NASEPTE 13:11 - PATHIAN LEKHABU THIANGTHO (BSI)

¹¹ Chuleh, tu’hin ngai in, Lalpa khut in a hun do la hi, hun chomkhat sung la mitthûm intin, nisa mu pua’n la,” a tia. Ziaphatchun, chimchi leh thimna chun a hun chup tangal ah, a khut ah kaibât ding mi a hawl tai.

NASEPTE 13:11 ပူးပေါင်းရင်းမြစ်များ

SAM 32:4

A sûn a jan in la khut ka chung ah la nga sek ngal a; khâl nipi’n thil a hi’danglam gual in, ka tha hile a ke hia’i huai ziang tai. (Selah)

PAWTDAWNA THU 9:3

Lalpa khut chu loulai ah um la gancha sakolte, sabiltungte, sangawngsaute, bawng honte leh belam honte chung ah hin ganpûl huaisia tak tung ding ahi.

HEBRAITE 10:31

Pathian hing khut ah pûk chu thil huaisia tak ahi.

1 SAMUEL 5:11

Ziaziakchun, Philistin hotute chu a ko khawm tau a, a kiang un, “Israelte Pathian thuthung thingkuang hi a umna mun ngaiah vathak kit mai un, kei haw leh ka mipiteu ka thigamlona ding un,” a tiu a. A khawpi sung zosiau ah thi ding lau ah patauna a huaisia ma ma ah;

2 PETER 2:17

Ziate chu tuikhuk tui umlo leh, sûm tui paw lo hui in a mut lumlet a hiu ah, amau â dingin thimna sâ pen chu khêk in a um tai.

JOHAN 9:39

Jesu’n a kiang in, “Zia khawvel ah hin vaihawm ding ah hung ka hi, mitthûmte chun mitvakna a neina ding uh leh, mitvâkte chu a mit uh a thûmna dingin,” a tia.

JOB LEKHABU 19:21

Aw ka gualte haw, ei lainat unla, ei lainat un, Pathian khut in ei suliam ta’ngâl a!

ROMTE 11:25

Suapite haw, zia thugûk hi helo ah la um ding uh ka dawi puai, dan leh nangmau ngaidan mai in kipilsak kha tawl in lau; Jentelte bukimna a hung tun masia mu theilo dingin, zia tawhbang mitthûmna chu Israel lak ah khenkhatte chung ah le a um hi.

NASEPTE 9:17

Ziaphatchun, Ananiah le a chia ta’n, In ah chun a lut a; a chung in a khut a nga ngal ah, “Unaupa Saul, Lalpa Jesu ngei la hungna lampi la kiang ah hung kilâkpa khan, khua la mutheina ding leh Thagau Thiangtho ah la hung dim theina dingin ei sawl ka hi,” a ti’n.

ISAI 29:10

Lalpa‘n i-mut thûtna thagau la chung un, a hun buntha ta’n, nang uh jawlneite, la mit uh a hun tuam piak tai; nang uh mulawk theite, la luchang uh a tuam piak tai.

SAM 38:2

La thalchangte chu ka taksa ah hin kâp lut a hita’n; ka chung in la khut la tha ta’ngal a.

2 LENGTE 6:8

Khatvei chu, Aram lengpa tawh Israel a kido lai un, a hotute a lemguatpi a. Ama chun, “Zia mun leh zia tak kha ka kikulna mun hiding ahi,” a tia.

1 SAMUEL 5:9

Himaleh, Gath khua a puak tung zaw phat un, Lalpa‘n zia khua chêngte chu a hun gawt kit ziakin a patau ma ma ziang tau a; khawpi sung ah chêngte lak ah a têk a khang kidang lo in tibawk natna a vei chiat tau a.

THILSIAM THU 19:11

Chuleh, kotkhak bul ah mite chu a têk a khang in a mit uh a hi’thûm piak un; tichun, kotkhak hawl in a kimai sau sau ziang tau hi.