NASEPTE 17:1 - PATHIAN LEKHABU THIANGTHO (BSI)

¹ Amphipoli leh Apolonia khua haw malam ah chia pek in, Thessalonika khua a tung ua; zia chun Judate sunagog khat a um a.

NASEPTE 17:1 ပူးပေါင်းရင်းမြစ်များ

NASEPTE 14:1

Ikoniam ah Judate Sunagog ah chun Paul leh Barnaba a lut ua, thu a gen ua leh, Judate leh Grikte lak ah tam tak inle a ging tau a.

NASEPTE 15:21

Mosi Dan thu hi nidang lai ah kipat, khawtin ah sabbath nisi’n leh sunagog tin ah a la kisim sek ahi tangal in,” a hun tia.

NASEPTE 16:13

Sabbath ni chun, khawpi pâm lui pang ah ka vapawtdok ua, pauchapna mun ding ah lemchâng tak hi’n ka hiau ah; tichun, ka kichukhawm ua, zia vêl ah numei umte kiang ah chun thu ka gen tau a.

NASEPTE 17:10

Unaute chun Paul leh Sila chu a jan a jan in Beroea lam ah a sawl tau ah; zia tak chu a tun phat un Judate sunagog in a lut ngal tau a.

NASEPTE 17:11

Zia ah Juda mite chu Thessalonika mite sâng in a lungthim uh a kihong zaw’n, thu chu thanuam tak in a lop un, a thugenteu chu a dik leh diklo hetna dingin, nisi’n Pathian lekha thu’n a sui sek un.

NASEPTE 17:13

Himaleh, Thessalonika khua Judate lawi khan Beroea ah le Paul in Pathian thu a gen hi ti a het phat un, zia lam tiang ah chunle a hung pek ua, mipi chu a hung tîlsiau a.

NASEPTE 20:4

Beroea khua Pirhas chapa Sopater tawh, Thessalonika khua Aristarkas leh Sekundas tawh, Derbi khua Gaias tawh, Asia gam ah Timothi, Tukika tawh Trophimas cheng inle a hun zui tau a.

NASEPTE 27:2

Tichun, Adramitiam Long in ka lut ua, Asia gam jul ah chun ka kitawl ua, Makedonia gam Thessalonika khaw mi Aristarka le ka lak un a pang a.

PHILIPPI 4:16

Thessalonika khua ka um lai khanle, ka tâksapna awng huk dingin khatvei lei hun thot tau a.

1 THESSALONITE 1:1

Paul, Silvana leh Timothi in, Pa Pathian leh Lalpa Jesu Khrista jal ah Thessalonika khua kochuamte kiang in: Hepina leh chamna la kiang un um ta hen.

1 THESSALONITE 2:2

Ahi’n, Philippi khua sukgentheina thuak ah, jachâk um tak ah bawl ka hi’nung un, Pathian chanchinpha la kiang ua gen ding ah dâlna nasa tak lak ah Pathian in hânsanna ei piai ti la hiatsau ahi.

2 THESSALONITE 1:1

Paul, Silvana leh Timothi chun, Pathian I Pau leh Lalpa Jesu Khrista ah Thessalonika khua kochuamte kiang a:

2 TIMOTHI 4:10

Dema chun tu’lai khawvel a ngainat ziakin ei nusia in, Thessalonika khua’n a chia tai; Kresen chu Galatia gam ah, Tita le Dalmatia gam lam in a chia tau hi.