NASEPTE 11:1 - PATHIAN LEKHABU THIANGTHO (BSI)

¹ Judea gam ah um apostolte leh unau zosiate chun, Jentelte’n le Pathian thu a hun awi tau hi ti a hun he tau a.

NASEPTE 11:1 ပူးပေါင်းရင်းမြစ်များ

THILSIAM THU 49:10

Laltiang chu Judah lak ah mang pua’n tin, vaihawmna laltiang chu a kêngkâl ah kipat bei diak pua’n a;

SAM 22:27

Kawlkil tiang ah mite’n hezing in, Lalpa lam hun nga ta’n au; namtin ah kipat chitinte a ma’n kûn ta’n au.

ISAI 11:10

Zia ni phat chuleh, Jesse zung chu namtinte â ding ah tepte’na hung hi’ntin; namtin in ama umna hun kandok ta’n tin uh; tichun, a chênna chu hung lûn ma ma ta’n a.

ISAI 32:15

chung lam ah kipat Thagau but khum I hung hi masangsiau, gamkeu gam chu gampha hung suak intin, gam phatna munte chu gammâng ah ngai hung hi’n a.

ISAI 42:1

Ngai un, ka suakpa, k eima tundaw, ka têlchuam leh ka lungdamna ma ma chu; a chung in ka thagau ka koi ta’n, namtin chung in vai hun hawm ding ahi.

ISAI 42:6

Keima, Lalpa chu ka hi’n, dikna’n ka hun ko in, la khut in ka hun tûk in, ka hun vêng bit hi; nam tinte â ding ah thuthung hiding in ka hun pia’n, namtin salvâk ding leh,

ISAI 49:6

Israelte lak ah a suakcha sunte tundin kit ah, Jakob namte photdin kitna ding ah, ka suak ah la pan hi thil bailam ahi puai; kawlkil tiang ah mite kiang chan ah, ka hukdamna a tun theina dingin, namtin salvâk dingin hun siam ding ka hi.

ISAI 52:10

Nam tinte mit mu in Lalpa‘n, a khutbân thiangtho chu a lâmdok ta’n; tichun, kawl kîmvêl tiang ah mi zosia’n, I Pathian hukdamna chu hun mu ding a hiu.

ISAI 60:3

La vâk ah chun namtin hung khawm intin uh, la jingkal phalvakna lam zuan in, lei ah lalte le hung khawm in au.

ISAI 62:2

Namtin in la dik zia hun mu’n tin uh, leng zosia’n le la lopina hun mu ta’n au; tichun, Lalpa‘n a hun phuak piak, min thak khat ah ko hung hita’n la.

JEREMIAH 16:19

Aw Lalpa, ka hatna leh ka kulpi, buai lai ah ka kisêlna; kawl kîmvêl ah kipat namtin hung khawm in, la kiang in: Ka pu leh pateu in zuau thu leh, thil manlote tilo ngal, bangma a la lemlaw puau hi.

HOSEA 2:23

chuleh, kei â dingin ama chu gam ah kitû ta’ng ka tin; Lo-ruhamah chu lainat ta’ng ka tin, Lo-ammi kiang in, “Nang ka mi la hi,” ti ta’ng ka. Ama’nle ka kiang in, “Ka Pathian la hi,” ei ti ta’n a.

MIKAH 5:7

Ziaphat chuleh, Jakob mi umsun te chu, nam tam tak in a ûm kîmvêl uh himaleu, mihing ah kinga lo leh, thitheite a ngak lo gual ah, Lalpa ah kipat daitui gual leh, hampa lak ah gua mal kia gual in um ta’n au.

ZEPHANIAH 2:11

Lalpa chu a chung un huham intin, lei chung ah pathian zosia lau ah kithinsak ta’n tin; mitin in a umnau mun chiat ah kipat tuisuagiat pâm leh, tuikual gam zosia ah kipat in, a âng ah hung bokkhup ta’n au.

ZEPHANIAH 3:9

Ziaphat chuleh, mipite pau thiangtho in then piak ing ka tin, lungthim kithu gual ah Lalpa min chu, a hun ko ua, a na a sep khawm theina ding un.

ZEKARIAH 2:11

Zia ni chuleh, nam tam tak in Lalpa zawm ta’n tiu in, ka mite hita’n au; chun, la lak un chêng ta’ng ka. Chuleh, sepai honte Lalpa chun ei sawl ka hi ti hun he ta’n lau.

MALAKI 1:11

Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

MATTHAI 2:1

Lengpa Herod hun lai ah, Judea gam Beth-lehem khua Jesu a hung pian in, sualam ah mipilte Jerusalem ah a hung un:

MATTHAI 8:11

Ka hil la hiu, sualam leh tumlam ah kipat in mi tam tak hung intiu in, van-gam ah chun Abraham, Isak leh Jakob kiang ah chun an nekhawm intiu in;

MARKA 16:5

Thân sung ah chun a lut ua leh, tangval pakhat puan chual vâm tak ah kivan, a changlam pang ah kichu chu a muu a; a lau ma mau a.

LUKA 2:32

vâk, Jentelte salvâk ding leh, la mi Israelte lopina ding chu,” a tia.

NASEPTE 1:15

Zia hun lai ah chun Peter chu gingtute lak ah chun a hung dingdok a, (zia tak ah kikhawmte chu mi za leh sawmni vel a hiu,) ama chun,

NASEPTE 11:29

Nungzuite chun amau hi’thei dan chiat tuak khawm ah, Judea gam ah unaute panpina dingin thot a guau a;

NASEPTE 14:27

A hung tun phat un kochuamte chu a hun ko khawm ua, amau mang ah Pathian in na a sep zosia chu a gensawn ua, Jentelte kiang ah le ginna kot a kihon tâk dante a gen tau a.

NASEPTE 15:3

Tichun, kochuamte chun a hung thadok ua, Phoinikia gam leh Samaria gam a hun chuan malam ua, Jentelte lung kihei dan a gen malam pek tau a; unaute zosia chu nasa tak in a kipaksak tau hi.

NASEPTE 28:15

Zia tak ah chun unaute’n ka umdan uh a het phat un, zia kipat chun Appia Vaihawmna mun leh Khualbûk Pathum tiang ah ei dawn dingin a hung tau a. Paul in zia haw chu a mu phât in Pathian kiang in kipak thu a gen ah, a lungmuang tai.