakte leh tepte’nate a bawl ah, zia chu nangmau ngei inle la hiatsau ahi’n,

NASEPTE 2:22 ပူးပေါင်းရင်းမြစ်များ

ISAI 41:14

Nang, tangtêl tawhbang bep Jakob, nang, ganhing tawhbang bep Israel, lau him him kiu in! Hun panpi ding ka hi, Lalpa‘n a tii. Nang uh Tandokpa chu Israel Mithiangtho chu ahi.

MATTHAI 12:28

Ahi’n, Pathian Thagau ziak ah thithate nawdok ka hi’ziak in, Pathian Lal gam chu la chung un a hung tung ta ahi.

MATTHAI 2:23

Chun, khua pakhat Nazareth a tiu ah chun a chêng tai: “Ama chu Nazareth mi ti’n au,” ti ah jawlneite kam ah kigen kha a guitunna dingin.

MATTHAI 9:8

Mipite chun zia thil chu a mu phât un, lamdang a sau ah, mihingte kiang ah zia gual thuneina pepa Pathian chu a chawihoi tau hi.

LUKA 11:20

Himaleh, Pathian khut ziak ah thithate nawdok ka hi chun, Pathian gam la kiang un a hung tung tai.

LUKA 18:37

Amau chun, “Nazareth Jesu chia ahi,” ti’n a hil un.

LUKA 24:18

Kleopas a tiu chun a hun dawnhu a, “Jerusalem ah nang ngen ah um la hia hem tu’lai tak ah thil umdan la het lo ziang chu?” a hun tia.

JOHAN 1:45

Philip chun Nathanael a hawldok ah, a kiang in, “Mosi Dan Lekhabu leh Jawlneite Lekhabu a la kizik, ‘Joseph chapa, Nazareth Jesu’ kiti kha kei un ka mu tau hi,” a vatia.

JOHAN 10:37

Ka Pa nasep ka sep lo chun ei taksang kiu in.

JOHAN 11:47

Ziaphatchun, thiampu lalte leh Pharisaite chun vai a hawm khawm un, “Zia pa hin thilmak tak tak a hi’ta’n, bang law ding I hitau em?

JOHAN 12:17

Ziaphatchun, Lazar a kaithaw lai ah mipi a kiang ah a la umte khan, thân kiang ah a thil hiatteu kha a hilsawn tau a.

JOHAN 15:24

Midang in thil a la hi khâk ngailote a lak ua hi’lo hileng chu, gitlona nei hipua’n au; tun ahileh vang chu, kei leh ka Pa chu ei mu tau in, huat le ei haw tau hi.

JOHAN 19:19

Pilat chun lekha khat a zik ah, kros chung in a tâk ah, zia lekha kizik chu, “Nazareth Jesu, Judate Lengpa,” ti ahi.

JOHAN 3:2

Ama chu jan ah Jesu kiang in a hung ah, “Rabbi, nang hi Pathian ah kipat zilsakpa ding ah hung la hi ti ka hiau a; kuale ama ah Pathian umnate longal chun, zia la thilmak bawlte gual hi bawl thei pua’n au,” a hung tia.

JOHAN 4:48

Jesu chun a kiang in, “Tepte’na leh thilmakte la mulo ua leh, ei gingcha tak tak lo ding la hiu,” a tia.

JOHAN 5:36

Himaleh, Johan sâng ah hiatsakpa lopi zaw ka nei hi. Zia chu, Pa’n ka sep zaw ding ah ei piakte ka sep zaw hin, zia nasep ngei chun, Pa ei sawl ka hi’dan kichian tak in a hiatsak ahi.

JOHAN 6:14

A thilmak bawl chu a musak phatin, amau haw chun, “Jawlnei khawvel ah hung dingpa chu ama ngei hi a hita hi,” a ti tau hi.

JOHAN 6:27

an mangthai ding hawl in sêmgim kiu inla, Mihing chapa’n a hun piak ding, kumtuang ah um zing ding an chu hawl in sêmgim zawu in. Zia ding ah chun Pathian in ama chu a tepte’ tangal a,” a tia.

JOHAN 7:31

Tichun, mi tam tak in ama chu a hun gingcha tau a, Messiah chu a hung tak leh le zia pa thilmak bawl sâng ah tam zaw hi bawl diak ding a hem? a tiu a.

JOHAN 9:33

Zia mi hi Pathian ah kipat mi hiloleh vang, bangma hi’theilo ding a hi,” a tia.

NASEPTE 13:16

Tichun, Paul chu a dingdok ah, a khut in a hun jap ah, a kiang un: Nanghaw, Israelte leh midang, Pathian kichate haw a la ngai tiam un.

NASEPTE 14:27

A hung tun phat un kochuamte chu a hun ko khawm ua, amau mang ah Pathian in na a sep zosia chu a gensawn ua, Jentelte kiang ah le ginna kot a kihon tâk dante a gen tau a.

NASEPTE 2:19

Chung lam van ah chun thilmakte leh, nuai lam lei ah teptênate mu sak ing ka tin, thisan tawh, mei tawh, meikhute tawh.

NASEPTE 2:43

Sawlchâkte mang ah thilmak leh tepte’na tam tak bawl ah a um ziakin mitin chu launa’n a dim tau a.

NASEPTE 21:28

a kiko ua, “Israel mite haw, ei panpiu in! Zia pa hin muntin ah I mipiteu, I danteu leh zia mun nangawn hile kãl ah thu gen sek chu ahi. Zia lo chunle, tempul sung ah hin Grik mite hung pui lût in, zia mun thiangtho hi a hi’buak ta ahi,” a tiu a.

NASEPTE 22:8

Keima’n, Lalpa, kua la hem? ti’n ka dong a. Ama chun, Nazareth Jesu, la sukgenthei hi ka hi, ei hun tia.

NASEPTE 24:5

Zia pa hi mi subuai leh lau um tak ahi’n, khawvel pumpi Judate lak ah buaina bawldok vet sek, Nazareth pawl ah a mapui pen a hi ti kichian tak in ka he tau hi.

NASEPTE 26:26

Lengpa chun, zia thute chu a het ziak ah ipnei lo hial ah ka gen ahi; zia thilte hi dâikilkâl ah thil um ahi pua’n, ziaziakchun, a gûk thim ah mi thuzaw ah um ah, zia tawhbang thute hi gen le ka hi pawngal in.

NASEPTE 26:9

Keima’nle Nazareth Jesu min kãl lam thil tampi bawl le ka la gua hen.

NASEPTE 3:12

Peter in zia chu a mu phât in, mipite kiang ah chun thu a hun gen ah, nanghaw, Israel mite haw, bangatia zia hi lamdang sa leh keimau thilhitheina a hem, thianthona ziak a hem ah lam ka zawtsak gual ua chuti etnop ziang la hiu em?

NASEPTE 3:6

Himaleh, Peter chun a kiang in, “Dangka leh sana ka nei puai; ahi’n la, ka neisun hun pia’ng ka: Nazareth Jesu Khrista min in dingdok in la, lam zawt ta’n,” a ti’n.

NASEPTE 4:10

la leng un, Israel mi zosia’n a la he tau in: Zia pa hi damna tawh la ma-âng ua a din thei hi; Nazareth Jesu Khrista, la khetden uh, Pathian in thina kipat a kaithawpa min ziak chu ahi.

NASEPTE 5:35

Chuleh, a kiang un, “Israel ka chanpite haw, zia mite chung ah la thilhi guat uh hi pilvâng tak in gêl tau in.

NASEPTE 6:14

Nazareth Jesu’n zia mun hi hun susia’n tin, Mosi ei piak chawndante le hun sudanglam ding ahi, a ti ka hiau hi,” a tiu a.

2 KORINTH 12:12

Sawlchâk hi’na teptênate chu: sekdona, teptênate, thilmakte leh thilhitheinate haw hin la lak un a kibawl tak tak ahi kha.

HEBRAITE 2:4

Pathian in tepte’na leh thilmak chi chuam chuam leh, ama’n pha a sak dungzui ah Thagau Thiangtho thilpiakte chu a piakbe nalai a.