NASEPTE 12:7 - PATHIAN LEKHABU THIANGTHO (BSI)

⁷ Lalpa vansawlchâk pakhat a kiang in a hung lut ah, suangkul sung chu a hung salvâk tai. Peter pangche a hun bêng ah, “Tho vak in,” a tia. Chuleh, a kihênna khaute chu a khut ah kipat in a kitham tai.

NASEPTE 12:7 ပူးပေါင်းရင်းမြစ်များ

2 SAMUEL 22:29

Ahi, aw Lalpa, nang chu ka thaumei la hi, Lalpa‘n ka thimna lei hivâk piak tai.

1 LENGTE 19:5

Ziazaw chun, munphi thingbul ah chun a lum ah a ipmu tai. Tha khat in vansawlchâk in a hun khoi ah, a kiang in, “Tho inla, ne’n,” a tia.

1 LENGTE 19:7

A niveina’n Lalpa vansawlchâk a hung kit ah; a hung khoi ah, “Tho inla, ne’n, achutiloleh la zinna ding hi tung zo lo ding la hi,” a tia.

SAM 107:14

thim lak leh thi’na lim nuai ah kipat in a puidok ah, a kol buteu chu a ât tan piak tai.

SAM 116:16

Aw Lalpa, la suak ka hi; nangma suak, la suaknu chapa ngei chu ka hi. Ka kolbu lei thap piak tai.

SAM 146:7

nuaisia ah umte dik tak in vai a hawm piak sek in; gilkialte kiang in an a pesek hi. Lalpa‘n suangkul tângte a thâdok sek in,

SAM 34:7

Lalpa kichate chu a vansawlchâk in a ûm kîmvêl hen, a hukhing sek hi.

SAM 68:6

Pathian in mi thawmhaute chênna ding In a pia’n; suangkul ngâkte chule, vangphatna mun ah um dingin a puidok sek hi; kiphin mangte chu vang gamkeu in a umsak sek hi.

ISAI 37:30

Chuleh, zia hi Hezekiah â ding ah tepte’na hi’n a: Tu’kum chu bu li’kek ga ne’n la tin, a kum kit leh a sel kit gate ne’n la tin; a kum thumna phat leh, bu chîng in, ât in la tin; grep gui phut in, a gate chu hun ne’n lau.

ISAI 60:1

Hung kipan inla, hung vâk in; la vakna a hung tung ta’n, Lalpa lopina chun a hun salvâk ta’ngal a!

JEREMIAH 40:1

Sepai hotulian Nebuzaradan in Ramah khua Jekoniah a thâdaw nung in, Jeremiah kiang in Lalpa‘n thu a hun gen a: Babulon lam ah saltâng ding ah Jerusalem khua leh Judai gam ah salmat zosia kha tawh, thikkhau ah hên in a pui khawm a.

EZEKIEL 43:2

Zia tak ah chun, Israelte Pathian lopina vâk, sualam ah kipat hung chu ka mu’n; tuisuagiat kinawk gi gual in a gi’n; tichun, a lopina chun lei tual a salvâk tai.

DANIAL 3:28

Nebukadnezar in, “Sadrak, Meshak leh Abednegote Pathian chu pâk in um ta hen! Ama’n a vansawlchâk hun sawl in, ama muangah a nasêmte, lengpa thupiak le jalo ah a Pathian uh tilo pathian dang nasep leh ho sâng ah, a taksau pedok ngam zaw te chu meipi lak ah kipat in a hukdok ta’ngal in.

DANIAL 6:22

Ka Pathian in a vansawlchâk a hun sawl ah, sakeibaknei kam chu a chi’sak ah, ei suna lo uh ahi; a ma-âng ah bangma bawlkhial ka nei lo ziakin; chuleh, aw lengpa, la ma-âng inle bangma bawlkhial ka nei puai,” ti’n a hun dawnhu tai.

MIKAH 7:9

Kei lam ah a pan ah, kei a ding ah vai ei hawm piak masang sia chu, Lalpa chung ah thil ka la hi’khial tâk ziakin, a lungnatna paw zing ta’ng ka. Ama’n vâk ah ei puidok intin, tichun, a dikna chu mu ta’ng ka.

HABAKKUK 3:11

la thalchang leng vut vut leh, la thalpi te zol zolte ziakin, chung sûn ni leh sawlthapile, a mun sâng tak ua chun a ding den tau hi.

HABAKKUK 3:4

A vak dan chu nisa a bang in; a khut ah pat vâk zung a kikhawdok in, zia tak ah chun thilhitheina sêlgûk ahi.

MATTHAI 2:13

A chia mang nung un, Lalpa vansawlchâk chu Joseph mang in a hung kilâk a, “Tho inla, nausen leh a nu pui inla, Aigupta gam ah jam inla, ka hun hil kit masia zia tak ah chun um zing un; Herod in nausen hi’mangthai dingin hawl ding ahi,” a tia.

LUKA 2:9

Lalpa vansawlchâk pakhat a kiang un a hung kilang phut ah, a kîmvêl uh chu Lalpa lopina’n a hun salvâk ta’n; a lau ma ma ziang ua.

LUKA 24:4

Lungkham tak ah a um lai un, mi pani puanvam tak, mi sal thei hial sil in a kiang un a hung ding ua.

NASEPTE 10:30

Kornelia chun a dawnhu a, “Ni li a hita’n, tu’ phat vel ah hin ka In ah nitâk dak thum ah ka pauchap lai tak in, mi pakhat puan vâm tak sil in ka ma-âng in a hung ding a.

NASEPTE 12:23

Ziaphatchun, ama’n Pathian kiang ah lopina a piak lo ziakin, Lalpa vansawlchâk in phutlo in a gawt ah, gûlkût in a ne, a thi tai.

NASEPTE 12:6

Herod in puidaw a guat jan tak ah chun, Peter chu sepai pani kikâl in thikkhau pani but in a ipmu; a vêngte chunle kotkhak bul ah chun, suangkul chu a vêng un.

NASEPTE 12:8

Vansawlchâk chun a kiang in, “La kawng gâk inla, la kengtawdap but in,” a tia. Zia gual ah chun a bawl tai. Chuleh, a kiang in, “La puan sil inla ei zui in,” a ti kit a.

NASEPTE 16:26

Zia lai tak ah chun thakhat in lîn a hung kilîng ah, suangkul chu hung kilok in, a kotkhak zosia chu thakhat in a hung kihong ta’n; tichun, mitin kolbute chule a hung kiphel zo tai.

NASEPTE 2:24

Himaleh, ama chu thina’n a tûktân zaw ding gual ahilo ziakin, Pathian in thina kipat tandok in, a kaitho kit ta’n.

NASEPTE 5:19

Himaleh, jan kâl in Lalpa vansawlchâk chun suangkul kotkhak chu a hung hon piak ah, a puidok ah, a kiang un,

NASEPTE 9:3

Tichun, a chia pek ah, Damaska khua daikiang a hun pha ta’n; thakhat in van ah kipat vak hât tak hin a hun khaw a;

EPHESA 5:14

mu thei ah hung um zosia chu vâk ah mi ahi ngal in. Ziaziakchun, “Nang ipmu hak inla, mithi lak ah kipat hung tho ta’n, chutileh, Khrista chun vakna hun pia’n a,” a la tii.

HEBRAITE 1:14

Vansawlchâkte haw zosia chu, hukdamna chang dingte nasem ding ah sawldaw thagau hilo a hiu em?

THUPUAN 18:1

Ziazaw chun, vansawlchâk pakhat, thilhitheina nasa tak tawh van ah kipat hung suk ka mu’n, a lopina chun lei a salvâk a.