NASEPTE 15:8 - PATHIAN LEKHABU THIANGTHO (BSI)

⁸ Pathian, mi zosia lungthim he pa chun, ei haw chung ah a tunsak gual gual in amau haw chung inle Thagau Thiangtho chu a tunsak in a hiatsak tai,

NASEPTE 15:8 ပူးပေါင်းရင်းမြစ်များ

1 LENGTE 8:39

la chênna vân ah ngaitha’n la ngaidam in, mi tin a lungthim uh la het gual in dit in; mi tin a umdan tawh kigûn chiat in thuk in; nang bep in mihing lungthim la he ngâl a;

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

1 KHANGTHU 29:17

Ka Pathian, nang in lungthim lam la enchian sek in, dikna la kipakpi hi ti ka hia’i. Ka lungthim dik tak ah zia thil zosia hi kiphal takah ka hun piak ahi; chuleh, tu’hin, la mipite hinle kipak tak leh kiphal tak ah a hun piak uh ahi ti ka mui.

SAM 44:21

Pathian in zia chu ei mudok lo ding a hem? Ama’n lungthim gûk zosia a hesuak ngal a.

JEREMIAH 11:20

Himaleh, nangma Sepai honte Lalpa, dik tak ah vaihawm ah, mihing lungthim leh ngaituana pateppa, a chung ua phuba la lâkna chu ei musak in, la chung in ka um ding dan zosia ka nga ta’ngal a.

JEREMIAH 17:10

A umdan dungzui ua thuk ding leh, a nasep gau tawh kigûn ah pia ding in, keima Lalpa hin lungthim chu patep in, ka enchian zing ahi.

JEREMIAH 20:12

Aw, sepai honte Lalpa, nang in mi dikte chu la patep in, a lungthim leh ngaituanau la mu suak hi; a chung ua la phuba lâkna chu, ei musak in aw, ka chung thu hi ka hun kolsak ta’ngal a.

JOHAN 21:17

A thumveina chun, “Simon, Johan chapa, nang in kei lei hepi em?” a ti kit a. Peter chu, a thumveina, “Nang in lei hepi em?” a ti ziak ah chun a lungthim a na ta’n; a kiang in, “Lalpa, nang in bangkim la he hen, ka hun hepi hi ti le la hia’i,” a tia. Jesu’n a kiang in, “Ka belamte vâk in;

JOHAN 5:37

Ziaziakchun, Pa, ei sawlpa, ama ngei chun ka chanchin a hiatsak ahi. Ama chu bangtik lai inle a aw la hekha puau in, a mêlle la mukha puau hi.

NASEPTE 1:24

Chun, a pauchap ua, “Lalpa, nang in mi zosia lungthim la hia’i. Zia mi panite lak ah la têl zawk chu ei hun hetsak in,

NASEPTE 10:47

“Zia mite hinle eimau chan gual gual ah Thagau Thiangtho a chan tâk ziak un, amau le tui ah baptisma a chan lona ding ua khâm thei kua um ding a hem?” a hun tia.

NASEPTE 14:3

Ziaziak tak ah chun, Lalpa thu chu hangsan tak ah gen in, zia tak ah chun sawt deu a um ua, Lalpa‘n tepte’na leh thilmakte a khut ua vopsak in, a hepina thu a hiatsak sek un.

NASEPTE 15:28

Tichun, zia thil poimaw tak takte longal hi la chung ua puakgik nasa zaw hun nga lo dingin, Thagau Thiangtho leh keimau in pha ka sa tau hi:

NASEPTE 2:4

A leng un Thagau Thiangtho in a hung dim tau a, Thagau in a pausak dungzui in pau dangte’n a hung pau tau ahi.

NASEPTE 4:31

A pauchap zaw phat ua chun, a kikhopkhawmnau mun chu a hung kilîng ah; a leng un Thagau Thiangtho in a hung dim tau a, hangsan tak in Pathian thu a gen tau hi.

HEBRAITE 2:4

Pathian in tepte’na leh thilmak chi chuam chuam leh, ama’n pha a sak dungzui ah Thagau Thiangtho thilpiakte chu a piakbe nalai a.

HEBRAITE 4:13

Thilsiam ama mit mu ah kilang lo a um pua’n; I chanchin uh I genna ding un, pa mit mu in thil zosia ngawnchang leh kihongsa kilang zing ahi.

THUPUAN 2:23

chuleh, a chate chule that ding ka hi. Kochuam zosia chun keima hi ngaituana leh lungthim zosia enchianpa ka hi ti hun he ta’n au; tichun, la nasep dungzui un hun thuk ta’ng ka.

1 SAMUEL 16:7

Himaleh, Samuel kiang ah Lalpa‘n, “A mêl latdan a hem leh a din sândan in en kin la, zia gual mi chu ka paithâk ahi, Lalpa chun mihingte et dan in a en puai; mihingte chun a paw lam mêl latdan a en sek un, Lalpa‘n vang lunggil lam a en sek hi,” a tia.