NASEPTE 13:2 - PATHIAN LEKHABU THIANGTHO (BSI)

² Amau chun Lalpa ho ah an a ngol lai un, Thagau Thiangtho chun a kiang un, “Barnaba leh Saul kha ka kona lam ah nasem dingin ei koichuam piak un,” a hun tia.

NASEPTE 13:2 ပူးပေါင်းရင်းမြစ်များ

1 KHANGTHU 16:4

Chuleh, Levite lak ah mi khenkhatte chu Lalpa thuthung thingkuang enkol ding, kipak thu gen ding leh Israelte Pathian, Lalpa pakcha ding in a guat chuam hi.

DANIAL 9:3

Ziaphatchun, anngawl ah saidip puan sil ah vut lak ah kitung in, Lalpa lam nga’n pauchapna leh dotpiakna ka nei ta’n.

MATTHAI 17:21

Banghilehle, zia tawhbang hichu, pauchapna leh anngawlna longal in pawtdok pua’n a, a tia.

MATTHAI 6:16

An la ngawl tak ua leh le mi phalêmte gual in ngui mêl pu kiu in; amau chun mi mit mu ah anngawl a hiu kilat theina dingin, a mêl uh a hinâng chiat chuat sek ui. Titakzet in ka hil la hiu, a kipakman uh chu a mu zo tau hi.

MATTHAI 9:38

Ziaziakchun, louneipa Lalpa kiang in, a bu lakhawm dingte hun sawl dingin don un,” a tia.

LUKA 10:1

Ziazaw chun, Lalpa‘n midang sawmsagi a têldok a; ama chia guatna khua tin ah chun pani ni’ kiton dingin a sawl masa’n.

LUKA 2:37

chuleh kum sawmgiat leh li sung meithâi ah a la khawsa ta, tempul ah kipat pawtdok lo ah, a sun a jan ah anngawl ah pauchap sek ahi’n.

NASEPTE 10:19

Peter in a thil mu chungchâng ngaitua ah a la um lai tak chun, Thagau chun, a kiang in, “En in, mi pathum in a hung hawl ui.

NASEPTE 10:30

Kornelia chun a dawnhu a, “Ni li a hita’n, tu’ phat vel ah hin ka In ah nitâk dak thum ah ka pauchap lai tak in, mi pakhat puan vâm tak sil in ka ma-âng in a hung ding a.

NASEPTE 13:3

Tichun, anngawl leh pauchap in, a chung un a khut uh a ngau ah, amau chu a sawldok tau hi.

NASEPTE 13:4

Tichun, Thagau Thiangtho in a sawldaw dungzui in Seleukia khua lam zuan in a kipandok un, zia kipat chun Kupra tuikual gam lam ah long in a kitawl kâi un,

NASEPTE 14:26

Zia kipat chun Antiok lam ah Long in a hung kitawl kâi ua. Zia mun hi a nasepteu a hun sep butinnau leh, Pathian hepina kolsak ah a umnau khua kha ahi.

NASEPTE 20:28

Pathian kochuamte, a chapa thisan ah a leisate chu vâk dingin, nanghaw leh la gan-gualteu chung ah chun chingthei un; Thagau Thiangtho in amau haw chu entup ding ah a hun koite chu la hingal un.

NASEPTE 22:21

Ziaphatchun, ama chun, zia kipat hin pawt in, gamla tak ah Jentelte kiang ah hun sawl ding ka hi, ei tia, ti’n a gen a.

NASEPTE 4:36

Levi mi pakhat, Kupra mi, Joseph kiti a um in, ama chu apostolte’n Barnaba (zia chu, Thamuanna chapa, ti’na ahi,) a tiu a.

NASEPTE 6:4

Kei uh ka hiu leh, pauchapnate leh thu nasepna’n kipia’ng kau,” a tiu a.

NASEPTE 8:29

Thagau in Philip kiang ah chun, “Chia inla, a kângtalai ah sawn nang le vachuang in,” a ti’n.

NASEPTE 9:15

Himaleh, Lalpa chun a kiang in, “Chia mai in; ama hi Jentelte leh lalte tawh Israel chate kiang ah ka min pawlut ding ah matchâk ding ah ka têl ahi;

ROMTE 1:1

Paul, Jesu Khrista suak, sawlchâk hiding ah ko ah um leh, Pathian Chanchinpha gen ding ah se’chuam ah um hin,

ROMTE 10:15

Sawl a hilo ua leh bangti’n thu gen thei ding a hiu em? “Chanchinpha hun tuntute keng chu a mêlpha na lawm lawm e!” ti zik gual ah khan.

ROMTE 15:16

Chanchinpha ah thiampu nasepna lam ah chun, Jentelte kiang ah Jesu Khrista nasêmpa ka hi’theina dingin; chutichun, Jentelte kipiakna chu pom tâk leh, Thagau Thiangtho ah sukthiantho a hitheina ding in.

1 KORINTH 12:11

Zia zosia hin Thagau pakhat ma chun mi zosia kiang in a nop gual gual ah hawm in a sêm sek hi.

1 KORINTH 7:5

Pauchap ding ah la kipiak theina ding un leh, la kivop kit theina ding un, sawt lo cha sung ding ah pha lasak gêl uh a hilo ngal leh, kuama kikâk in um kiu in; chutilochun, kisûm zo lo in Setan in hun thêm kha’n a.

2 KORINTH 11:27

sepgimna leh thokgimna, i-mut lona ah tamvei, gilkial leh dangchâk ah umnate, an ngolna tamvei tak, dap thokna leh ngawnchang ah umna ah te leh,

2 KORINTH 6:5

vokna, suangkultânna, buaina, sepgimna, i-mutlona leh anngawlna ah te;

GALATIA 1:15

Chuleh, ka nu gilpi sung ah kipat ei la khenchuampa leh hepina ziak ah ei kopa Pathian chun,

EPHESA 3:7

A thilhitheina nasep ah, a thawn ah piak Pathian hepina dungzui ah chun, zia chanchinpha nasêm ding ah chun suak ka hung hi tai.

DAN LEKHABU 10:8

Zia hun lai ah kipat tuchan in, Lalpa thuthung thingkuang jawn ah, Lalpa ma-âng ah ding ah, a nasêm ding leh a min ah maljawlna gen dingin Levi phungte chu a guat chuam tai.

KOLOSSA 4:17

Chuleh, Arkhippa kiang ah khan, “Nasepna Lalpa ah la mu kha mualsua dingin chingthei in,” a la tiu in.

1 TIMOTHI 2:7

Zia ding ah chun thugen ding leh sawlchâk ding, (thutak ka gen ahi, juau ka gen puai,) ginna leh thutak ah Jentelte thu hil ding ah guat ka hi.

2 TIMOTHI 1:11

Zia chanchinpha â ding ah chun, tângsam leh sawlchâk leh thuhilpa hiding ah guat ka hi’n,

2 TIMOTHI 2:2

hetpi tam takte lak ah ka kam ah thu la hiatte kha, mi ginum, midang hilsawn thei dingte kiang in pesawn in.

2 TIMOTHI 4:11

Luka bep ka kiang in a um hi. Marka kha hun chial inla, hun pui in, ama chu ka nasepna hin a phachuam ngal a.

2 TIMOTHI 4:5

Nang vang chingthei tak in umzing in, haksatnate thuak inla, chanchinpha gen in pang zing inla, la nasepna chu mualsua ta’n.

HEBRAITE 5:4

Aron gual ah Pathian in a ko ahilo chun, kuama’n zia choihoina hi a kilâk ngai puau hi.

1 SAMUEL 2:11

Tichun, Elkanah chu Ramah khua a In lam in a chia kit ta’n; naupang chu Lalpa nasêm in, thiampu Eli kiang in a um den tai.