NASEPTE 13:1 - PATHIAN LEKHABU THIANGTHO (BSI)

¹ Antiok khua kochuamte lak ah chun jawlnei leh mihilte le a pang un; ziate chu: Barnaba, Simeon, Niger le a ti sek uh kha tawh, Kurini ah um Lukia tawh, gam awptu Herod tawh seilian khawm Manaen tawh, Saul a hiu a.

NASEPTE 13:1 ပူးပေါင်းရင်းမြစ်များ

MATTHAI 27:32

A hung pawtdaw lai tak un, Kurini khua mi pakhat, a min Simon a tiu chu a muu ah, a chamlo in kros chu a putsak un.

LUKA 3:1

Lengpa Tiberias vaihawm, kum sawm leh nga tin kum in, Pontia Pilat chu Judea gam awp in a hung pang ah, Herod chu Galili gam ah vaihawm in a pang ah, a suapipa Philip chu Ituria leh Trakoniti gam ah vaihawm in a pang ah, Lusania chu Abilin gam ah vaihawm in a pang in;

NASEPTE 11:30

zia chu a bawl ngei un, Barnaba leh Saul khut in a upateu kiang tung dingin a thot tau hi.

NASEPTE 12:25

Barnaba leh Saul chun a nasep ding siau a hun sukbutin phat un, Jerusalem ah kipat in Johan, Marka kiti kha tawh kiton in a hung kile’kit tau hi.

NASEPTE 13:9

Ziaphatchun, Saul, Paul le kiti chu Thagau Thiangtho ah dim in ama chu a ensâl a:

NASEPTE 15:32

Judas leh Sila chu jawlnei le a hiziak un, unaute chu thu tam tak ah tîlhat in a phudet tau a.

NASEPTE 15:35

Ahi’n, Paul leh Barnaba chu Antiok in a châm nalai ua, midang tam tak tawh Lalpa thu chu a gen jel tau hi.

NASEPTE 19:6

Paul in a chung ua khut a ngat phatin, Thagau Thiangtho a chung un a tung ta’n; pauhetlo in a pau tau ah, Pathian thu a gen tau hi,

NASEPTE 21:9

Ama chun chanu pawsal neilo, thu genlawk theina nei pali a nei a.

NASEPTE 4:36

Levi mi pakhat, Kupra mi, Joseph kiti a um in, ama chu apostolte’n Barnaba (zia chu, Thamuanna chapa, ti’na ahi,) a tiu a.

NASEPTE 9:1

Saul chun vang Lalpa nungzuite vau ah thalup a guat dan a gen zing ah; thiampu lianpen kiang in a chia a,

ROMTE 16:21

Ka seppi Timothi leh ka chipite Lusia, Jason leh Sosipater te hin chibai a hun bûk ui.

1 KORINTH 11:4

Pawsal lukhuk khuk kawm ah pauchap leh thugen tapo chun, a luchang chu a hi’mualpho hi.

1 KORINTH 13:2

Chuleh, thugen theina nei in, thugûk zosia hethei in, tâng chawntheina khop ginna kim nei maleng, hepina ka neilo chun, bangma ka hi puai.

1 KORINTH 13:8

Hepina chu bei pua’n a. Thugen theinate chu hung mangthai in a; pauhetlote chu hung bei intin; hetna chu hung bei in a.

1 KORINTH 14:29

Thugente’nle, pani a hem, pathum a hem in gen uh hen la, a dangte’n gunchu tak in ngaituau hen.

1 KORINTH 14:32

Thugente thagau chu a thugente thu thu’n a um hi.

1 KORINTH 9:6

Ahiloleh, keimau kivâkna ding ah khut ah nasem lo dingin, kei leh Barnaba’n thu ka neilo diak ua a hem?

GALATIA 2:13

Juda dangte chule a la lepchia tho un; tichun, Barnaba hial le a gitlonau ah chun pui mang in a um tai.

GALATIA 2:9

Tichun, hepina kei kiang ah piak ah um chu a mu phât un, Jakob, Kipha, Johan leh Inkhuampi ah a ngaiteu chun, kei uh Jentelte kiang ah chia ding leh, amau chu zektante kiang ah chia dingin, kei leh Barnaba chu kipawl theina khut changlam ei pia tau a.

EPHESA 4:11

Tichun, khenkhatte chu sawlchâk hiding in, khenkhatte chu jawlnei hiding in, khenkhatte chu Pathian thugen dingin, khenkhatte chu kochuam vâk ding leh khenkhatte chu zilsak ah pang dingin thilpiak a pechiat a;

PHILIPPI 4:22

Mithiangtho zosia hin chibai a hun bûk ui, Kaisar Inkuan lak ah mite hin a bîk tak in a hun bûk ui.

1 THESSALONITE 5:20

Jawlneite thute chu musit kiu in.