NASEPTE 13:10 - PATHIAN LEKHABU THIANGTHO (BSI)

¹⁰ “Nang mi thêmpa leh jakda um zosia ah dimpa, nang diabol chapa, dikna lam zosia mêlmapa, Lalpa lampi diktakte suksiat hi haisan lo ding la hi maw?

NASEPTE 13:10 ပူးပေါင်းရင်းမြစ်များ

JOHAN 8:44

La pau diabol mite la hiu in, la pau doigual bawl la nuam ui. Ama chu a lim ah kipat tualthat ahi’n, thu tak in a um ngai puai; ama ah chun thu tak him him a um puai. Zuau a gen tak leh ama mizia dungzui in a gen sek a; ama chu zuauthei ahi’n, zuauthei te pa le ahi.

GALATIA 1:7

Chanchinpha dang um a hipua’n, nangmau hun subuai in, Khrista Chanchinpha sukdanglam nuam kuate a hem a la um ahi.

2 KORINTH 11:3

Ahi’n la, gûl chun dawha thiam ah Evi a thep gual khan, Khrista ah takna leh thianthona ah kipat la lungthim uh susia kha’n au ti ka lauthawng hi.

MATTHAI 13:38

lou chu khawvel ahi; chiphate chu gam chate a hiu in; bulêmte chu migilo chate a hiu hi.

HOSEA 14:9

Mipil taphot chun ziate hi hechian tau hen; hiatthiamna nei taphot in zia chu he tau hen. Lalpa lampite chu a dik in, mi dikte’n zia chu a haw un; himaleh, bawlsiate vang, zia chun a kipal pûk sek ui.

1 JOHAN 3:8

Gitlo bawl taphot chu diabol ah pawt ahi; diabol chun a tîl ah kipat in gitlo a bawl tangal a. Pathian Chapa hung kilatna ziak pen chu, diabol nasepte sukmangthai a hi’theina ding ahi.

LUKA 11:52

Nanghaw dan thiamte haw, la chung uh a gik hi! hetna chabi chu la kol un, nangmau la la lut nuam puau a, midang a hung lut nuamte la la lutsak nuam diak puau in,” a tia.

2 PETER 2:15

Bosor chapa Balaam, diklo tak sum thangaipa lampi chu a haw tâk ziak un, lam dik pêtmangsan in a vâk mang tau hi.

NASEPTE 20:30

Nangmau lak ngei inle mi khen khat in nungzui khenkhatte chu puidaw gua’n, puikawina thute hun gen ding a hiu.

MATTHAI 23:13

Nanghaw, lekhazikte leh Pharisai miphalêmte haw, la chung uh a gik hi! Mi van-gam lut ding la dâl ua; nang uh la la lut puau ah a lut nuamte le la lutsak diak puau hi.

MATTHAI 15:19

Lunggil sung ah kipat chun tupgûkna phalo gilonate, tualthanate, ângkawmnate, tatsualnate, gûkchâknate, zuau gennate, mi hêknate leh gensiatnate hung pawt sek ahi.

MATTHAI 3:7

Himaleh, Pharisaite leh Sadukaite tam tak baptisma chang ding ah hung a la mu phât in a kiang un, “Gulsuante haw, lungnatna hung tung ding chu pumpel dingin kua’n a hun hil em?

JOHAN 1:23

Ama chun, “Jawlnei Isai in: ‘Lalpa lampi chu siam zang un!’ tia a gen, gamthip ah kiko aw kha ka hi,” a tia.

LUKA 11:39

Lalpa chun a kiang in, Nanghaw Pharisaite hin, no leh kuangte hi a pawlam bep la sawp thiang un; himaleh, la sunggil lam uh chu du-âmna leh nunsiatna dim ahi.

JEREMIAH 23:36

Himaleh, “Lalpa puaknat chu,” ti hivang la gen puak tâk lo ding uh ahi; puaknat chu mi tinte kamsuak haw zosia hi a hiziak in; tichun, Pathian hing, sepai honte Lalpa, I Pathian uh kamsuakte chu la kaikawi zo ta’ngal un.

THUGENTU 9:3

Zia hi khawvel ah thil tung lak ah phalo ma ma khat chu ahi: Mitin chung ah kibang tak ah thil a hung tun mai hi. Zia mai chule hilo in, mi zosia lungthim hi phatlo na’n a dim in; a damsungsiau a lungthim ua ngolna dim in, zia nung chun mithite kiang lam a zuan tau hi.

2 KHANGTHU 17:6

Lalpa lam in a lung a det ma ma ah; zia bep chule hilo in, Judai gam sung ah thoimual leh dawikhuam um zosia chule a susia dik dek tai.

THILSIAM THU 18:19

Lalpa lampi a hawtheina ding un, a nung ah a chate leh a Inkuante, thil dik tak ah hiding leh, vaihawm gual ah um ding ah thu a piak theina dingin ama chu ka guat ta’ngal in; a chungchâng thu Lalpa’n a gen chu Abraham chung ah a tunsak theina dingin,” a ti’n.

THILSIAM THU 3:15

nang leh numei hun kidosak ing ka tin, ama suan leh nangma suanle kidosak ing ka; ama’n la luchang vaw thidup intin, nang in a akkhawmit chu thidup in la,” a ti tai.

EPHESA 4:14

Diklo tak ah juauthepna gual ah, pil gûkkhel ah mihing thêm kawm ah, ziltilna thigua’n langkhat langkhat ah a mût lumlet thei ding ah naupang I hi’ tâk lona ding un.